主打女性市場的自拍手機愈來愈多，Sugar、ZenFone 等都講求華麗的外表同誇張中追求自然的美肌效果，而最近新出的美圖手機 V4s 都唔例外，出盡法寶討女士們歡心。就等我依莉詩同大家介紹下啦！
今次的 V4s 其實是美圖手機 V4 的升級版，擁有 3GB RAM 同 128GB ROM容量，而外觀設計方面基本同 V4 沒有太大的差別，都係六個角設計。而皮革後蓋以小牛皮作為材料，簡約優雅。雖然唔冼手，不過 5吋 mon 加上底部尖角要單手揸的話，手指尾好難承托，不太好揸手。
▲ 只睇背部的小牛皮設計都幾有氣質，不過側邊的粉紅色邊就就唔多襯。
▲ 雖然係 5吋 mon ，不過上下都幾闊，尖底令手指尾好難承托，唔多好揸。
▲ 側邊的粉紅色邊好有違和感。
作為自拍神器，鏡頭要有番咁上下，V4s 配合 2100萬像素的 Sony 前後置鏡頭，而且配合後置雙色溫LED 閃光燈或前置補光燈，昏暗環境影相就唔怕太多雜訊。不過可能因為美肌的關係，大部份拍出嚟的相都有唔多唔少的油畫 feel 唔夠銳利，不過作為「美肌」之用的話，其實影得各位女士皮膚美美就是了。
▲ 2100萬像素的 Sony 後置鏡頭，配合後置雙色溫LED 閃光燈，昏暗環境影相就唔怕太多雜訊。
▲ 內置的智慧降噪技術雖然有效降低雜訊，不過白平衡需要校一校。
▲ 手機附送藍芽遙控，珍珠白色、細細笠幾得意。
談到最重要的美顏模式，V4s 將美顏效果分為 1 至 7 級，當中包括智能美型、五官立體、膚質優化等模式，可以根據被攝者的年齡、性別、膚質進行自然的自動美顏。不過就無得揀膚色，而且 1 至 7 級的效果都差唔多，即係只有有美肌同無美肌。另外，它內建「美圖秀秀」系統的 Apps，用開的姊妹們就唔駛煩下載了。
▲ 側邊有自拍鍵方便自拍。
▲ 1 至 7 級的效果都差唔多，即係只有有美肌同無美肌。
▲ 如果嫌美肌唔夠，可以後製袪豆、瘦面等。
▲ 另外，它內建「美圖秀秀」系統的 Apps，用開的姊妹們就唔駛煩下載了。
除咗 V4s 的旗艦機，同時美圖亦推出了比較平價的 M6 手機。外型同 V4s 差唔多都係 5吋 mon 、六角形設計，不過機背就唔係小牛皮，轉成滑身機背，所以都幾冼手。M6 除了容量減至 64GB外，前後置鏡頭同樣是 1200萬像素，更特別的是下方搭載指紋辨識功能的圓形 Home 鍵設計，十足 iPhone。
▲ M6 分別提供白色、粉色兩款配色，機背滑嘟嘟不易留指模，不過好冼手。
▲ 充電用 USB Type-C ，行行下街無想借人尿袋用都幾難。
▲ M6 螢幕下方多了一塊 Touch ID 可以用作指紋解鎖。
▲ 美肌功能比 V4s 誇張，水哥都即刻變韓仔！
對於自拍手機，我的要求都幾高，除了樣外型要靚，前置鏡頭像素要高，美肌功能都要自然。至於呢部 V4s 我都幾鍾意係個小牛皮機背，可惜側邊的粉色邊好有違和感。另外，雖然佢有自拍鍵，不過手機上下都幾闊，要單手自拍有 D 難度。至於美肌模式好重手，不過 1至 7級唔多有分別，變相有得揀等於無得揀，而且前後置影相都有油畫，我覺得有此結果應該美圖秀秀「大數據」統計得來的，很多女用家都喜歡「重手」美肌，所以才這樣去設定。
售價：
V4s －RMD 3499
M6 － RMD 2399
香港定價及售價查詢 : 3705 2286
