蠟筆小新對小朋友來說係一套有趣的卡通，對成年人來說又有令一層次的體會。無論你睇到邊一部份，小新就係深受大人小朋友鍾意的卡通。今個夏天，出名乖仔的小新舉家大駕光臨荃灣廣場，仲設計咗 3個高難度競技關卡俾大家挑戰。我依莉詩就去咗挑戰手腳協調能力啦！
3大競技關卡有辣有唔辣
小新有幾乖仔係人都知，佢所設計的 3個競技關卡都有其一貫風格，3.5米高的大笨象滑梯你會諗起咩呢？另一邊的巨型陸地滾球就好需要親子合作，唔係就會被凹凸不平的地面搞到天旋地轉。而最易過關的就是春日部雙葉幼稚園校巴，只要夠窈窕，打側身就可以輕鬆穿過障礙物。最緊要的是，所有關卡都可以免費挑戰，成功仲有小新貼紙送添，你準備好未呢？
▲ 關卡中間動感超人同大家打氣，快 D 跟佢一齊笑啦！呵呵呵～
挑戰 １：巨型滾球挑戰體能及平衡力
3關當中最難必定係呢關，大人小朋友要鑽入巨型透明膠球，一齊合作向前推，絕對考身體體能及平衡力，同時亦好考一家人的默契，萬一其中一個慢半拍都隨時會向唔到前行。
▲ 同正男佢地一齊盡情跑吧！
挑戰 2 : 大笨象滑梯衝入波波池
小新同大象有著密不可分的關係。呢條 3.5米的趣怪大笨象滑梯上面印有小新同一班好友的圖案，瀡到底仲會衝向波波池等緊你。唔算刺激，不過就好好玩。
▲ 瀡完一定要同外型得意吸晴的大笨象來個合照啊！
挑戰3： 貓爪突襲閃避考反應
過到頭兩關的話，第 3關一定難唔到你。外型可愛的雙葉幼稚園校巴不但係必到影相位，登上巴士之後更係挑戰的開始。要避過「貓爪」突襲之餘，外面更可以控制一些「貓爪」的攻勢，十分有趣。不過我玩的時候，因為貓爪同巴士車身距離非常闊，只要窈窕少少的人，打側身就可以過到，毫無難度。
▲ 無論成績如何，都可以登上頒獎台影相打卡呢！
電影經典手稿曝光
小朋友競技遊戲未必啱你，不過大人都可以去睇下 1樓長廊的星光大道，不但有巨型星星餅盒俾你穿過去 Selfie，仲有係香港首次曝光的電影經典角色設計手稿以及多張漫畫創作過程稿件，好讓大家回味電影中的一幕幕劇情之餘，更可細閱頁頁漫畫的「進化史」。
▲ 蠟筆小新中的蠟筆都有出場架！
▲ 小新就係無論幾時都咁…不過又令人好想啜啖佢。
▲ 穿過星星餅盒就到星光大道，不過李小龍像唔知幾時變咗小新的睡衣 look 呢！
▲ 不理不理左衛門正守著星星餅，唔俾小新偷食。
▲ 地下的屁印都唔可以忽略架！
▲ 當然仲展出咗小新電影經典角色設計手稿啦！
小朋友化身小騎士
小朋友的活力就同小新一樣永遠都用唔完，荃灣廣場天台就打造了室外平衡單車基地，等小朋友由室內玩到室外。
▲ 介乎 80cm – 130cm 的小朋友都可以免費試玩初階體驗賽道，等大家可以一展身手。
▲ 未玩過的小朋友只要即日消費滿 $400或以上仲可以報名參加每堂長達45分鐘的《小騎士訓練學堂》，一嘗於賽道高速滑行的滋味。
小新精品只送不賣
今次商場的精品非常吸引，只可惜只送不賣。幸好，除咗要消費先有的蠟筆小新筆記簿、速乾運動毛巾及折疊式旅行袋外，只要收集齊商場內的印章就可以得到貼紙。 like Facebook 專頁，再於個人 Facebook 上載一張「蠟筆小新Summer Challenge」相片仲可以得到鬼馬趣緻的蠟筆小新造型扇，粉絲們唔係唔拎掛？
▲ 蠟筆小新保持固有搗蛋作風，將印有個人及家族成員樣貌的印章分散係商場不同角落，粉絲當然要花點心思去搜尋集齊 5個印章以作紀念！
▲ 只要「讚好」Facebook 專頁，再於個人Facebook 上載一張「蠟筆小新Summer Challenge」相片，就可以免費換領鬼馬趣緻的蠟筆小新造型扇。
▲ 單一消費滿$200，更可參加創作坊，利用多達40款小印章，製作獨一無二的個人專屬蠟筆小新筆記簿。
▲ 而即日消費滿 $200及指定會員積分，即可換領多款別注版的蠟筆小新禮品，包括速乾運動毛巾及折疊式旅行袋，超級可愛呢！
依莉詩：「既小朋友向，又有童年回憶」
雖然今次的競技關卡都比較小朋友向，不過影相位都搞鬼，充滿童年回憶。另外，手稿唔多，但都好值得欣賞。而我最鍾意就係把小新造型扇，出賣自己 Facebook 就有，好想得到呢！
蠟筆小新Summer Challenge
日期：即日至 8月31日
地點：荃灣廣場1樓中庭
競技遊戲開放時間：星期一至五( 中午12時至晚上8時)、星期六及日 (上午10時30分至晚上8時)
分享到 :
最新影片
