話說上次用飯煲炸雞翼唔小心彈到塊面超痛，聽咗幾位讀者的意見之後，我依莉詩就借咗法國特福新出的 Actifry 健營動炸鍋，睇下用熱風炸雞翼係咪真係健康同好食 D 先！
唔洗人手，受熱更均勻
呢個動炸鍋原理好似飛利浦的氣炸鍋，利用熱風循環技術，令熱力均勻滲透食物，做出烤、焗、炒、煮、炸等效果。而動炸鍋的內鍋容量達一千克，同氣炸鍋相約，不過由於內鍋中間有自動攪拌捧，所以比較大件的食物，如原隻雞、原條魚柳、蛋糕都未必整到。而自動攪拌捧會係烹調過程中轉動，令食物受熱更均勻之餘，唔怕彈油彈到自己，可以話有辣有唔辣。另外，動炸鍋有自動電子溫度控制系統，唔洗自己校溫度，方便入廚新手。
▲ 動炸鍋有 3個預設烹調程式，只要簡單揀選炸物、蔬菜 或 肉類 就會自動預定溫度同時間，方便入廚新手。
▲ 內鍋中間的自動攪拌捧雖然佔了不少位置，不過就可以令食物均勻受熱，同適拌炒有醬汁的食物。
▲ 而萬用烤架不但會自動旋轉，令食物均勻受熱，仲可以隔走食物本身的油份，從而食得更健康。
毋須食油，造出香脆效果
一般炸鍋都需要大量的油先可以將食物炸得香脆可口，不但影響健康，仲浪費食油，而呢個動炸鍋就主打健康，只需少量或毋須食油都可以造出香脆效果。聽落好神奇，所以我就買咗排公仔點心的春卷實試一下。而根據包裝上所寫，需要將春卷放入 150度的油鑊炸 7分鐘，於是我同樣將動炸鍋校 7分鐘，不過原來係唔夠時間炸成金黃的。幸好，最後用了 20分鐘，條條春卷都變到好似炸過一樣金黃香脆了。
▲ 為了確保零失敗，我用了公仔點心的春卷來試。
▲ 用了 20分鐘，春卷係無落油的情況下，變到好似炸過一樣金黃香脆。
逼出油份，唔再油淋淋
試完春卷，到重頭戲…炸雞翼！我買了同上次一樣，已經預先醃好的雞翼來試。將雞翼放係萬用烤架上，以烹調肉類程式煮 20分鐘。出來的雞皮就同炸過一樣脆卜卜，而雞肉因為逼走了唔少油份，所以唔怕油淋淋，而且好嫩滑，不過食落就少咗陣油香。
▲ 我買了同上次一樣，已經預先醃好的雞翼來試。
▲ 20分鐘後，每一隻雞翼表面都上晒色，而且脆卜卜。
▲ 萬用烤架下仲逼出咗唔少雞油添！
唔怕彈油，清洗勁方便
上次用飯煲炸野，彈到四圍油，而呢個動炸鍋就唔怕啦。只要放材料入去，之後就可以關埋個蓋，等個萬用烤架自己轉，完全唔洗落手就可以將食物四邊都炸得均勻。另外，清洗亦非常簡單，因為無落油，而食物本身的油就算彈都會落咗個蓋度，所以拆個蓋同內鍋出嚟洗就得。
▲煮的過程可以透過個蓋睇到，萬一炸唔夠時間都可以立即加多幾分鐘，唔洗下下打開睇。
依莉詩短評
用動炸鍋炸野比用鑊炸得耐，但油份較少，較健康。對我嚟講最好都係唔怕彈油，放晒材料入去就自己搞掂，而且清洗都非常方便。不過，始終成日食都係會熱氣，如果千幾蚊買個鍋番嚟，偶然先用一兩次又好似唔係好值！
售價：$1,898
查詢：法國特福Actifry
分享到 :
最新影片
