無論大人細路對於波波池都總有一份情意結，唔知會發光嘅波波池大家又會唔會鍾意呢？今個星期就介紹 3個無論一家大細定情侶拍拖都啱玩嘅活動，過一個歡樂嘅假日吧！
最近和富薈裝修後重新啟動，並由「光影銀河匯」嘉年華派對打響頭炮。當中更有發光波波池同巨型幻光星球俾大家邊玩邊打卡。另外，仲有超過70個特色手作禮品、創意美食等檔攤 及 親子手作坊、攤位遊戲、音樂表演，絕對係一家大細及情侶拍拖嘅假日好去處！
日期：2016年 10月8 ‑ 23日 (逄星期六及日) 中午 至 下午8時
地點：和富薈 》香港北角和富道21-53號
收費：$30 /30 分鐘/ 位
預購 (可現場購票)：https://goo.gl/forms/fYYAWixaIiusZFjm1
秋祭係日本一個非常重要嘅慶典，今年緣日秋祭以香港日本領事館「日本秋祭 in 香港 –魅力再發現」官方認可活動身份歸來。在香港居住嘅日本人會總動員將日本魅力係香港展現，帶來各款九州合時水果和果汁如和熊本梨和太秋柿，仲有人氣Icon ”Kumamon” (熊本熊) 現身同大家見面。日木神社嘅職員舉行傳統請神儀式(入魂式) ，大家可以著住浴衣一齊參加祭典啊！
日期：2016年10月14日 (下午4時 ‑ 9時)、2016年10月15日 ‑ 16日 (下午2時 ‑ 9時)
地點：元創方 》香港中環鴨巴甸街35號
美食又點止日本名物咁少，尖沙咀美麗華商場就舉辦了以玩樂馬戲團作主題嘅大型美食嘉年華Mira Discovery Carnival，當中列陣多個中西品牌，結集各國美食，大家可以免費品嚐手工啤酒－麥子啤酒、棉花糖及爆谷等，更有多項體驗活動包括西班牙手拉糖果工作坊、Diverxu 西班牙風乾火腿 Food Pairing等，營造輕鬆玩樂氣氛，記得帶同朋友同家人發掘新鮮美食啦！
日期：2016年10月7日 ‑ 11月6日 (中午 ‑ 下午9時)
地點：美麗華商場 中庭 》香港尖沙咀彌敦道132號
資料來源：Timable