港女科技一週:29 億人都震驚了!媒體都該這麼做!

讚好此文:

十月 6, 2016 •數碼港女週記, 獨立評論

唔知大家點睇個標題呢?係咪想話港女係標題黨,喺度呃 click rate 呢?少年你太年輕了!港女從來都唔係啲咁嘅人,我點會欺騙親愛的讀者呢?況且 click rate 已經唔入流了,而家係睇 Engagement 同 Unique page views 㗎嘛!

cover

話說港女上星期六參加咗個活動有 CapTV 仝人出席(心心眼),請來猛人 Ken Chow (曾任職 9Gag)教大家製作「至爆內容」。港女當然唔執輸,即刻報名參加。果然不失所望,當日港女 Get 到 3 大重點同大家 share 下。

其實都講咗一段時間㗎喇,而家做媒體,唔單止係製作內容--搵啲人去寫嘢、影相、拍片咁簡單,媒體公司最需要花錢嘅部分應該係「數據分析」。當日嘅活動就簡單咁講咗幾個做數據分析的方法。

1、有咁細拆咁細

大家千祈唔好以為出一個 Facebook post 係一件好簡單嘅事,打幾粒字就得。要吸引到人 Click 入去睇詳細內容其實有好多嘢要做,而呢啲亦係做數據分析的地方。就以下面一個 UNWIRE.HK 的 post 做例子:

screen-shot-2016-10-05-at-8-45-50-pm

淨係紅色框入面的標題已經有好多嘢可以拆出嚟研究:
-放時間入去係咪多啲人睇/時間要放標題嘅咩位/幾多分鐘先最吸引到人 Click 入去…
-「特點」呢個字好啲定係「賣點」好啲定係「功能」好啲…
-使唔使提個品牌名稱呢?
-標題有冇動詞好呢?(可以變成 Google Pixel 10 大特點㗎喎)
-問題好定陳述好呢?
(仲有 Caption、同撮要呢,問題 List 下刪 1000 個…)

淨係一條題咋!要拆嘅話可以話係沒完沒了。拆嚟做咩呢?就係要睇下讀者的反應,睇下讀者對咩字眼敏感,並轉化為行動,Click 入去睇、Share 出去、留言等。

當有咗呢啲數據之後,下次做同類型的內容,就有得參考喇。

2、A/B Test

之但係,你點知你下嘅判斷啱唔啱呢?而家就係做實驗嘅時候!

係文章內容無變的情況下,如果以不同的 標題/大相/Caption… 推出去,邊個包裝形式係最好呢?如果你係大媒體,有好多唔同嘅專頁,你可以用唔同嘅形式發放出去,試下反應;又或者同一個內容出兩次,睇下邊個反應好啲,咁就驗證到你喺數據分析入面得到的假設。

不過,通常呢啲實驗唔係做一兩次就得,要做多幾次先驗證到。但當你成功左,其實係一勞永逸㗎喇。

3、Repeat

如果大家係讀理科,或者大學的時候讀過下 Research(港女嗰陣係必修㗎),其實上面講嘅嘢大家上堂一定學過。只係你有冇恆心個個 Post 都咁樣做,又要記錄低結果,又要分析,又要修正… 不停重覆又重覆,直至搵到一 set 屬於你個媒體嘅規律,再跟住做,咁你就離成功不遠矣。

由於篇幅及形式所限,港女係簡化咗部分內容。如有興趣知道更多,不妨自己搞一個媒體試下,咁你就明㗎喇(大笑)。

 • 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/

Tags: , , , ,

讚好此文:


Comments are closed.

unwire TV



更多同類文章:

最新文章