唔知有無人仲記得今年仲係馬騮年，鬼馬搞笑的 Monchhichi 今次化身各行各業走入 OK 便利店等大家換領。我依莉詩就率先集齊一套 Do Re Mi Fa So La Ti Do 琴鍵，大彈「雞，全部都係雞」。
今次的 DoReMi Monchhichi 音樂琴鍵有 8款，每一款都用一隻粉色系配搭，連埋一齊不但彩虹繽紛，仲可以彈奏簡易曲目，琴音清脆脷落。而重點當然係琴鍵上的 Monchhichi 公仔，頭髮用植絨毛造，毛茸茸超得意。
▲ 每個琴鍵可以自由組合想點排就點排。
▲ 既然係 OK 換，當然唔少得呢隻「至 OK Look」，著住灰色 OK 制服都幾醒神。
▲ 紮孖辮的校園 Look 同 大廚 Look 紮孖辮好可愛架！
▲ 靚太 Look 同 護士妹妹 Look 就好純情。
▲ 佢地隻隻都有前有後，條尾毛茸茸好搞笑架！
▲ 琴鍵上大大隻字寫到明係咩音符，一定唔會搞錯。
▲ 上面的 monchichi 可以拆出嚟做擺設，一物二用。
▲係咪好想儲齊呢？由 8 月 18 日早上 7 時起惠顧每 $20 就可以得到一個 OK Sticker，儲齊 16 個 OK Stickers 就換到一隻啦！ 最好就係唔駛抽，咁就一定換得齊一套啦！