風打完，如果各位 wire 民鍾意追新，今晚都係唔好咁早瞓啦，因為 Samsung 好大機會會在香港時間今晚 11pm 發佈下半年的旗艦手機 GALAXY Note 7。究竟呢部筆觸手機去到第 6 代又有咩特別？而家就等 Edward 總結各大傳聞，為大家估一估啦。
一）首度引入虹膜辨識
現今的智能手機，尤其是旗艦機款，不少都已加入了指紋辨識功能，但指紋辨識之前都有報導指出未必 100% 安全。今次就有傳 Samsung 會繼之前 Fujitsu 的 ARROWS NX F-04G 後，成為全球第 2 部、香港行貨首部採用虹膜辨識的智能手機。究竟是否真的如此？如果屬實，虹膜辨識效果又是否真的比指紋可靠？今晚大家就知道了。
二）超大容量高達 500GB！
近年不少手機都主打增加內置儲存空間，尤其是不能加 microSD 記憶卡的機款，甚至會推出 128GB 甚至 256GB 的版本。據傳聞指今次的 Note 7 不但會提供內置儲存空間達到 256GB 的型號，同時亦可最高支援 256GB microSD 記憶卡作擴充儲存，換言之最多可以擴充手機儲存空間至 500GB，隨時比手提電腦仲要多位放片放相！
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
三）又有兩個 CPU 版本
據消息指，今次 Samsung 發佈的 GALAXY Note 7，與之前推出的 S7 / S7 edge 一樣，也會設有兩個 CPU 版本，其中一個會採用 Qualcomm Snapdragon 820 四核心處理器，而另一版本就會採用 Samsung 自家的 Exynos 處理器。此外，據知今次 Note 7 在機身設計上亦會有兩個版本：一般版及雙曲面熒幕版，情況就與 S7 系列一樣。究竟香港推出時會兩個版本均有提供？還是只發售其中一個版本？就要今晚才知道了。
四）超大 7GB RAM 市場首部
近年的 Android 手機內置愈來愈多 RAM，旗艦機款內置 3GB、4GB RAM 已是等閒事，有些中國或台灣品牌的機款甚至已內置 6GB RAM，幾乎已比電腦的 RAM 更多！今次 Samsung 即將發佈的 GALAXY Note 7，更傳聞會內置 7GB RAM，而且還要是採用 10nm 制程的 LPDDR4 RAM！如果屬實應是全球首部內置 7GB RAM 的智能手機。
五）多 RAM 為雙 OS Boot？其實真相是…
至於為何 Note 7 要內置多達 7GB RAM？之前曾經有傳是為了令手機可以同時內建 Android 及 Chrome OS 兩個作業系統，而且可以做到 dual boot 效果，但這傳聞似乎未必真實。而較接近真相的原因，應該是為了與 Google 即將推出的 Android N OS 以及當中的 Daydream VR 平台有更好的支援度。究竟多 RAM 是否能讓大家在睇 VR 內容時有更真實的現場感？咁就真係要推出後先知道了。
六）延續強勁規格
除了以上規格及功能外，據知今次的 Samsung GALAXY Note 7，仍然會一如既往採用最新規格，包括：內建 2K QHD 雙曲面熒幕、內建擁有 1/1.7 吋 CMOS 感光元件及 F/1.4 大光圈的 1,800 至 2,400 萬像素主鏡頭、預載 Android N 作業系統等，另外一向 Note 最引以為傲的 S-Pen 功能，在今次亦有強化，此外 Samsung 亦會加入全新介面以強化生產力，包括一個名為「Samsung Focus」的介面，功能上會類似 BlackBerry Hub，是一個可以同時接收、傳送電郵以及接收各大社交平台，包括：Facebook、Twitter 等新訊息的合一版面。其他方面，例如：今次 Note 7 會否重新加入可換電池的設計？暫時就未有進一步消息，不過筆者覺得如果內置電池 mAh 數夠大，可以用足一日以上，相信大家都唔會咁強求一定要換得電池掛？
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
七）即發佈快賣街
最後一項就是今次 Samsung 應該會採取與過往的策略一樣，在發佈後短時間內正式推出發售，至於香港會否成為首批推出的國家及地區？售價又會賣幾多錢？同樣今晚大家就會知道了。
記住今晚 11 點一齊直擊
其實以上關於 GALAXY Note 7 的傳聞，究竟有幾多會是事實？筆者自己也說不準。但我覺得如果以上的消息，有 5、6 成是成真的話，筆者覺得已經收貨，尤其是如果真係有虹膜辨識、7GB RAM 呢類新功能，相信 Note 7 真的會讓大家有眼前一亮的感覺。今晚香港時間 11 點就是 Note 7 發佈會舉行的時間，身處香港的 unwire 編輯部會與現已身處美國的編輯天恩，為大家第一手報導 Note 7 的新機發佈及現場試玩直擊，想了解更多有關這部新 Note 的 wire 民，就記得通宵捕住 unwire 睇新料啦！
來源：KnowYourMobile
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
