之前太古城中心將溜冰場變身巨型波波池好玩到唔捨得走，今個聖誕，溜冰場化身白色聖誕樂園，定時有飄雪效果，好浪漫呢！今日我依莉詩同 Summer 就率先試玩啦！
冰上飄雪聖誕打造白色浪漫
溜冰場中映聳立一棵高達20呎的聖誕松樹，隨著夜幕低垂，樹上精緻耀眼的聖誕裝飾綻放出絢麗光芒。在樹下稍息佇候的紅鼻鹿默默守候你的來臨，閃閃發亮的紅鼻子與聖誕樹互相輝映，更顯光輝壯麗。另外，溜冰場設有室內飄雪設備，每半小時會噴雪，製造出雪花紛飛的浪漫景緻。
▲ 漫天飄雪在浪漫音樂的伴隨下，超有聖誕氣息呢！
▲ 每三十分鐘白雪從高空徐徐飄落，將冰上皇宮幻化為冰雪天地。
▲ 雖然飄雪並沒有迪士尼小鎮大街那麼多，不過小朋友一樣玩得開心！
▲ 係溜冰場打卡，扮到自己好識溜冰咁呢！
三層紙藝「聖誕蛋糕」
除溜冰場外，商場二樓設有一個二十呎的三層紙藝「聖誕蛋糕」，設計以金、白色為主調，配以標誌聖誕節的紅、綠兩色元素，
▲ 多隻金色閃閃的聖誕馴鹿置身於一片松林中，神態十足。
環保紙品藝術廊
至於，商場二樓中橋的紙品藝術廊由 6塊紙藝屏風組成，將 5個紅鼻鹿的經典故事場景一一呈現。當中的色彩繽紛的彩紙前後有序，絕大部分採用環保物料製作，部分素材在活動完結後可循環再用。
▲ 細閱故事後，更可到藝術廊中坐上「鹿車」，與3D紅鼻鹿合照。
依莉詩點評
雖然用溜冰場慶聖誕已經唔係第一次，幾年前尖東同 AIA 嘉年華都有類似概念，不過係室外，而且價錢都比較貴。今次有埋飄雪效果真係好浪漫，如果有埋企鵝同鹿等輔助器就更好了！至於其他裝飾，其實都唔算特別，經過影下都唔錯嘅！
聖誕氣氛 ★★★☆☆
必影指數 ★★★☆☆
必玩指數 ★★★★☆
日期：2015 年 12 月 1 日至 2016年 1 月 3日
地點：太古城中心一樓冰上皇宮
分享到 :
最新影片
