唔知今日係咪好日，兩大嘉年華選擇咗同一日啟動禮，但搞笑嘅係 AIA 嘉年華切燒豬，東華就係酒店舉行。好啦！報告番依莉詩收到咩新消息先！
消息傳咗咁耐，今日友邦歐陸嘉年華宣佈捲土重來，再次係中環海濱活動空間舉行。可惜機動遊戲詳情未公佈，依家睇住有咩攤位公仔先啦！
▲ 暑假嗰陣 Minions 人氣咁高，今次 AIA 嘉年華當然係主角啦！
▲ 至於上年出現過的 Winnie the Pooh、跳跳虎同史迪仔都仲有呢！
▲ 今次就多咗 Big Hero 6 成員。
▲ 仲有巴斯光年同胡迪添。
▲ 同場仲展示咗原為城巴營運的古董巴士 Auntie Nora。
另一邊廂，啟德機場跑道將會舉行東華嘉年華，幾乎同 AIA 嘉年華打對台。除咗之前介紹過的 6 大機動遊戲 外，主辨單位今日公佈會在歐洲各地網羅超過 40 多款最新機動遊戲及攤位遊戲，設有雜技表演、家庭娛樂區、演藝綜合區和美食廣場。其中由國際玩具品牌 Hot Wheels 及Mega Bloks 聯手打造的「兒童創意動感區」同適合一家大細盡情欣賞的「英國頂級雜技團」都係重點之一。
▲ 兒童創意動感區除擁有 Hot Wheels 及 Mega Bloks 兩大國際玩具品牌專區、交通安全城及大型充氣遊戲外，特別設置全長超過100 米跑道，小朋友可以一試身手，在跑道上風馳。在大型積木池，小朋友可隨意創作出不同組合，發揮小朋友驚人的創作力及訓練手部平衡力。亦可在「Mega Bloks 動物園」與多款大型積木砌成的可愛小動物拍照留念。
▲ 英國最大規模的知名雜技團 (Royalles British Thrill Circus) 享譽來港，觀眾可欣賞超過 25 位從各國赴港的世界級表演者的精湛演出。高難度技巧的特技節目踩鋼線、最令人歡樂的小丑及壓軸演出的「電單車極速激戰」讓觀眾樂而忘返。
日期： 2015 年 12 月 17 日至 2016 年 2 月 21 日
地點：中環海濱活動空間
日期： 2015 年 12 月21 日至 2016 年 3 月 28 日
地點：前啟德機場跑道
