籮文：「支筆有位放喇 !」Surface Pro 4 香港行貨評測

上次同事天恩在美國即時帶來了 Surface Pro 4 的評測，相信各位 wire 民都看過了。現在 SP4 終於到港了，唯一分別我想是「香港行貨」吧 ！由於上次美國發佈會不容許進行 benchmark 測試，等我籮文將其努力補完吧 !

 

有 USB 插槽的平板 觸控筆可「攝」於機側

Surface Pro 4 本身為一部平板電腦，但只要裝上 Type Cover 鍵盤保護蓋就搖身一變成為一部 Notebook。因為除了 Keyboard 之外，SP4 都有 USB 3.0 插槽，microSDXC 插槽、Mini DisplayPort，絕對足夠日常使用。而充電位用了類似 MacBook 的磁力設計，只要放近就會自動「攝」實，行過踢到都唔會成部機飛走。除咗充電位識「攝」，觸控筆亦可以磁力貼到機側，不用怕沒位放好。不連 Type Cover 的 SP4 只重 766 公克，薄8.45mm，大約是4.5個一元硬幣的厚度，籮文一手拿起來亦不吃力。

▲不連 Type Cover 的 SP4 只重 766 公克，薄8.45mm，大約係4.5個一元硬幣的厚度，籮文一手拎亦一點不吃力。

▲機身右側可見到 Mini Display Port、USB3.0 及 MicoSD 卡槽

▲充電位用了類似 MacBook 嘅磁力設計，只要放近就會自動「攝」實

▲用完就放機身左側，自動攝實，方便！

配合 Type Cover 即變 Notebook

如何裝上 Type Cover？同樣是靠磁力，一啪就 Connect 到。當然亦要調教 Kickstand 至適合角度，Kickstand 支援的角度非常大，不論你坐喺度用或企喺度用，角度之大都可以令你舒適使用。而更詳盡 Type Cover 評測可以參閱天恩十月到紐約試機的文章。

▲如何裝上 Type Cover？同樣是靠磁力，一啪就 Connect 到。

▲Kickstand 支援的角度非常大，不論你坐喺度用或企喺度用，角度之大都可以令你舒適使用

▲籮文就覺得 Type Cover 鍵盤十分好㩒，詳盡詳測可以睇睇天恩十月到紐約試機的文章。

8 百萬像素後鏡 可作緊急用途

原來 SP4 都有相機，但後鏡只有 800 萬像素，網上分享都略嫌不足，只可以作為緊急用途（即是有必要影相時但無其他可影相的裝置在手）。而500萬前鏡亦可以用作視像通話用途，籮文亦試一試自拍效果… 其實咁大部平板有邊個會拎黎自拍呀？

▲800萬像素係少得滯，暗位雜訊亦嚴重

▲自拍鏡表現亦未夠好，用家都係用返手機啦。

3D Design 用家作品 跑分表現不錯

現場展出一批 3D Printing 作品，原來全都係由設計師以 Surface Pro 4 設計，設計師表示用 SP4 作 3D 設計非常順暢，沒有窒機情況。籮文當然要求證一下，利用 Geekbench 3 跑分，8GB RAM 嘅 i5版 SP4 最後得到單核 3152 分，Multi Core 則有 6528 分，非常不錯，i5版本顯示卡用上 Intel HD Graphics 520，處理 3D 的能力絕對無問題。

▲現場展出一批 3D Printing 作品，原來全都係由設計師以 Surface Pro 4 設計，設計師表示用 SP4 作 3D 設計非常順暢

▲利用 Geekbench 3 跑分，8GB RAM 嘅 i5版 SP4 最後得到單核 3152 分，Multi Core 則有 6528 分

籮文：「磁力王平板 觸控筆、充電線、鍵盤全「攝」實」

雖則充電線及 Keyboard 以磁力吸附都唔係新嘢，不過上一代 Surface Pro 3 觸控筆實在唔方便，今次 SP4 加入磁力吸附功能嘅觸控筆實在直覺化好多。不過籮文就諗：大家都知磁力會對電子產品有影響，SP4 觸控筆、充電線、鍵盤都有磁力設計，咁多磁力，會唔會減低部機耐用性呢？～

Surface Pro 4

香港售價：

Intel Core m3 / 128GB / 4GB RAM  HK$6,988

查詢：3071 3709（Microsoft）

分享到 :

最新影片