有關 Sony A6000 的後繼機已經傳聞了一段時間，來到今日終於現身，而且名稱亦已經確定為 A6300。今次這款新機的外型雖然與 A6000 差不多，但最大特點是採用了全新的 4D 對焦技術，相位對焦點激增至 425 點，而連拍更高達 11fps，升級幅度極高。想知更多請繼續閱讀以下文章。
外觀冇大改
作為 a6000 用家，籮文驟眼望落去，除咗機身上 a6000 字樣變成 a6300，及加上 4K 標誌之外，其實兩代機款的外型真係冇大分別。但細心睇，機背本身的 AEL 按鈕位置，加入了 NEX7 年代的 AF／MF 撥鈕，兩者合併讓用家可以更快捷地切換對焦模式，同時可利用 AEL 按鈕作自動曝光鎖定。此外，本身 MicroUSB 及 HDMI-Out 位置，今次 a6300 亦加入 3.5mm Mic Input，可以使用 Rode Videomic Pro 等 3.5mm 收音咪，不需再用特定的 Sony 配件，錄影時收音方便得多。外型冇大改，手感方面亦沒有大分別，機身細但拿起來手感尚算貼服，裝上 Kit 鏡時未有頭重尾輕的情況。
▲作為 a6000 用家，籮文驟眼望落去，除咗機身上 a6000 字樣變成 a6300，及加上 4K 標誌之外，其實兩代機款的外型真係冇大分別。
▲但細心睇，機背本身的 AEL 按鈕位置，加入了 NEX7 年代的 AF／MF 撥鈕，兩者合併讓用家可以更快捷地切換對焦模式，同時可利用 AEL 按鈕作自動曝光鎖定。
▲機身按鍵轉盤集中於機背右邊，調較快門光圈可使用頂部及面板轉盤。
▲a6000 收音需要用內建咪高峰或特定的 Sony 配件
▲本身 MicroUSB 及 HDMI-Out 位置，今次 a6300 亦加入 3.5mm Mic Input，可以使用 Rode Videomic Pro 等 3.5mm 收音咪。
▲ 機底可放入 SD 記憶卡及 NP-Fw-50 電池。
▲ 屏幕跟 a6000 同為 3 吋 92.1 萬像素可反屏幕，而 EVF 就用了 OLED Tru-Finder ，但像素會升至 240 萬像素。
▲外型冇大改，手感方面亦沒有大分別，機身細但拿起來手感尚算貼服，裝上 Kit 鏡時未有頭重尾輕的情況。
2,420 萬像素 CMOS 配合 BIONZ X 處理器 一個字 快！
上一代 a6000 有 2,430 萬像素，點解今代 a6300 只有 2,420 萬呢，唔通降級咗？其實今代 2,420 萬像素 APS-C CMOS 感應器像素輕微下調，但資訊傳輸速度就大大提升。針對 4K 攝影，讀寫速度必須有提升，所以 a6300 用上銅傳輸技術，可增加收集光線及輸出的速度。
相關文章:
PS5 歐洲英國澳洲紐西蘭齊加價 香港暫未受影響 21：9 屏幕繼續缺席？傳 Sony Xperia 1 VII 將於五月發佈 Sony 建立 PlayStation Studios 保險庫 備份保存 30 年遊戲開發歷史
對焦速度加快 0.01 秒！Feel 唔 Feel 到？
a6300 同樣有 a6000 的 4D Focus 對焦系統，混合相位及對比檢測，相位對焦點增加至 425 個，自動對焦覆蓋範圍比上代更廣闊，同時擁有高密度自動對焦技術，相比a6000的密度多約7.5倍，令自動對焦效果更準確，辨認目標及追焦表現改進唔少。而對焦速度則由0.06秒，加快到0.05秒，你可能會問：「快得嗰 0.01 秒，究竟 Feel 唔 Feel 到架？」籮文身為 a6000 用家，可以話你知係 Feel 到架！雖然得 0.01 秒，但足以令感覺由「快」，變成「爽」，半按快門＋全按拍攝的過程更直覺化，差不多係一按即拍。
▲相位對焦點增加至 425 個，自動對焦覆蓋範圍比上代更廣闊，同時擁有高密度自動對焦技術，相比a6000的密度多約7.5倍
▲兩個新的對焦區模式是在 a6000 找不到的
▲（左：a6000 ／右：a6300）雖然快得嗰 0.01 秒，但足以令感覺由「快」，變成「爽」，半按快門＋全按拍攝的過程更直覺化，差不多係一按即拍。
