早前先喺巴塞舉行的 MWC 2016 大會發佈嘅兩部新機 Samsung Galaxy S7 及 S7 edge，一公佈已經得到好多 Wire 民關注，而早前 Unwire 就聯同 csl 舉辦咗 Samsung Galaxy S7 + S7 edge 新機試玩派對，場面虛冚，參加咗嘅 Wire 民唔只可以試玩兩款新機，仲可以親身體驗埋 Gear VR 眼鏡，當日即場預訂新機仲有獨家優惠，而家就同大家重溫一下當日的盛況！
▲今次試玩會的兩位主角 — 新鮮出爐嘅 Samsung Galaxy S7 同 S7 edge ，兩款手機真係各有千秋！
▲聚會開始嘅時候，Samsung 嘅產品專員 Kevin Lam 為各位朋友介紹一下 Galaxy S7 / S7 edge 嘅獨特功能。今次兩部新機嘅其中一個主要賣點係採用咗 Dual Pixel 相機，對焦速度超快之外，高達 f1.7 光圈亦令感光度大大提升，係低光環境或夜景嘅攝影表現令人眼前一亮。
▲Samsung 產品專員 Kevin 手上拎住嘅就係萬眾期待嘅 Galaxy S7 edge 喇！Galaxy S7 edge 今次喺弧形側面屏幕上加入咗更多新功能，可以用盡弧形邊屏位置，例如可以加入常用 Apps，而且仲支援最多十個 Shortcuts，方便用家單手都可以輕鬆使用。
▲同場除咗有 Samsung 嘅 Galaxy S7 / S7 edge 試玩之外，仲有最 Hit 嘅 Samsung Gear VR 眼鏡可以俾參加者試玩，原來大家對於 Gear VR 眼鏡好好奇，好多參加者都排隊試玩。Gear VR 可以兼容多款 Galaxy 系列手機，只要將手機放入去就可以使用，而且仲可以用嚟打機 / 睇戲添，個個都玩得好開心！
試玩會用手機試相見得多，不過今次位位參加者都用手機「影地下」影地下就比較少見，全因為 Galaxy S7 / S7 edge 擁有 1.7 大光圈，低光拍攝效果出眾，好多朋友都要親自試試！
▲另一邊廂亦有用家試玩 Galaxy S7 同 Galaxy S7 edge ，例如 Dual Pixel 相機、Game Launcher 等新功能。
▲試玩會期間，旁邊都有 csl 同 Samsung 嘅工作人員解答各個參加者嘅有關 Galaxy S7 / S7 edge 各項功能上嘅問題！
▲Samsung 代表分享完之後，就輪到 csl 嘅代表 Sing 介紹 csl 300Mbps 4G 高速網絡服務點樣配合兩款新機發揮最高上網速度，而且亦詳細介紹了 Gear VR 的技術和實際應用，參加者都聽得十分專心呢!
▲csl 的店長 Ken 為參加者介紹當日特設的 Galaxy S7 / S7 edge 上台精彩優惠，不少參加者都顯得深感興趣，而且如果當晚開設 Tap & Go 戶口更會送 $50 面額，非常吸引！
▲除咗 Samsung 及 csl 代表先後解說，當然唔少得我哋 Unwire 首席記者 Edward 分享一下 Galaxy S7 同 S7 edge 嘅用後感啦！Edward 表示，Galaxy S7 比起上一代 Galaxy S6 手感更好，無咁「界手」，事關佢用咗類似 Galaxy Note 5 弧形玻璃設計，令到邊位更加圓滑，單手使用感覺更好。佢認為就算 5.5 吋屏幕嘅 Galaxy S7 edge 都可以做到單手操控，係難得嘅設計。
▲試玩會最後設有有獎問答遊戲環節，各位參加者都非常踴躍回答問題。
▲今次一共有 5 位參加者獲選並答啱問題，可以獲得精美禮品！係度再一次恭喜晒呢 5 位得獎者！
▲當晚試玩會座無虛席，可見大家十分期待新一代的 Samsung Galaxy S7/S7 edge 手機！
試玩會訪問篇：
我哋問咗幾位參加者對 Galaxy S7 / S7 edge 有啲咩睇法，不如一齊睇睇佢哋點樣評價：
▲陳小姐最高興見到 Galaxy S7 及 S7 edge 的 MicroSD 卡插槽回歸，最高仲支援 200GB 卡！此外，今代新機更會附送 adapter，大家可以當它做 USB 轉接器，插上一般 USB 手指或硬碟，就可以在手機直讀檔案，更可以方便用家「轉會」，將資料從其他手機傳送到 Galaxy S7 / S7 edge。
▲Gio 就話最鍾意 Galaxy S7 及 S7 edge 對打機愛好者的貼心功能，例如增加支援 Vulkan API，還有遊戲工具這項設計，它不但可以防止在打機時出現訊息提示騷擾外，最好用的是可以鎖定程式切換及返回鍵兩個輕觸鍵，這樣就算雙手拿著手機玩，都唔怕誤觸按鍵，又可以將遊戲過程錄影下來，方便日後分享給朋友欣賞。
▲而 King 就表示特別喜歡 Galaxy S7 edge 的側熒幕，可以擺放 APPS 捷徑，常用程式捷徑更增加至 10 個，還有像間尺、指南針等實用小工具。側熒幕的實用程度比上一代提升不少，令曲面熒幕不至太過單調。而在「我的專屬設定」中，更可以自設直接進入哪些程式中的功能，例如：可以設定一個 shortcut 直接進入相機並進行 selfie，超方便。
今次的 Galaxy S7 / S7 edge 試玩派對完滿結束，今次報唔到名嘅朋友，希望喺下次嘅試玩派對再見啦！
相關文章:
Samsung S24 現場測試開箱影片 港人最愛 7 大功能 【評測】Samsung Galaxy S24 Ultra 外形 手感 AI 功能 操作體驗初步評測 Samsung 推中階新「孖寶」Galaxy A35 + Galaxy A55 四色韓風 + 強化夜攝 + 定價更抵玩
分享到 :
最新影片
