香港呢幾日被一男子搞亂成個城市嘅運作，揸車嘅被逼兜路，返工嘅被逼遲到。本來大家都已經躁底，但因為呢個人黎到又亂講野又耍官威，搞到民怨更加沸騰，就連平時不多香港人用嘅 Twitter，都突然出現一個本地味道非常濃厚嘅「問候 Hashtag」。
Twitter 呢個社交平台喺香港一向都較少人用，就連睇 Trending 的地區都冇得揀香港，淨係睇到 Worldwide。不過千祈唔好以為香港少人用，就等於呢個平台唔熱鬧，港女曾經出席過一啲國際活動，就見過一啲外國記者好多都鍾意用 Twitter，仲會用 Twitter 做即時文字轉播添。而今年初，Twitter 更公佈佢地喺日本嘅活躍用戶量比 Facebook 多成 1 千萬人，達 3,500 萬個用戶。唔同地區對於社交平台有不同取向，不能夠只係企喺自己的角度睇世界架。
雖然話就話 Twitter 呢個平台冇乜活躍嘅香港用戶喺上面，但早兩日竟然有香港味道濃郁嘅 Hashtag 跑出，仲上埋搜尋榜第一位！
國際間不少 Twitter 用戶對於一打開 Search 就見呢個「問候 Hashtag」表示嘖嘖稱奇，有外國網民話係第一次見到中文/廣東話 Hashtag，亦有人話第一次見到廣東話粗口（就已經成為 hashtag），仲紛紛使用/試用呢個「問候 Hashtag」，今次仲唔係 乜出國際
無計啦，現實世界左一個水馬，右一堆執法者，想表達下感想都唔得，咪唯有轉戰網上宣泄囉。不過做鍵盤戰士可以發泄到嘅怨氣真係唔係好多架咋。
新 X 用戶等 3 個月才可發文 兩國試新制度打擊 AI 假帳戶 X 將移除隱藏「藍剔」功能 Elon Musk 接管 Twitter 時曾引起爭議 X 推出成人社群功能 曾打算推出 OnlyFans 競爭產品