較早前我們曾經報導過為配合《史諾比：花生漫畫大電影》上映，美國及日本等地的麥當勞已推出了 10 款開心樂園餐 Snoopy 玩具，識郁識發聲相當吸引。不過身處香港的我們唔駛得個恨字，因為香港麥當勞剛剛就宣佈同樣會推出這系列 Snoopy 玩具，而且屆時更會有其他精品及食品，認真正到爆！
據官方公開的資料顯示，開心樂園餐 Snoopy 玩具將會由 12 月 11 日起開始推出。不過需要留意的是有別於日本等地分開兩個時段推出，香港麥當勞反而會每個星期推出 2 款，並會一連 5 星期合共推出 10 款 Snoopy 玩具。凡購買任何開心樂園餐便可獲得一款，又或者購買任何套餐再加 $8 亦可換購一款。
除上述提到的開心樂園餐 Snoopy 玩具外，今次香港方面更會推出更多精品，比如其中比較吸引的是 Snoopy 抱抱 Cushion，一共有 Snoopy、Charlie Brown、Lucy 及 Woodstock 四種款式，由 12 月 3 日起購買任何食品再加 $40 便可換購一款。另外官方更會推出一個限量版套裝，當中除有齊 4 款 Cushion 外，更會包含一個特別版飛天狗屋及 5 張 $10 美食劵，只需買任何食品加 $278 便可入手。
與此同時，由 12 月 3 日起 McCafe 亦會推出「Snoopy 暖杯套裝」，當中除包括有一個前後圖案不同的 Snoopy 保溫杯外，另外亦有 4 張 McCafe 中杯裝飲品換領劵，每套價格為 $120。最後即使大家買麥麥送亦可入手精品，因為由 12 月 3 日起凡透過麥麥送買滿食品 $70，加 $20 即可換購一個「限定 Snoopy 機長擺設」，只需在紙條上寫下字句再插入底座，再將底座摩擦字句便會在擺設上顯示出來，睇落好似相當好玩呢！
來源：麥當勞
相關文章:
麥當勞亞洲多國死機 香港區 App 及自動售賣機暫停落單
分享到 :
最新影片
