夏天就到，背心短裙又係出動的時候，D 毛毛走晒出嚟點算好？今日就同各位介紹呢套 Philips Body SPA 滑肌活膚全效套裝，脫毛之餘仲可以做埋脫毛前後護理，睇落幾多功能咁，等我依莉詩捉幾個男同事試下先！
▲ 呢 set Philips Body SPA 滑肌活膚全效套裝有成 8個配件，可以脫毛、按摩 同 去死皮，都幾多功能架！
痛過電動鬚刨
呢 set 套裝雖然都可以用係面部護理，但主要功能都係用嚟脫毛。只要換上特闊陶瓷脫毛刀頭或者剃毛刀頭就可以當電動鬚刨咁用。另外加上專用保護蓋仲可以去除面部或敏感部位多餘的毛髮，溫和地處理身體各個部位的毛髮。當中有 2種脫毛速度選擇，而且刀頭旁有照明燈，等你可以睇清晰每條幼細的毛髮。不過，可能因為特闊陶瓷脫毛刀頭的微脊型陶瓷夾輪，每條毛都好似夾硬被拔起一樣，莫講話多腳毛的男同事，就連做咗激光，已經無乜毛的我都覺得好痛呢！
▲ 換上特闊陶瓷脫毛刀頭就可以當電動鬚刨咁用。
▲ S 型的手柄揸上去幾順手，方便滑動到全身不同地方。
▲ 脫毛刀頭使用陶瓷物料，可以抓住毛髮再割斷，以剃得更徹底。
▲ 加上不同的專用保護蓋協助脫除面部及敏感部位多餘毛髮。
▲ 因為試過唔少的脫毛方法，我的毛已經唔多了。為咗影相效果，我捉咗位男同事犧牲佢嘅腳毛嚟試效果。使用完特闊陶瓷脫毛刀頭後，比較長的腳毛幾乎被連根拔起，不過有部份的毛來回幾次亦依然係度。
▲使用剃毛刀頭連毛髮修剪梳後，男同事大脾的毛少咗少少，而佢覺得呢個頭無陶瓷脫毛刀頭咁痛，唔會有毛髮被夾起的感覺。
脫完毛按摩舒緩返
用脫毛刀唔多唔少都怕有敏感或者毛孔倒生的情況，而呢個套裝就包埋去角質刷頭同身體按摩滾輪，係脫毛前脫毛後做護理，算係一站式的脫毛過程。脫毛前利用身體去角質刷頭去除死皮細胞可以預防內生毛髮，而脫毛後使用身體按摩滾輪就可以按摩皮膚以舒緩疲憊肌肉及促進血液循環。的確脫毛後的痛楚同發紅係按摩後得以舒緩，而且滾輪亦可以係任何時候用，舒緩一下肌肉緊張同埋疲勞。
▲ 套裝包括 8大配件，包括陶瓷除毛刀頭、刀頭梳具、身體去角質刷、身體按摩頭，以及按摩蓋、臉部保護蓋、敏感部位保護蓋、肌膚伸展器。
相關文章:
雙籃式設計 9L 容量 Philips 全新氣炸鍋歐洲上市
▲ 身體去角質刷頭就好似旋轉式的洗面機一樣，有 48,200 條防敏感幼細刷毛，可以用作去除死皮細胞，而用落都唔太拮，可以接受。
▲ 脫毛後利用身體按摩滾輪按摩可以舒緩脫毛時的痛楚。
防水設計可沖涼用
為免尷尬，脫毛通常都係沖涼時候脫，而呢部機有防水功能，可以乾濕兩用，而且充電 1.5小時可以無線使用約 40分鐘，咁沖涼的時候脫晒成身的毛都夠時間，非常方便。
▲ 呢部機可以無線使用，加上防水設計，沖涼果陣都用得。
依莉詩：「男同事嗌救命」
毛係夏天最大的敵人，無論傳統的剃刀、熱力或者光學脫毛我都試過，最怕就係痛同埋敏感。而呢個套裝有齊脫前去死皮同脫後按摩的護理，都算一站式好方便。不過用特闊陶瓷脫毛刀頭脫毛堅係痛，好似夾硬夾起 D 毛咁，甚至比起宅光脫毛更痛，難怪多腳毛的男同事會頂唔順。不過，如果剔除痛唔講，都算剃得幾乾淨，而且無敏感，算係幾好的短期脫毛方法。
Philips Satinelle Prestige Body SPA 滑肌活膚全效套裝
零售價： $1,498
查詢：2619 9663
相關文章:
雙籃式設計 9L 容量 Philips 全新氣炸鍋歐洲上市
分享到 :
最新影片
