除咗 WhatsApp 之外，LINE 都喺唔少 wire 民用嚟同人溝通嘅工具之一，始終 LINE 入面可以玩嘅元素比較多，例如有唔同嘅貼紙、主題甚至是遊戲，而當中唔少貼紙同主題都要用錢先買到，所以好多人換機嘅時候，都會好擔心一時唔記得設定換機密碼，令到所有「真金白銀」買返嘅貼紙同主題消失。
4 月 27 號開始換機新方法
近日，LINE 在台灣 Facebook 專頁上，公布了在 4 月 27 日將會改變一直以來用開嘅轉移帳號方法。由以往要先喺舊機設定換機密碼，改變為更方便快捷嘅方法，雖然暫時官方仲未透露全新方法喺咩，之不過就提醒現有用家，記得記得記得先綁定 Email。
▲要綁定 Email 先進入「其他」>「設定」。
▲喺「我的帳號」就可以見到「設定電子郵作帳號」，輸入完電郵記得 Check Email 確認。
LINE Free Coins 變咗做 LINE Points
除咗搬機之外，一直以嚟唔少人都會做任務賺取 LINE Free Coins，用嚟買貼紙買主題，由 4 月 25 號開始，LINE Free Coins 將會變做 LINE Points，賺取方法就同以前一樣，都喺睇吓片、關注指定官方帳號或者參加推廣活動等等。至於目前大家手上嘅 Free Coins 將會以 1 兌 2 嘅方式轉換，即喺如果大家現有 10 個 Free Coins，喺 25 號就會變做 20 Points。至於想換貼紙或者主題，就要先將 LINE Points 換返做 LINE Coins，而且 LINE Points 更會有期限，每次獲取新 LINE Points 開始計 180 日，如果限期前沒有再賺取 LINE Points，帳戶內嘅所有 LINE Points 都會被清除。
分享到 :
最新影片
