樂視 Le Max 手機最近已正式加入 csl，這款旗艦級手機具備 6.33 吋 2K 超高清大芒，更內建 LeHi-Fi 靚聲，最啱當然係用來睇戲及煲劇。配合 csl 強勢網絡，還有樂視 LIVE 直播及 Viu 服務，中、韓、日最新劇集及動畫都一一盡享，今次將為各位 Wire 民示範它媒體功能，當然亦考驗 Le Max 新機效能。
首先簡單介紹樂視（LeEco，前稱 LeTV）「Le Max」旗艦手機，它配備香檳金色金屬機身， 論外觀及質感都絕對一流，雖然採用 0.8mm 超窄邊框設計，但全憑金屬邊緣而不滑手。Le Max 選配 6.33 吋、Sharp 製造的 2K（即 2,560 x 1,440）超高清解像度屏幕，更內置 128GB 最大容量，足夠擺放大量影片檔，對於鍾意行街或搭車時都爭取時間睇片的用家，Le Max 大芒機就絕對係心水之選。
▲6.33 吋 2K 超高清屏幕，像素密度達到 464ppi，令畫面及文字細節完全呈現。
▲具 Dual SIM 雙卡雙待能力，提供 micro SIM 及 nano SIM 卡槽各 1 個。
至於 Le Max 手機本身，規格及功能亦極強，6.33 吋芒配金屬機身，只重 204g，拎上手睇片都不感到墜手。為應付長時間線上串流睇片，內建 3,400mAh 高容量電池。搭載 Qualcomm Snapdragon 810 八核心處理器，內置 LPDDR4 4GB 記憶體，並使用以 Android 5.0 改良而成的自家 eUI 5.0 操作介面。攝影能力亦強勁，機背內置 2,100 萬超高像素鏡頭，支援 4K @ 30fps 拍片，更內置 OIS 光學防手震功能，夜間戶外或在暗光環境如餐廳，都可以拍出穩定嘅清晰畫面。
▲使用 USB Type-C 插座，訊號線毋須分上下方向都插得，實際介面速度則為 USB 3.0（5Gbps）。
▲機背內置 Sony 製的 2,100 萬像素鏡頭，有 OIS 兼支援 4K @ 30fps 超高清拍片。
▲安兔兔評測 (AnTuTu) 測試總分達到 79260，3D 圖像方面分數 22839，就算玩 3D Game 都得。
Le Max 手機今次同 csl 合作，獲得極充足流動數據頻寬，絕對足夠應付線上媒體串流所需。對於鐘意出街煲劇或聽無損音樂的用家，就無需再擔心播放時會出現停頓的問題。
▲SpeedTest 網絡速度測試， Le Max 手機支援 CAT 4 制式，配合csl網絡最高下載及上載速度達 27.21Mbps / 14.24Mbps，全高清影片串流一樣唔會窒。
除了 Viu App，Le Max 手機更憑著 LeEco 本身的「樂視超級影視」服務，用家有另一個途徑亦可享盡最新中、韓、日、歐美劇集以及動畫。csl 新上台客戶揀選「LeEco Le Max (128GB) Gold」出機計劃，即送 3 個月「樂迷 99 狂睇組合」(價值 $297)，兼送 1 個月樂視「超級體育組合」 (價值 $249)。
查詢：
csl 網站: 點按此
csl 銷售熱線: 28882123