連拍都支援 Live View 感光範圍擴大至 ISO 51,200
a6300 其中一個最大賣點就是 Live-View 模式的連拍，用家可以透過 EVF 或 LCD 芒實時取景，同時連拍。但要留意一點，雖然 a6300 擁有四個連拍模式：Lo、Mid、Hi、Hi+，但並不是每個模式都支援 Live View。Hi+ 模式支援 11fps 的連拍，但不支援 Live View，只有 8fps 或以下的連拍模式（ Lo、Mid、Hi）可以實時預覽。而 ISO 方面，對比起上代的最高 ISO 25,600，新的配置亦令感光範圍擴大至 ISO 100 至 ISO 51,200，環境陰暗時更可方便拍攝。至於雜訊， ISO 8,000 以上才開始有顆粒感，但細節仍然細緻。
▲連拍模式除了有 Hi, Mid, Lo 可以 Live View，今次還加入 Hi +，支援 11 fps。
▲a6300 其中一個最大賣點就是 Live-View 模式的連拍，用家可以透過 EVF 或 LCD 芒實時取景，同時連拍。
▲1/1250 sec; f/5.0; ISO 51200
▲1/640 sec; f/5.0; ISO 25600
▲1/200 sec; f/5.0; ISO 8000
▲1/100 sec; f/4.5; ISO 3200
▲1/20 sec; f/4.5; ISO 800
其他測試相片
▲現場光線不足，但 ISO 去到 6400 都未見有嚴重雜訊（1/80 sec; f/5.6; ISO 6400）
▲（1/80 sec; f/5.6; ISO 125）
▲留意公仔的頭髮，光暗都表現得頗分明，可見動態範圍之大。（1/100 sec; f/5.0; ISO 6400）
▲細緻度非常不錯，模特兒的眉毛亦條條分明（1/80 sec; f/5.6; ISO 1250）
相關文章:
PS5 歐洲英國澳洲紐西蘭齊加價 香港暫未受影響 21：9 屏幕繼續缺席？傳 Sony Xperia 1 VII 將於五月發佈 Sony 建立 PlayStation Studios 保險庫 備份保存 30 年遊戲開發歷史
唔只 4K 咁簡單 仲有其他加強功能
a6300 可以 Super 35mm 格式拍攝4K影片，同時亦是首部配備 APS-C 感測器的可換鏡頭相機可以拍 120 fps 及 100 Mbps 攝錄 Full-HD 影片。大拿拿120fps，即是用戶可以後製影片，將片段變成4倍或5倍慢動作(24p或30p) 影片。提供S-Log伽瑪錄影以拍攝擁有廣闊動態範圍的影片，並支援S-Gamut以提供更廣闊的色彩範圍；兩種格式均為影片後製提供更大的創意空間。最大驚喜就是加入 3.5mm 收音咪輸入，可以更直接地支援外置收音咪。但有一點仍然未能夠滿足影片拍攝愛好者，就是最重要的錄影制依然位置唔就手的手柄位，叫籮文十分失望。
籮文：「主打支援 4K 拍攝 但錄影制勁唔就手」
Sony a6300 有三大賣點，分別為0.05秒超快對焦、對焦點的提升，以及 4K 攝錄。除了單單支援 4K 攝錄，還加入 3.5mm Mic-in，實在對拍片有大大幫助，但係同 a6000 一樣，錄影制位於一個非常唔就手嘅位置，叫人十分失望。雖然係咁，但 a6300 除了冇 Full Frame 之外，對焦及連拍速度性能都逼近 A7 Mark II，而最平的 Kit 都只賣 8,990 元，都算吸引。（心郁郁中）
Sony α6300 淨機身售價：港幣7,990 元
SELP1650 鏡頭單鏡套裝 售價：港幣 8,990 元 (Sony Store 售價)
（將於 3 月中旬開始發售）
相關文章:
PS5 歐洲英國澳洲紐西蘭齊加價 香港暫未受影響 21：9 屏幕繼續缺席？傳 Sony Xperia 1 VII 將於五月發佈 Sony 建立 PlayStation Studios 保險庫 備份保存 30 年遊戲開發歷史
分享到 :
最新影片
