迪士尼朋友換新裝！ Billy 帶你率先睇香港迪士尼樂園首辦「花蛋節」

香港迪士尼樂園為咗慶祝開幕十周年，由 3 月 17 日至 5 月29 日將會舉行首個「花蛋節」，皆時將會有過百隻迪士尼「花蛋」遍佈樂園內七大園區，遊客可以展開一場尋蛋之旅！除此之外，樂園亦為迪士尼朋友換上新裝 ﹑ 推出全新主題商品及美食，亦都有全新嘅星級體驗活動。

迪士尼朋友換上新裝亮相

由即日起至 3 月 16 日，米奇同米妮將會換上由樂園與香港理工大學時裝設計及紡織系應屆畢業生李璟希合作設計的全新春花盛放服飾，係幻想世界的「夢想花園」同各位會面。而由 3 月 17 日起， 佢地將會到香港迪士尼樂園酒店翠樂庭餐廳同大家見面。

除咗米奇同米妮，當然亦唔少得其他一班迪士尼朋友亦會換上香港迪士尼樂園獨有服飾，係美國小鎮大街同大家合照留念！當中服飾以購物、著名地標、文化、美食及交通工具為主 題，盡顯香港地道特色。 換上新裝嘅迪士尼朋友包括：

除咗一啲大家都耳熟能詳嘅迪士尼朋友換上新裝迎接春日外，《大英雄聯盟》的醫神和《小公主蘇菲亞》的蘇菲亞亦都將會係香港迪士尼樂園首次亮相！

春日限定商品及美食

除咗迪士尼朋友換上新裝出場外，樂園亦推出咗不少迪士尼朋友主題美食，包括「醫神海鮮雞肉包」、「星球大戰漢堡包套餐」；另外，樂園亦同時推出「迪士尼花蛋節」主題商品、復活節主題商品、Duffy 及 ShellieMay 戀愛季節系列、《星球大戰》與《小公主蘇菲亞》主題精品及 PANDORA 專櫃推出的香港迪士尼樂園獨家串飾系列。

全新星級體驗活動

樂園與此同時亦推出咗幾項全新星級體驗活動，啱晒同另一半或者一家大小參與：

BB-8 蛋糕製作班

同另一半學整咩好？當然就係《星球大戰》中非常可愛嘅 BB-8 啦！同女朋友一齊整番個 BB-8 蛋糕，相信佢實甜到入心！而且活動過後可再到影廠酒廓享用豐富的獨家 《星球大戰》下午茶，補足體力同影影相。

價錢： 每位港幣$1,218 ；（「奇妙處處通」 會員專享優惠 ）每位港幣$1,118

 

Tsum Tsum 蛋糕教室

如果想同小朋友參與，最重要嘅可能唔係課程嘅技巧同難度，而係當中嘅樂趣；相信呢個咁可愛嘅 Tsum Tsum 蛋糕教室就啱晒各位爸爸媽媽帶埋小朋友一齊 DIY 學整啦！米奇、米妮、唐老鴨、黛絲、大眼仔及毛毛 嘅 Tsum Tsum ，非常得意可愛；而且神秘嘅迪士尼朋友總廚與副手更隨時係教室現身，同各位參加者見面送上驚喜！

價錢：每組 (一位成人及一位小童) 港幣$1,400 ;  每位額外小童港幣$830

每組(一位成人及一位小童) 港幣$1,339 ; 每位額外小童港幣$800  （「奇妙處處通」 會員專享優惠 ）

 

香港迪士尼樂園「花蛋節」

日期： 2016 年 3 月 17 日至 5 月29 日

相關影片﹕

相關文章:

Disney 籌組科技工作小組　針對 AI 和 XR 內部應用進行協調

 

分享到 :

最新影片