的士佬 x Uber 司機「矛盾組合」相遇!暢談當年汽車渡輪 + 昔日香港

讚好此文:

五月 11, 2016 •人物專訪, 業界專訪, 重點消息

1998 年,最後一條主要汽車渡輪航線停航,但是 18 年後的今天,汽車渡輪竟然「復航」!unwire 為大家請來數位司機,有經歷過渡輪時代的,也有些沒有,他們經歷不同,年紀也不盡相同,他們眼中的汽車渡輪,今日一一細訴。

big pho

過海遇「猛人」  大師感激都搭船過海

當日上到船上,底層全是用來停泊汽車的,共有 22 個位,但是也不滿載。我們在泊好車以後,逕自往最上層的餐廳走去,連同兩位前的士司機江先生和樟哥,還有首次踏足渡輪的 Uber 司機阿棋,一起由汽車渡輪談古說今。

image034

左起:Unwire 記者 Gi,江先生,樟哥,阿棋

論到汽車渡輪,經歷過汽車渡輪年代的樟哥,便感觸良多。「果陣 1995 年,我客串揸貨 Van,車到個猛人,佢就係彭修文 (當代中樂大師),佢話要過返九龍啟德搭飛機,但係紅隧又勁塞車,我就介紹佢搭船,同佢講會快啲,佢上船後一路又有海風好舒服……落車時佢就好開心,話多謝我介紹佢搭船。」

image058

image030

▲ 在觀塘碼頭上船,須經過觀塘駕駛學院進入。image032

▲駛離觀塘碼頭。

當時只有一條海底隧道,因此流量早已飽和,汽車渡輪便仍有生存的空間,其航線繁多,北角至觀塘,北角至九龍城,中環至紅磡等,可以減輕一下紅隧的交通擠塞。那時紅隧收費 $5 一程,渡輪 $3.5 一程,雖然成本較平,不過人們為了省卻上落船的步驟,大多選擇紅隧。到後來地鐵通車,汽車渡輪更見式微,到最後北角至觀塘的汽車渡輪服務也取消了。

image028

image033

▲ 渡輪最底層是用來停泊渡海的汽車,尾排汽車的車輪還會有一個木塞頂著車輛,防止汽車墮海。

 

三層船有「夜總會」  日頭竟變身茶檔

江先生則對汽車渡輪有另外一種記憶,他說汽車渡輪「以前得兩層,後期先有第三層係度,佢地叫做夜總會,啲人係度唱歌跳舞。我就最多係上嚟食餐蛋麵。」

image051

▲ 從前的汽車渡輪只得兩層,人在上車在底。

為何會是餐蛋麵呢?因為過往港九兩岸的士起錶價不同,上船又不知應否繼續落錶,所以就會趁著 20 分鐘船程休息和吃東西。樟哥繪形繪聲地說:「以前上船後一定要泊好位,再衝上嚟檔口,好似搶咁,你落唔切Order 就食唔切架喇!」

image045

image048

▲ 熟食檔口有餐蛋麵等其他食物可供選擇。

image054

▲ 也有不少老人家專程來懷緬當日情懷。

 

生活較現在輕鬆  唯的士牌價居高不下

不過趕頭趕命的日子並非常有,江先生和樟哥兩人皆說,以前日子更輕鬆。「以前一到十二點,喺灣仔華潤果度,就泊埋架車,一班司機一圍枱飲茶,好好傾,飲親茶都個幾兩個鐘。」江先生說,90 年代初,這樣「懶散」都能賺 $2-300 一天,勤力一點更可以 $600 一日。

樟哥亦說,以前是做夜更的士,「我會下午三點零開工,夜晚就搭尾班巴士返屋企,唔使通頂架,因為搵夠喇。」由此亦可見,以前生活真的沒那麼艱難,大家都有輕鬆的時光。但是現今競爭激烈,因著 Uber 出現,的士行業好像因此而怨聲載道。而 Uber 的支持者又說,是的士業界內有太多厭惡事件出現才導致別人轉而支持 Uber。到底曾從事的士行業的江先生及樟哥又怎看待 Uber 及其他連帶事件呢?
00112.MTS_snapshot_07.57_[2016.05.10_20.26.06]

江先生認為,「每一行都有啲咁嘅人架,一定係架,但你話打晒成船人就肯定唔會!」樟哥則說,「因為個的士牌要用好高嘅價錢投返嚟,但政府又咁俾 Uber 出,即係分薄咗,其實都有啲問題嘅,你可能話有啲的士司機服務好差,但要提高服務質素,其實可以要求的士司機做。」不過他們都認同,的士牌價那樣高,最終受惠的也是一些車主和大集團,司機的生活質素一直以來都沒有大改變。

而同席的 Uber 司機阿棋也為的士行業講好說話:「我遇過好多 (的士司機) 都好好架,但係繁忙時間佢地會揀客,佢唔揀客我絕對 ok。」

00112.MTS_snapshot_10.41_[2016.05.10_20.26.38]

如何生存  關鍵亦在於科技

當 Uber 出現,與的士互相競爭,兩者之間原來亦有自己的方法生存。阿棋已經全職做 Uber 數年,他認為現時推出太多平價方案令司機收入減少,但他也有自己的客源:「個 App 係幫到手嘅,但係自己都應該要儲返啲熟客。」最特別是,他試過接載小朋友,「因為家長唔得閒車啲小朋友,但係小朋友又唔使俾錢,因為有 credit card,又可以睇到架車即時去到邊,其實安全好多,的士反而就無呢啲先進嘅設備。」

從前駕駛的士的樟哥也回想當年有不少的客源,「有時啲工人要 OT,廠家會俾錢佢地搭的士返屋企……凌晨兩點鐘有啲舞小姐打烊,你架車擺定門口,佢就實係上你架車架喇,講都唔使講,你車佢返屋企,熟客就係咁做返嚟。」

當然的士不會只靠一兩個熟客,現今世代又有不同玩法,有泥鯭的,也有用唔同嘅「叫車 App」來找客的。無論是找客還是找車,只覺得科技進步,大家的資訊成本低了,就自然更易配對到合適的對象。

 

當日影片片段 (請耐心等候 Loading..)

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , , ,

讚好此文:


Comments are closed.

unwire TV



更多同類文章:

最新文章