自從 Facebook 可以使用 hashtag (#) 之後，愈黎愈多人「善用」呢個分類技術，更加就社會上唔同的話題，製作左好多 Hashtag 同埋金句！有時即使好似港女我呢啲社交網絡重度用家，都跟唔切！三日唔埋又有一句新嘅金句出黎，有時真係想講「俾我唞下得唔得呀？」而家就得我精選年度十大網絡 Hashtag 俾大家，如果大家有更多你覺得爆嘅金句／hashtag，唔好猶疑，話埋俾我知啦～
1、點解嘅～點解會咁嘅～
今年 4 月播出大台節目《至尊街頭魔法王》中，吳若希「出色」的表現成為網民惡搞的對象。節目中，吳若希多次在魔術師表演戲法之後以大惑不解的娃娃音 攻擊觀眾的耳朵 重覆表示「點～解～嘅～」，令觀眾留下深刻的印象。
2、土地問題
「2015年劍橋護老院虐老風波」於 5 月下旬被《明報》揭發，及後行政長官梁振英出席立法會答問大會，期間工黨議員張超雄問及事件，梁振英歸究事件為「土地問題」，並嘗試扯開話題改為表達自己的功績。由於香港發生的社會問題大多可以牽扯到「土地問題」，故此網民經常使用這個 hashtag，學佢乜都賴係「土地問題」。
3、等埋發叔／首副
今年 6 月立法會表決政改方案時，建制派議員以「等埋身體不適的劉皇發（發叔）」為由，在表決前集體離場，意圖延遲表決，可惜失敗收場。及後「等埋發叔」就演變成拖時間／遲到的藉口，以諷刺遲到者。
4、食好西
事源坤哥係今年八月頭的時候出左個 Facebook post，貼左一盤海鮮出黎，並寫錯道：「今天工作累了，要吃好（東）西」，其後被網民發現並廣傳，及後每逢出 post 話自己有好野食的網民，便加上＃食好西 呢個 hashtag 喇！
5、Tag9him
今年 10 月的時候，懷疑有品牌的 Facebook Admin 不慎直接將其他同事改過的貼文直接 post 出黎，忘記了 tag 9 Juno 不特止，仲將同事個句提示原封不動登埋出黎，一度令 ＃Tag9him 成為熱門 hashtag，逢親有大人物出現就話要 tag 9 佢地。
6、香港勁揪
今年舉行了多場世界盃外圍賽，其中香港隊同中國隊兩次成為對手，引起全港市民高度關注。為了向香港隊吶喊助威，支持者多以「香港勁揪」作為口號，向港隊傳達打不死的精神。
7、傑出關公（災難）
由於城中名人及品牌未能掌握網上的輿論，導致他們在做 Marketing Campaign 或有名人發生危機的時候，引起公關災難。有網民故此在發生公關災難的時候，在原 post 或相關 post 加了 ＃傑出關公 的 tag，方便大家追縱事件動向。下圖為其中一個＃傑出關公 做的公關災難。
8、有一種 XX 叫 XX
民主黨議員鄺俊宇出版多本 矯情的 治癒系散文集，書中大多講述男孩及女孩的戀愛慘痛經歷，讓一眾港女深感共鳴。其中一本散文集《有一種幸福叫忘記》的書名可塑性甚高，繼「說好的 XX 呢」之後成為下一個惡搞題目，經常被網民作諷刺之用。
9、無錯，就係仙氣！
今個月頭，女事主於高登討論區揭發有毒 L 單機 Whatsapp，並將 Cap 圖上載，一眾網民對於其中一句「無錯，就係仙氣！」觸發對女事主的好奇心，想更進一步了解何謂「仙氣」，於是兩位事主唔覺意被人起埋底。其後，「仙氣」便成為新一個女神的象徵。
10、出黎食個飯囉～～～～
早幾日，《東網 on.cc》 一條講 speed dating 的影片中，有被訪者以奇怪的表情及語氣講出非常平常的說話：「出黎食個飯囉～～～～」令之成為有聲 post，同一片段仲有一句：「其實我一年四季都想要溫暖」亦成為網民的佳話。各位網民以後講呢句野的時候，要小心語氣，唔係又俾人笑架喇！
網絡金句真係來得快去得快，有時我都未黎得切捉摸到佢，又有新 hashtag 出左黎。不過黎緊網絡 23 條就快就通過，呢啲花生就黎冇得食，水都冇得抽喇。人生已經如此艱難，上個網輕鬆下都要驚俾人拉，真係 sosad。
分享到 :
最新影片
