由 Cartoon Network 製作嘅人氣動畫節目《飛天小女警》即將係 4 月 4 日星期一晚 6 點復播。而由 4 月 15 日起係星期一至五晚上 6 點播出，隨後就會係 4 月 21 日起開始按照常規時間，係每個星期四晚 6 點播出。
今次《飛天小女警》係四月亮相前，將會先係 Austin 嘅 Southwest Festival 西南偏南音樂節上舉行首播儀式，而其後亦會係歐洲﹑亞洲同拉丁美洲相繼播放。
超級英雄姐妹花花﹑泡泡﹑毛毛被 Townsville 市民稱之為「飛天小女警」，佢地一齊保護城市免受反派掌管。同時，佢地亦要兼顧學校﹑功課同平凡生活中嘅惡棍亦唔係易事，但飛天小女警已經準備好接受挑戰，用超能力同 teamwork 來裝備自己，偶爾係向 Professor Utonium 同 Townsville 市長尋求協助，向 Townsville 同整個世界證明要係訓覺時間前拯救世界唔係 mission impossible 。
《飛天小女警》最初由 Craig McCracken 製作，係 1996 年首播，呢部 78 集嘅動畫節目獲得咗兩項 Emmy 獎項同五項提名，同時亦獲得過唔少動畫榮譽。劇集更催生咗華納兄弟係 2002 年製作嘅電影。
《飛天小女警》由 Cartoon Network 工作室製作，由 Nick Jennings 同 Bob Boyle 共同擔任執行製作人。
來源： Yahoo TV