去完一個沒有鬼屋的黑色世界之後，相信唔少迪士尼粉絲都同依莉詩一樣大感失望。不過原來呢一切都只係為咗慶祝香港迪士尼樂園 10周年做準備。今個聖誕迪士尼不但化身成華麗大舞台，每日由 Elsa 女皇為聖誕樹亮燈，仲有全新音樂劇同煙花表演睇添！就等我依莉詩同 Summer 一齊攜手揭開《Happily Ever After》幸福序幕啦！
雖然已經 11月中但一 D 冬天的感覺都未有，所以愛莎女皇就決定走出冰雪小鎮，帶領安娜公主每日到小鎮大街主持《魔雪奇緣》聖誕亮燈禮。女皇一邊大唱 Let it go ，一邊點亮大街的魔法雪花燈同聖誕樹上的閃雪燈光，為大家送上聖誕祝福。
▲ 愛莎女皇、安娜公主同歌手高歌的同時，小鎮大街降下飄雪，令現場立即凍咗幾度。
▲ 小鎮大街的商店投影著冰雪的圖案。
▲ 漫天飄雪下，小鎮大街變得非常浪漫。
▲ 櫥窗亦裝飾到充滿聖誕氣氛。
▲ 唔好唔記得去聖誕樹旁影相啊！
慶祝聖誕的同時，今年亦係香港迪士尼樂園 10周年，所以亦有唔少新活動，其中一個就係以全新音樂劇取替「米奇金像獎」。「迪士尼魔法書房」長達 28分鐘，故事發生於一間魔法書房內，米奇老鼠與高飛好奇打開魔法書，因而令人見人愛的雪人小白從故事書中跌了出來。為了在小白溶化之前帶他回到自己的故事，米奇老鼠、高飛及小白踏上奇妙的歷險旅程，穿梭於7個迪士尼故事，包括：《小泰山》、《小魚仙》、《魔髮奇緣》、《勇敢傳說之幻險森林》、《阿拉丁》、《公主與青蛙》及《魔雪奇緣》。
▲ 由米奇老鼠同高飛的協助下，小白可唔可以係溶化前番到冰雪世界呢？
▲ 更強的故事性同嶄新舞台技術，比起「米奇金像獎」更能投入這個奇妙旅程呢！
▲《小魚仙》的 Ariel 同《魔髮奇緣》的Rapunzel 公主都從書中走出來同大家見面，道出改變平淡的渴求。
▲ 《勇敢傳說之幻險森林》的 Merida 亦現身唱出自己的夢想。
▲ 《阿拉丁》中的服飾非常華麗。
▲《公主與青蛙》的 Tiana 公主夢想係一間爵士樂餐廳裡歡樂地歌唱。
▲ 最後小白回到冰雪世界，而愛莎女皇亦高興地歌出 Let it go，但就差 D 令米奇凍僵。
迪士尼 CEO：Marvel 減產 每年最多三部電影及兩部劇集 迪士尼向 Epic Games 投資 118 億 冀發展 Fortnite 宇宙
每晚「星夢奇緣」煙花表演都係重頭戲，但睇足十年都唔變開始有 D 悶。幸好，由 11月 17號開始，煙花表演將加入嶄新的影像投影技術。睡公主城堡上的投影影像與空中的璀璨煙花互相融合，大放異彩。49位迪士尼朋友活現眼前，當中 16位迪士尼朋友更是首次於表演中亮相，包括：《玩轉腦朋友》的阿樂及阿愁、《海底奇兵》及續集《海底奇兵2》中的主角MO 仔和多莉、《大英雄聯盟》的濱田廣和醫神，以及《反斗車王》閃電王麥坤。
▲ 晚間的睡公主城堡加入 10周年的投影。
▲ 《玩轉腦朋友》的阿樂及阿愁都出現係城堡上呢！
▲ 愛麗絲亦走都湊熱鬧。
▲ 投影影像融匯煙花同燈光效果、音樂等元素，讓幸福快樂的故事變得更具感染力。
由 12月17日開始，在幻想世界將會有「童話園林」，把經典童話的故事場景活現眼前。《雪姑七友》、《灰姑娘》、《小魚仙》、《美女與野獸》及《魔髮奇緣》的故事場景均會幻化成小模型，散佈在綠樹掩映、花園錦簇的園林之中。另外，米奇老鼠、米妮老鼠、迪士尼小熊 D
▲ 迪士尼小熊 D
▲ 灰姑娘等待著自己的微型故事場景呢！
樂園及兩間主題酒店的餐廳亦推出超過 60款 10周年主題美食。無論是全家歡聚的大餐、三五知己的悠閒下午茶敍、二人世界的浪漫晚餐都有啱食的美食。另外，商店同餐廳更推出一系列《星球大戰》主題商品及食品，星戰迷點都要試下啦！
▲ 10周年甜品睇得又食得。
▲ 每件甜品都相當精緻。
▲ 小鎮大街的商店擺放著《星球大戰》主題商品，星戰迷係咪雙眼發光呢？
媒體導覽之後，樂園舉行了一個盛大的十周年慶典，大家都玩得好開心呢！
▲ 我、Summer 同 Barbie 都夾咗好多蟹腳啊！
▲ Summer 仲學人燒乳豬添！
▲ 呵呵！我野生捕獲男神王宗堯啊！
迪士尼 CEO：Marvel 減產 每年最多三部電影及兩部劇集 迪士尼向 Epic Games 投資 118 億 冀發展 Fortnite 宇宙
迪士尼向來都係一個夢幻的地方，同聖誕本來就好夾，雖然聖誕樹同小鎮大街的飄雪年年都一樣，但同樣大家受落。而今年加入《魔雪奇緣》聖誕亮燈禮，Elsa 女皇一出真係誰與爭鋒，成條街即刻凍幾度，充滿冬日氣氛。音樂劇「迪士尼魔法書房」比之前「米奇金像獎」更有故事性，加入新技術更具視覺刺激，亦富新鮮感。而「星夢奇緣」煙花只是加入投影投術，整體上無太大變動，不過就更容易同時影到城堡同煙花。
聖誕氣氛 ★★★☆☆
必影指數 ★★★☆☆
必玩指數 ★★★☆☆
必買指數 ★★★☆☆
日期：2015年11月17日至 2016
地點：香港迪士尼樂園
迪士尼 CEO：Marvel 減產 每年最多三部電影及兩部劇集 迪士尼向 Epic Games 投資 118 億 冀發展 Fortnite 宇宙
