近年愈來愈多人用平衡車代步，奈何香港的法例就係唔俾喺公眾地方揸用電動車。而今次介紹的 Me-Mover FIT 就係唔駛用電嘅，可以日常代步之餘仲可以同時健身，一舉兩得。我依莉詩今日就去咗試揸。
出得街踩的腳踏機
呢架三輪腳踏機年幾前已經係 Kickstarter 集資，睇落雖然似單車，不過踏法就似腳踏機，唔駛坐係度，好似平時行路就會向前，所以著裙都踏到。亦因為企係度的姿勢比起踩單車自然，所以係訓練肌肉組織的同時可以避免頸部同背部拉傷。
而踩上去的時候，其實好易平衡到，唔會似單車一停就要腳掂地，不過踩向前就要少少時間適應。如果有玩開腳踏機的朋友就應該一玩就上手，控制一 D 都唔難。至於車速方面，最高速度可達 30km/h，用少 D 力就做到快過單車的效果。不過都唔適合上斜，而且佢車尾比較寬，如果要用佢代步番工番學，可能要先視察下單車徑有無大上大落的地方了。
▲ 現時有藍、白、黑、紅、橙 5隻色，
▲ 想容易發力的話，最好就套實隻腳係腳踏，不過套實咗，有咩事想跳車就…
▲未摺前 Me-Mover FIT 有 110cm 寬，未必所以單車徑的欄都推得過。
▲ 雖然 Me-Mover FIT 的轆比單車細，不過齒輪組的比例較高，可以用更少的力踩更遠。
▲ 同單車一樣，可以隨時剎掣。
▲ Me-Mover FIT 可以拆埋同拆轆，摺疊後有 130cm x 35cm x 46cm，方便擺放同上地鐵。
依莉詩：「易平衡過普通單車」
呢部車比起單車容易踩，基本上一上車就平衡到，用多 5分鐘都唔駛可以控制自如。而我最鍾意就係佢住裙都踩到，咁就唔洗下下就住佢去襯衫。最重要係 Me-Mover FIT 係純人力驅動，所以可以係香港的單車徑使用，用嚟代步應該好有型！
Me-Mover FIT
藍、白、黑、紅色 $15,680
橙色 $16,480
查詢：Qool International Ltd. (3106 3338)
相關影片:
分享到 :
最新影片
