籮文教你電子捽碟!VJ 軟件 Resolume 入門教學

讚好此文:

二月 5, 2016 •實用技巧, 流動音樂

Party 入面為大家播放音樂嘅人,我哋稱之為 DJ (Disc Jockey),但就算音樂節拍幾強勁,都需要視覺上的協助。不論去 Clubbing 或者睇演唱會,你都可以會見到一塊大大的 LED 牆正在播放一些跟音樂很搭配的視像,控制那些影像的人就是 VJ。想知點樣入門玩 VJ 軟件就要繼續閱讀以下文章!

vjmixing

 

VJ 的應用

Party 入面為大家播放音樂嘅人,我哋稱之為 DJ (Disc Jockey),但就算音樂節拍幾強勁,都需要視覺上的協助。好多時去夜店 Clubbing 或者睇演唱會,你都可以會見到一塊大大的 LED 牆又或者投影幕正在播放一些跟音樂很搭配的視像,而控制那些影像的人就是 VJ(Visual Jockey)。VJ 需要在現場演出時根據音樂氣氛和節奏,即時播放不同的動態視像並加入相應視覺效果。市面上都有不少 VJ 軟件可供選擇,進階玩家更會購買硬件控制器,令即場演出時更得心應手。

unwire1232131231

▲DJ 後面就是 VJ 影像

VJ 軟件 Resolume

坊間都有不少 VJ 軟件可供選擇,如 VDMX、MadMapper、Modul8 等等,但要數到最易上手就必定是 Resolume,最新一代 Resolume 5 加強了 3D Mapping 的功能,現時 Resolume 有兩個版本。Avenue 是初階版,而 Arena 除了擁有 Avenue 的所有功能,另有媒體伺服器的功能,包括柔邊、屏幕彎曲、DMX 輸入及 SMPTE 時間碼輸入。除了視像,VJ 亦可以使用 Resolume 播放音樂和加入音響效果,功能當然冇 DJ 軟件咁齊全,但都足夠令現場氣氛升溫!

事前準備 接駁外置顯示器/投影機

VJ 進行演出時,電腦除了需要接駁顯示控制介面的屏幕,當然還要接駁多一個主屏幕到觀眾可見的位置。為 Resolume 輸出進行配置之前,你需要先調較好電腦系統內的顯示器設定。首先,你要確定顯示器或投影機已跟電腦連接,確認有至少兩個顯示器可見和啟用後,Windows 用家要打開控制台的顯示器面板,並使用「擴展桌面」模式。而 Mac OS 用家就要注意關掉「鏡面顯示」模式 。之後到 Resolume 的輸出 (Output) 選項,你可以選擇作為輸出主要畫面(觀眾看的畫面)的屏幕及以全屏幕或視窗模式輸出 Resolume 的主要畫面。

Diff_res_8.1

▲Windows 用家要打開控制台的顯示器面板,並使用「擴展桌面」模式

pod-1mac2

▲而 Mac OS 用家就要注意關掉「鏡面顯示」模式 。

outputmenu

▲之後到 Resolume 的輸出 (Output) 選項,你可以選擇作為輸出主要畫面(觀眾看的畫面)的屏幕及以全屏幕或視窗模式輸出 Resolume 的主要畫面。

認識 Resolume 基本介面

如果 wire 民是初學者,一打開 Resolume 的介面可能會被嚇親,因為介面同一般影片或音樂編輯軟件一啲都唔似樣,而且按鈕非常多,新手一定會覺得無從入手。要明白 VJ 軟件是為現場演出而設,介面設計上,所有按鈕必須要一目了覽,所有常用功能都要放到最表層,讓用家做到一步到位,所以只要了解整個主介面,基本上就可以做到大部份主要功能。

