以為去蒲先至有 Lady’s Night、睡衣派對等等嘅主題之夜？原來依家連睇賽馬都有 Party 玩！身為 Wire 民，一定對科技特別感興趣，4月13、20及27日三個賽馬日，Happy Wednesday 會夥拍 Samsung 聯手打造高科技嘅賽馬體驗，讓你透過嶄新嘅電子產品及應用程式，欣賞連場精彩賽事之餘，仲有好玩刺激嘅電子遊戲，以及極盡視聽享受嘅娛樂活動。4月27日更會首度上演韓國馬事會錦標，高水準賽事配搭新科技元素，新鮮刺激，點可以錯過！
玩遊戲贏首爾機票
想一嘗當騎師嘅滋味兼贏大獎？參與 Be a Star Jockey 遊戲，虛擬世界中考驗你嘅馬上功架，挑戰平衡力及爆發力，想知道自己屬見習級或大師級？只要取得指定分數嘅佳績，便可奪得指定級別相框，拍下照片除可與朋友分享，紀錄你嘅實力外，每個派對夜拍出最佳照片嘅”Master Jockey”參加者更可獲得雙人來回首爾機票。
VR 帶你遊走馬房重地
話明 Digital Nights，除了睇馬之外，場內仲有好多先進科技，虛擬與現實結合，讓你體驗多重刺激。「360o馬房睇真啲」讓你可以戴上虛擬裝置VR Gear，突破馬場禁區，全方位遊走馬房重地，了解馬匹訓練實況。「策馬上陣大激鬥」讓你可以置身於虛擬座騎至上，感受現場比賽嘅震撼刺激。
有勁歌熱舞 Party 先夠 High
叫得做 Party，當然唔少得勁歌熱舞啦！首先有多元拉丁音樂風，大會邀請到全城最強拉丁樂隊 Carnivale 坐鎮，以強勁音樂與台下觀眾交流，包保牽動到你嘅澎湃熱情，4月13及20日更有勁爆熱舞Show，表演者們會隨電子音樂節拍舞動身軀，釋放最強動感能量，4月27日仲有過江龍，韓國頂級跳舞團體 Jinjo Crew 遠道蒞臨跑馬地馬場，演繹最潮街舞，展示熱爆K-Pop文化。
美味韓食
有 Game 玩，有 Show 睇，咁開心嘅活動當然吸引啦，但係玩到肚餓又點算呢，唔通要離場咁掃興咩！大會有見韓食潮流持續高企，跑馬地場畔美食亭自去年首推韓食亦大受歡迎，所以徇眾要求，今次再度推出多款美味韓食，魚條、拌飯、炒年糕，你噏得出嘅韓食都有！另外，開 Party 當然要有酒精啦，好彩有韓國最具人氣嘅真露雞尾酒供應，唔理你係太陽的後裔定係太陽的祖先，都可以邊吃邊嚐最地道嘅韓食文化。
Digital Nights 活動
舉行日期： 4 月 13 日 / 4 月 20 日 / 4 月 27 日 (星期三)
首場賽事：18:45 (13/4)
19:15 (20/4 & 27/4)
地點: 跑馬地馬場
公眾席入場費：HK$10
詳情：點按此
嶄新科技延伸至提升享樂層次
位於跑馬地馬場聯合看台的adrenaline打造突破傳統的高科技賽馬世界，創新的娛樂設施，配搭各式電子遊戲及活動，讓你體驗更勝一籌的享樂境界。
– VR Gear 360度環環迴探索虛擬馬房，了解馬匹訓練實況
– 透過嶄新Hologram技術，一嚐育馬體驗，見證你自選的馬匹二代誕生，更可將圖片上載到社交網分享
– 參加Be a Star Jockey遊戲，有機會獲得Samsung Galaxy S7智能手機
– Jennifer Palor與樂隊傾力演出，靚聲好歌一流享受
– 豐富自助餐加入大熱韓食，更添口福
24小時訂座熱線: 36903690
入場人士須年滿18歲。切勿沉迷賭博。
