包膠！包膠！未來兩個月海港城將會出現人潮！咦？乜唔係話自由行唔帶嚟購物架咩？點解依莉詩今日去到見到人頭湧湧嘅？
原來今年海港城再次同迪士尼合作，將海運大廈露天廣場裝飾成「Happily Ever After」聖誕大街。入口有一棵由多個星星組成 40呎高巨型聖誕樹，樹頂掛上立體米奇老鼠造型掛飾。大街嘅店舖外牆繫上了紅色絲帶，屋頂設置咗以燈泡組成嘅聖誕祝福語句，就好似身處迪士尼嘅小鎮大街一樣浪漫。
同 Elsa 一齊成為櫥窗一部份
要影相必到聖誕大街兩旁嘅三個迪士尼聖誕櫥窗，每一個都展示著不同嘅迪士尼故事。這邊廂米奇老鼠同高飛係度睇一本本迪士尼故事書。另一邊廂，愛莎女皇、安娜公主及小白雪人 Olaf 係冰雪上高歌。一班 Tsum Tsum 造型嘅迪士尼朋友更會變成一座巨型蛋糕，慶祝樂園10周年。
▲ 米奇老鼠同高飛係度睇一本本迪士尼故事書。
▲ 你可以企係櫥窗同愛莎女皇、安娜公主及 小白雪人Olaf 一齊合照。
▲ ﹔Tsum Tsum 變成一座巨型蛋糕，等緊你去吹蠟燭。
尋找 40個迪士尼朋友足跡
係聖誕大街同夢幻劇院你會見到 40多個迪士尼朋友嘅剪影。入面除咗有《玩轉腦朋友》的阿樂、阿愁、阿燥、阿憎與阿驚、《白雪公主》的白雪公主及7個小矮人、《美女與野獸》的貝兒公主及野獸等。唔知你又可以搵到幾多個呢？
▲ 嘩！我見到有小矮人望住我呀！
相關文章:
Disney 籌組科技工作小組 針對 AI 和 XR 內部應用進行協調
遲到的奇幻光影禮物盒
雖然今日仲未見到，不過由 11月16日起，聖誕大街會有一個大型奇幻光影禮物盒，禮物盒內會不定時投射 10位迪士尼朋友嘅剪影，大家只需指定捐款予「香港血癌基金」，便可以走進盒子內與其中 1位迪士尼朋友合照，拍下你與迪士尼朋友的Happily Ever After 時刻。
後記－聖誕亮燈儀式超有氣氛
向來海港城嘅聖誕燈式都比其他地方早亮燈，今日 (11月4日) 就有一班迪士尼朋友包括米奇老鼠及米妮老鼠、高飛、布魯托、唐老鴨及黛絲、鋼牙奇奇與大鼻蒂蒂同我地預祝聖誕。經過 30位復古造型嘅舞蹈員表演同多組精彩煙火效果發放後，正式宣佈未來兩個月露天廣場將會逼爆！
▲ 亮燈儀式之前有好多好有聖誕氣氛嘅甜品俾現場嘅嘉賓，我都食咗唔少啦！
▲ 仲有一支支暖笠笠飲品啊！不過今日嘅天氣加上人流，本身已經夠暖吧！
▲ 呢位哥哥好勁啦！ 唔洗 3分鐘就可以即場剪出我嘅剪影。原來我個鼻都幾高波！
依莉詩點評
海港城一向都係睇聖誕燈飾嘅重點商場，一向都落足本，而且有迪士尼朋友做主題，一定無得輸。雖然比起兩年前嘅迪士尼裝飾無咁多影相位，不過用櫥窗方式展示就唔怕有人攝鏡。至於樓梯位用金色同紫色做裝飾，仲有 40多個迪士尼朋友嘅剪影，從商場門口住下望，有一樣非常奇幻嘅感覺。
聖誕氣氛 ★★★★☆
必影指數 ★★★★☆
「Happily Ever After」聖誕大街
日期: 2015年11月5日至2016年1月3日 (上午10時至晚上10時)
地點: 海港城海運大廈露天廣場
相關文章:
Disney 籌組科技工作小組 針對 AI 和 XR 內部應用進行協調
分享到 :
最新影片
