一遞手就自動出cream!依莉詩實試 NU Skin ageLOC Me 面部護理智能護膚機(上)

讚好此文:

四月 12, 2016 •扮靚科技

唔少女士都應該會好似我依莉詩咁日夜都要做面部護理,以確保皮膚時常喺最佳狀態。但係又精華素、又日霜晚霜等一大堆嘅護膚品,有時覺得做女仔都幾煩架!不過 NU Skin 近日就推出一款智能護膚機 ageLOC Me,堪稱「美容界嘅咖啡機」!點解咁講?因為佢無論外型上、配套上、功能上都同咖啡機非常相似,亦非常方便,兼且唔會走數添!
image015-1-694x462(2)

運作原理似咖啡機  自動混合精華及護膚品超方便

到底呢款「美容界咖啡機」有乜特別呢?原來佢嘅運作原理就係透過將不同嘅精華素自動按適當份量混合起來,再加上日霜、晚霜,各項護膚品都能夠儲存係一部智能護膚機入面,然後只需要將隻手放喺機器底下,佢就會自動「o擠」出護膚品,首先「o擠」出精華素,然後「o擠」出日霜或晚霜,原理好似成日見到嘅洗手液機,非常方便。

image002-9-694x46(2)2

▲一開箱,入面有 ageLOC Me 智能護膚機,仲有各項用作做面部護理嘅精華素同日夜護膚霜,左手邊嗰三個盒仔有咩用一陣睇落去就知架喇,至於右手邊嘅兩塊零件則係機內嘅組件。

image001

▲機面有幾個按鈕,用嚟選擇唔同嘅模式同設定,佢有多種語言設定,最好就係有繁體中文!

相信好多女士都有過以下嘅經歷:為確保精華素保持新鮮,通成都分開好多支,一支祛斑、一支抗皺…仲有日夜霜、眼霜等等。每日做面部護理的時候,就要由上至下左至右整齊咁羅列於枱面上,方便你按照唔同嘅次序用,達到最佳效果。你打開一支精華,小心翼翼「o擠」出少量搽落塊面,搽完後再小心翼翼閂返個蓋,驚怕倒瀉,然後仲要搽第二支……重複 N 次呢個步驟,諗起都覺得煩!

但係 ageLOC Me 智能護膚機就幫你一次搞掂晒喇!只要將佢內置嘅精華同日霜、晚霜「Capsule」放入機內,佢就會自動係機內進行 40 層微層調和,然後先「o擠」出嚟俾你用,咁就唔使分咁多支去搽,又唔怕唔小心倒瀉,又或者去到最尾果幾滴用唔到喇!

image007-5-694x462 copy

▲ 一拆開睇,各樣面部護理嘅護膚品都係有堅固嘅塑膠做獨立包裝。(左:日夜霜;右:精華素)

image004

▲ 機內則分咗三個位置分別裝精華素、日霜同晚霜,內部一啲都唔複雜。

image009 image008

image010 image011

▲而大家只需要係用之前將佢哋放入去,過程好簡單:將透明膠蓋打開再按返指示插入機內,右下角就係完成咗嘅樣喇!

image012

▲偵測到係新嘅智芯之後,佢就會問你係咪準備就緒,你剔咗之後,就代表佢將會出喇。

image013

▲ 喺機嘅底部佢有一盞指示燈,當佢閃爍嘅時候就代表你可以將手或者盒仔放入去,佢就會自動「o擠」出各樣護膚品。

獨立包裝保鮮兼防菌!仲可以開心 share !

有陣時屋企人都可能想 share 你嘅護膚品,但開嚟開去,佢哋又會掂到個樽口,搞到感覺上好唔衛生咁。用 ageLOC Me智能護膚機就可以衛生好多,一來你唔會直接接觸佢嘅樽口,二來佢所使用嘅精華素同日霜晚霜都係獨立密封包裝,喺用嘅時候先「o擠」出來混合,咁就確保精華素唔會長期暴露於空氣中,保持新鮮!

image022

▲機底分開三支管,應該係代表精華素、日用霜同晚霜嘅出口,因此大家都唔會直接接觸到支護膚品,唔使怕成日俾其他人掂而唔衛生。

image015

▲等我即刻試下個質感先!

image017 image018

▲ 佢跟機會附送一 set 精華同日夜霜,不過我覺得佢嘅日霜都幾滋潤,比較適合冬天嘅乾燥天氣,至於晚霜亦非常厚,塗一層就好似平時塗完晚霜加 sleeping mask 咁保濕。

機身輕巧隨意擺放  各項提示夠充足

講到明係智能護膚機,當然有唔少功能係方便咗用家。其中之一就係佢嘅自動功能,當你切換到自動模式嘅時候,只要簡單放隻手埋去,佢就會自動輸出你要用嘅護膚品,例如佢計到你果個時間係夜晚,咁佢就會出返晚霜,而唔會出咗日用霜!當你兩次用完之後,佢唔會再出多一次俾你,以免你用多咗。另外,佢會有用量提示,你每拎一次佢就會減 1 ,所以我要預時間訂新嘅護膚品好重要。而且佢會喺你平均早上或晚上嘅使用時間閃燈提示你夠鐘要做護膚,啱晒一啲好忙嘅人或者大頭蝦!

image016

▲機面有顯示剩餘幾多可用,可以預計到幾時要再買新嘅替換。

image003

▲ 當然,你可能果一日想用多次,都可以去返「提取單次用量」,再按需要拎多次。

機身方面,佢使用 4 粒 AA 電,而且機身非常輕巧,唔使搵到有叉電位先放得,你鍾意放邊都得!就算你出 Trip 要用都可以帶埋架!不過,如果你只係去幾日,唔想太麻煩帶好多嘢,可以用旅行模式,揀返自己出 Trip / 去旅行嘅日數,然後用佢隨機附送嘅 3 個盒仔,帶備所需份量就可以架喇!

P1230035

▲佢唔使用「濕電」,只需 4 粒 AA 電就可以推動佢,放係屋企邊度都得。image024

▲當你去旅行或者出 Trip,可以揀返去幾多日,然後佢會按日數「o擠」出合適份量嘅護膚,等你在外都可以 keep 住護膚。

image014image006

▲呢幾個盒仔就係俾你外遊時用架喇!

image005

▲仲可以咁樣疊起收埋!

 

依莉詩:「如果有得 Tailor made 就好!」
image021
其實一開始聽嘅時候我已經好鍾意佢個概念架。因為佢方便咗整個護膚嘅流程,即刻覺得啱晒我呢啲懶人呢!同埋佢有獨立包裝,一擺落部機度佢就幫你自動撈勻,又唔怕倒瀉,唔會浪費咗「最後幾滴」(你知道啲精華素好貴架啦!),當你差唔多用晒嘅時候佢仲可以提你要買新嘅添!不過每個人膚質都唔同,而且天氣開始潮濕,我就略嫌佢附送的護膚品太過滋潤了,好彩佢仲有一個專屬App 幫你 Tailor-made 切合自己需要的護膚品,等我依家訂定一 set ,下一篇文再同大家匯報下好唔好用啦!

 

 

智能護膚機 ageLOC Me

售價:待定

查詢:www.nuskin.com.hk

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , ,

讚好此文:


Comments are closed.

unwire TV

/%2F&show_text=1&width=694" width="694" height="547" style="border:none;overflow:hidden" scrolling="no" frameborder="0" allowTransparency="true">


更多同類文章:

最新文章