呢幾日 Tsum Tsum 出咗萬聖節 bingo 卡之後，我就完完全全迷咗落去。唔知又有無 wire 民同我一樣呢？如果有，你一定都會好鍾意呢個手機殼！
呢款 Tsum Tsum 手機殼同之前介紹過嘅米奇游水手機殼差唔多，不過入面嘅液體轉咗透明同加咗閃粉，所以就可以睇得好清楚入面嘅 Tsum Tsum 郁動。今次一共有 3 款，每款入面都有 5 種 Tsum Tsum，有大有細，就同真嘅遊戲一樣，係咪見到都好想篤落去呢？
▲ 玩到無晒心可以反轉手機望住個殼吊下癮先啊！
▲ 聽電話嘅時候 D Tsum Tsum 會跟住郁架！
▲ 3款機殼又面嘅 D閃粉襯番 iPhone 嘅顏色，好有心思架！
▲ 不過暫時只有 iPhone 6s/6 ，每個 3024 日元（含稅）， Android 嘅用家都喺玩住真嘅 Tsum Tsum 先啦！
資料來源：Hamee