Screen Shot 2016-02-04 at 6.03.10 PM

▲要明白 VJ 軟件是為現場演出而設,介面設計上,所有按鈕必須要一目了覽,所有常用功能都要放到最表層

匯入媒體材料到每個圖層

進行演出之前當然要準備好所有演出所需的材料,只要上 Google 搜尋「Motion Backgroud」,你就可以找到好多可以循環播放的影片。匯入材料的方法好簡單,就是將檔案直接從系統文件瀏覽器將檔案拉放至 Resolume。你亦都可以使用 Resolume 內面的瀏覽器進行匯入。除咗影片及音訊,你亦可以拉圖片入去。同 Photoshop 或者其他視覺編輯軟件一樣,Resolume 都有分 Layer,預設會有3層,利用 Layer>New 或 Insert,就可以增加無限個新圖層。唔同圖層嘅影像同時播放就可以做出合成效果。

layers

▲同 Photoshop 或者其他視覺編輯軟件一樣,Resolume 都有分 Layer,預設會有3層,利用 Layer>New 或 Insert,就可以增加無限個新圖層。

最緊要啱 Beat

籮文講個秘技你知,其實畫面唔靚唔緊要,最重要係動態要啱返音樂個 Beat,咁就可以更有效地帶動氣氛啦,所以演出之前記得將位於 Layer 下面嘅 BPM 調到與音樂相符。BPM 即係 Beat Per Second,唔識音樂唔緊要,你可以跟住現場音樂嘅節奏黎按  Tap 制,Tap 下 Tap 下就可以搵到音樂嘅 BPM,搵到之後就可以喺畫面上加入與 BPM 同步嘅效果。

Screen Shot 2016-02-04 at 8.38.10 PM

▲演出之前記得將位於 Layer 下面嘅 BPM 調到與音樂相符

跟住 Beat 黎加 Effect

跟住當然就係講下點樣加 Effect 啦,主介面右下方你可以見到 Effects,入面有好多不同嘅視覺效果,萬花筒、暗角、變形等等都可以在裡面搵到。只要將右下角的 Effect 拉到 Layer 裡的片段方格中就可以添加效果,每一個效果都可以再調整參數,例如透明度、速度、色調等等。咁點先可以令參數跟住 Beat 黎變呢?只要按下於參數欄位左邊的下箭咀,之後選擇 BPM Sync,參數就會根據節奏左右移動,你可以選取移動範圍及移動方式,例如單次、循環或重覆。

Screen Shot 2016-02-04 at 9.01.06 PM

▲主介面右下方你可以見到 Effects,入面有好多不同嘅視覺效果,萬花筒、暗角、變形等等都可以在裡面搵到

Screen Shot 2016-02-04 at 9.12.08 PM

▲只要按下於參數欄位左邊的下箭咀,

Screen Shot 2016-02-04 at 9.10.18 PM

▲之後選擇 BPM Sync。

Screen Shot 2016-02-04 at 9.10.59 PM

▲參數就會根據節奏左右移動,你可以選取移動範圍及移動方式,例如重覆、循環或單次。

Resolume05

▲籮文就最鍾意依個 RGB Shift Effect,將 Unwire Logo 套用咗依個 Effect ,紅藍綠色會跟住節奏分離。

籮文:「聽覺 視覺 全享受 先至夠爽」

近年,不論香港或是世界各地,演唱會或者戶外音樂節,除咗音樂要好聽,大家都愈來愈重視視覺效果,尤其是電子音樂界,有不少的 DJ 都有自己的 VJ Team 隨行演出,令觀眾可以有最佳的聽覺+視覺全享受。其實以上都只係最基本的超入門教學,除咗單純將畫面發送到屏幕,仲可以用投影機投射到 3D 物件嘅表面,而專業的 VJ 會制作自己的 Source 影片,演出時又會有實體 Controller 配合,所以 VJing 真係好有學問架!有機會籮文會去訪問下專業嘅 VJ 們,有興趣就記得留意我哋 Unwire 啦!

Resolume03

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV



更多同類文章:

最新文章