Unwire 教你嚴選情侶手機：女生送禮篇

2015-12-15

Published by

高威

上次講過，要揀一部好嘅情侶機唔一定要完全一樣先叫「情侶機」，反而啱用同埋有特色非常重要。所以今次我阿瓜會教咁多位女仔揀一部啱用嘅情侶機。點為止啱用？當然要先了解下男仔鍾意用手機做咩啦！

男仔用機多數打機

只要你出街環顧一下四周，好多男仔都會用手機打機。對於一個鍾意打機嘅人如筆者我，部手機一定唔可以慢。尤其是係少 RAM 個啲手機，我都唔會要，因為少 RAM 就代表開多幾隻 game 就會窒機。ASUS ZenFone 2 Deluxe 用上 4GB RAM ，一次過打開廿幾個 apps 都係咁暢順，再加上最新嘅 Intel 64-bit Atom Z3580 CPU ，內建咗個好強嘅 CPU，多工強效、真係點玩都得啦！

身為打機一族，當然全個手機都係 game 就最好，ZenFone 2 Deluxe 有 4GB Ram，打機唔怕lag機。

相關文章:

【評測】ASUS ZenFone 11 Ultra　外形　手感　屏幕　相機　效能詳細開箱評測

【評測】ROG Zephyrus G16 (2024) 外形手感打機表現效能鍵盤端子開箱評測

【評測】ASUS ZenBook Duo　外形　手感　功能　使用體驗　屏幕　操控　效能開箱評測

獨有觸控手勢方便處理公事

認真做嘢嘅男人係最迷人，假如你都想睇到佢呢一面，送一部方便佢工作嘅手機就非常合適。ZenFone 2 Deluxe 提供獨特觸控手勢，方便快速開啟各種應用程式。

鎖屏時，只要畫出唔同嘅手勢就可以快速開啟應用程式。

畫上 “V” 字手勢，則可直接開啟打電話功能。

只要用喺屏幕上畫上 “E” 字，就可以直接開啟內置 E-mail 程式。

畫上 “W” 手勢，就可以直接開啟瀏覽器。

一般嚟講，公事都比較繁忙，唔容許有半分嘅延誤。假如因無電而延誤公事都幾無謂！不過，ZenFone 2 Deluxe 跟機送埋個快充火牛，內置獨家 BoostMaster 快速充電技術，只需 39 分鐘，電池即可充電 60%，快速回復工作力。

一字記之曰：型！

男仔梗係要型！ZenFone 2 Deluxe 唔只效能能勁，外型夠晒獨特，晶鑽時尚設計背蓋，真係令人引唔住望多兩眼！男仔仲鍾意用大 Mon ，如果用細 Mon 打字又唔方便，打機睇得又唔舒服。所以揀手機可以揀部大 Mon ，最起碼有 5.5 吋全高清靚 Mon，先至可以方便佢用嚟打機同 Check Email！

有 5.5 吋全高清 Mon，有時望到女朋友張相都清楚啲！

雖然好大 Mon ，但係ZenFone 2 Deluxe 嘅多角形外表係經過特別設計嘅，事關佢極薄嘅左右側翼，符合人體工學設計，握落去比較舒服，又無咁易跣手。

佢獨特嘅多角形 diamond cut 設計令到拎上手無咁容易跣落嚟，而且燈光照落去唔同效果，份外型格！