香港迪士尼樂園由 2016 年 3 月 17 日，亦即係尋日起至 5 月 29 日，呈獻首個「迪士尼花蛋節」！今次唔但只係樂園園區內推出咗過百隻迪士尼朋友花蛋，而且迪士尼朋友亦換上香港獨有新裝同大家見面合照（想睇迪士尼朋友新裝，請按此），兼且仲有新嘅星級體驗活動推出！今次就由我 Billy 帶大家睇下到底有咩係必睇必玩啦！
今次花蛋節將會有過百隻花蛋遍佈七大園區，無論行到邊，總有一隻花蛋係你附近！園區會有提供樂園指南「猜猜誰·尋尋蛋」，咁遊客就可以根據自己嘅喜好係七大園區揀自己鍾意睇嘅花蛋去行。當中最受注視嘅包括： Duffy ﹑ ShellieMay ﹑阿樂﹑阿愁同 Gelatoni 都會係小鎮廣場出現；而雪姑七友嘅七位小矮人將會係睡公主城堡前出現；海底世界嘅 MO 仔同多莉就會係探險世界出現；至於星球大戰一眾主角包括黑武士﹑風暴兵﹑ C-3PO ﹑ R2-D2 以及 BB-8 就會係明日世界穿梭著。
今次推出嘅全新星級體驗服務，包括《小公主蘇菲亞》之旅以及《星球大戰》預備班，前者就啱晒女仔參與，後者就啱晒男仔去玩，咁樣家長就唔洗擔心小朋友無野玩啦！今次小編就親身睇咗 BB-8 繪畫班同 BB-8 遙控機械人障礙賽遊戲，雖然係比小朋友參與，但兩個活動內容一啲都唔容易呀啵！
《小公主蘇菲亞》之旅首先就係要各位小公主們間進行介紹，然後導賞員就會為各位小公主講解小公主蘇菲亞嘅故事；講完之後，就會有一個「皇室預備班」比各位小公主學習點樣成為一個真正嘅公主，包括禮儀同跳舞；而最後就當然唔少得同返迪士尼公主蘇菲亞大合照啦！
香港迪士尼樂園花蛋節： 2016 年 3 月 17 日至 5 月 29 日
《星球大戰預備班》：每組（一位成人及一位小童） $858 ；額位一位小童 $662
《小公主蘇菲亞》之旅：每組（一位成人及一位小童） $858 ；額位一位小童 $662
查詢及訂房中心熱線： 1-830-830 （或可於香港迪士尼樂園網頁預訂）
迪士尼向 Epic Games 投資 118 億 冀發展 Fortnite 宇宙