零食迷最愛的除咗薯片，又點少得甘大滋。最近 卡樂 B 專門店 樓上就變成零食物語 Foodfie 煮播室，仲有得 DIY 杯麵同甘大滋！我依莉詩當然急不及待去試整啦！
杯麵配料自己揀
開 OT 時如果有人送一個有自己樣的杯麵，仲唔心都甜晒。呢度就可以即時整一個啦！不但可以打印自己個樣係杯上，仲可以係巨型轉動食物機揀一個自己鍾意的麵餅同係 3款調味料及 9種配料中揀 5款放入杯麵。由內到外都係自己揀，夠晒有心思。最重要的是，只要符合以下 5個條件就可以免費整，係 8月 18日至 31日參與 Foodfie 創意杯裝產品工作坊1次，每日名額得 20個，報名就要快啦！
- 8月生日
- 於2016年8月考獲車牌
- 8月為結婚紀念日
- 於2015至2016年度考獲頭3名 (任何學術成績或比賽)
- Okashi Galleria x Calbee+店購物滿 $300
▲ 巨型轉動食物機入面有多個麵餅，揀啱就可以襟掣轉到廚師手上。好似揸車咁，現在的小朋友玩到無停手呢！
▲ 之後就可以係 3款調味料及 9種配料中，揀 5款自己啱口味的配料。
▲ 我呢 D 食肉獸就梗係揀晒豬、牛、雞肉啦！睇落比平時 D 杯麵豐富好多呢！
▲ 揀好就會封蓋同打上有效日期。但原來日期只得一個月，咁未好快就要食咗佢？
▲ 之後就係整杯的時候，可以上載相片或者即時影相，咁就可以印男神女神的相上去啦！
▲ 打印機印好之後就可以貼係杯麵上面，要小心翼翼咁貼啊！唔係走會走晒樣架啦！
▲ 最後就係用膠密封。
▲ 係咪似模似樣呢？
▲ 包裝本身有幾十個款式可以揀，只要加番自己相入去就得，所以唔駛擔心自己畫唔掂。
耐心搓出巨型甘大滋
現成甘大滋食得多，呢度仲有得由麵糰開始 DIY 巨型甘大滋，無論搓形、裝飾到紙盒設計都一手包辦，絕對係一份既有趣又有心思的禮物。唔好以後甘大滋易整，其實要搓得均勻，仲要條條一樣粗幼好講技巧，隨時比整月餅更難架！
▲ 由於時間關係，每一已經準備好一舊麵糰。
▲ 之後就要分成 8-12 份搓搓搓。
▲ 要度住，唔好搓得太長，唔係就入唔到盒架啦！
▲ 辛辛苦苦搓到手心都痕埋，終於可以放入焗爐。
▲ 入焗爐焗製15-20分鐘後就可以裝飾啦！
▲ 點滿朱古力醬，再加上七彩的朱古力碎，感覺即刻靚仔晒！
▲ 仲可以係上面寫字架！
▲ 最後就放張靚自拍同祝福字句係盒面，再跟著指示將卡紙摺成紙盒就完成啦！
依莉詩食後感：「硬咗啲，不過夠大支！」
現成的甘大滋同杯麵就食得多，自己整真係好有趣，而且係一份既有趣又有心思的禮物。特別係整咁大支嘅甘大滋真係好好玩，由搓形、裝飾到紙盒設計都一手包辦，但原來甘大滋一 D 都唔易整，要搓得均勻，仲要條條一樣粗幼好講技巧。如果太粗又會硬，太幼又會斷，仲難過整曲奇、月餅。
零食物語 Foodfie煮播室
地址：香港灣仔皇后大道東200號利東街地下G14-15號1樓 (合和中心對面)
營業時間： 11:00am – 8:30pm (星期一至日)
查詢：2797 9967
創意杯裝產品工作坊收費： $98
創意烘焙產品工作坊收費：$235/1位成人、$335/1位成人及一位小童 (額外每位小童需附加$50)
分享到 :
最新影片
