標榜自拍功能的手機越出越多，前置鏡頭原意只係 3G 視像通話，今時今日演變成 1,300 萬像素另加補光燈。被封為「自拍神器」的相機竟然炒價過萬，自拍潮流可算一發不可收拾。為了自拍可以去到幾盡？有人為了 Selfie 竟然連命都可以唔要！
昨日睇新聞，2015 年因自拍而死亡的事件已經有 12 宗，比鯊魚咬死人更多。報導指 12 名喪命的人當中，有 4 名是自拍時失足，當中包括早前在印度泰姬陵自拍時失足的 66 歲日本遊客；另外有不少案例是被火車撞倒或被大型機器傷害致死。為了自拍而冇命，實在是非常不智。
就算保住命仔，自拍有時候都會釀成悲劇。朋友旅行時聽聞有匪徒專門搶走自拍棍上的手機，不但令旅程中失去聯絡，就連之前拍攝的相片也同時失去。不過對男生來說，自拍合照時將女神 BB 影得唔靚先係死罪，激嬲女神的感受可能同俾火車撞有得揮呢！
分享到 :
最新影片
