睇紅隧個廣告牌睇咗咁耐，機動遊戲迷係咪心郁郁呢？今日東華慈善嘉年華的詳情終於公怖啦！今年聖誕同新年，6大機動遊戲同多個攤位遊戲將會登陸前啟德機場跑道，變身遊樂場。睇嚟除咗去 AIA嘉年華之外，大家又有新節目啦！
之前已經傳咗好耐話呢個 2015年瑞士創新製造的機動遊戲「 陀飛輪」登陸香港，依家確定咗啦！由 3個四方大型框架組成，24個玩家一字排開，3個框架會同時向不同方向「迴環立體式」旋轉對抗地心引力，絕對係挑戰玩家瘋狂極限。
全球最高移動式終極跳樓機，從27層樓（80米）頂峰瞬間垂直急速下墜，無重飄浮感交織壓力與緊張，出發前記得帶多條褲啊！
24名乘客同時坐上「超級搖滾」，擺動至30米高空，而座椅圍繞垂直軸 360度轉動。時向內時向外被不斷旋轉。我係咪入錯咗洗衣機啊！
去年美國「Super Bowl超级碗」活動期間熱爆紐約時代廣場的 6層樓高超级滑梯今次首度係亞洲亮相。超乎想像的高度配合特製滑板，讓大人細路感受世界級瀡滑梯樂趣。希望唔會噋親個 pat pat 啦！
大樹下盪鞦韆的畫面幾時可以出現？以大樹為設計概念的嶄新機動遊戲將你慢慢升上13米高空作波浪式迴旋，在半空中與摯 親分享無憂快樂時光，重溫孩童時的歡樂。
浪漫經典的旋轉木馬以華麗雙層形式出現，配以全新的瑰麗華衣和名貴點綴裝飾，在絢爛燈光下營造出 Double 浪漫氛圍。
講咗咁耐係咪好想玩呢？係就要快 D 上網 搶飛啦！依家只要用 $145 就可以買到東華三院慈善票，當中包括$120 機動遊戲面值、$40 攤位遊戲 、$20 入場費 同購物禮券。每售出1張慈善票，主辦單位更會率先捐出 $40予東華三院。又平 D 又做到善事，係咪抵先？
日期：2015年12月21日至2016年3月28日
時間：星期一至四： 3pm-11pm ／星期五、六、日、公眾假期及指定日子： 11am-11pm
地點：前啟德機場跑道
查詢：enquiry@uepl.com.hk
