日系手機就試得多，依部日系平板你又有冇興趣？依部 Docomo dtab D-01G 平價平板由華為代工，擁有 8 吋 1280 x 800 IPS 屏幕，水貨 1,000 蚊都唔使，想知有幾抵玩就繼續閱讀啦！
金屬機身 冇乜日系風格
雖然 1,000 蚊都唔使，但外型一啲都唔慳皮，除咗機面、機背上下方用上膠質，機背同機邊大部份位置都用上金屬材質，睇落一啲都唔覺係平價，但金屬材質就令機身更加重，所以單手操作就更加變得冇可能。身為日系機，可能因為由華為代工，所以外型上，邊框唔幼，圓滑機身，又唔防水。真係一啲日系風格都見唔到。
▲雖然 1,000 蚊都唔使，但外型一啲都唔慳皮，除咗機面、機背上下方用上膠質，機背同機邊大部份位置都用上金屬材質，睇落一啲都唔覺係平價。
▲但金屬材質就令機身更加重，所以單手操作就更加變得冇可能。
▲開關及音量鍵都位於右側。
▲左側乾淨利落，乜制都冇。
▲MicroUSB 位於機底。
▲機頂可以見到耳機位。
▲將機背底部白色膠蓋拆開就可見 MicroSD 及 Sim Card 槽。
1280 x 800 屏幕 機面雙喇叭成亮點
8 吋 HD （1280 x 800) IPS 屏幕，計返起得 188.68ppi ，細緻度就好低啦，而亮度亦都麻麻，就算較到最光，日間嘅戶外閱讀屏幕都有啲唔舒服，但係好在顏色都 OK 夠鮮豔，而最值得讚嘅就係兩個喇叭位於機面上下方，睇片時聲音更直接傳到耳朵，籮文就算將音量教到最高，喇叭仍然靚聲。另外包裝盒入面仲附送一支棒，究竟乜黎？原來係俾你睇片時將 D-01G 站立，係貼心嘅。但係支棒都幾大支喎，點拎出街呀…
▲8 吋 HD （1280 x 800) IPS 屏幕，計返起得 188.68ppi ，細緻度就好低啦，細心睇可以見到起格情況。
▲睇 YouTube 最高只可較 720p。
▲雖然細緻度同亮度都麻麻，但顏色表現都唔錯。
▲成部機嘅加分位就係位於機面上下方兩個喇叭，睇片時聲音更直接傳到耳朵，籮文就算將音量較到最高，喇叭仍然靚聲。
▲另外包裝盒入面仲附送一支棒，究竟乜黎？
▲原來係俾你睇片時將 D-01G 站立，係貼心嘅。但係支棒都幾大支喎，點拎出街呀…
相機一般 平板係咁架啦
D-01G 搭載 510 萬像素鏡頭及 90 萬像素前鏡，像素低，但係有邊個會隨街拎住部 8 吋嘅平板影相呀！所以平板嘅影相功能都係只供緊急用途，影出黎油畫化嚴重，亦冇內置柔光燈，昏暗地方隨時乜都影唔到，但係籮文覺得影出黎顏色幾得意，有 Toy Cam 感覺，想玩嘢可以照用黎影相，否則都係用返手機影算啦。
▲D-01G 搭載 510 萬像素鏡頭及 90 萬像素前鏡，像素低，但係有邊個會隨街拎住部8吋嘅平板影相呀，所以平板嘅影相功能都係只供緊急用途
▲影出黎油畫化嚴重，亦冇內置柔光燈，昏暗地方隨時乜都影唔到，但係籮文覺得影出黎顏色幾得意，有 Toy Cam 感覺。
▲輕輕放大已經見到油畫化
入門規格 大電池
用上 HiSilicon Kirin910 4 核處理器，而且得 1GB RAM，16GB ROM，OS 用上 Android 4.4.4 (Kit Kat)，真係好入門嘅規格，用落就算喺自身介面上都有啲窒機情況，但係電量就唔差喎，用上 4,650mAh 電池，保守估計都用到一整日。
籮文：「平價平板 抵玩前置雙喇叭」
1,000 蚊都唔使嘅價錢，買到一部有金屬機身日系 8 吋平板都算係咁，望一啲都唔似平價機，雖然屏幕唔算靚，但最正就係有前置雙喇叭，睇片聽歌都靚聲好多，而且電量都係賣點之一，所以買黎粗用都抵架。
售價：$980
查詢：23740618（三禾）
分享到 :
最新影片
