呢個聖誕又點可以俾Marvel嘅奇異博士威晒架？DC果邊嘅蝙蝠俠就帶領嘅正義聯盟就化身豆腐人，到馬鞍山同大家大玩 VR Game，遊戲與影相位兼備。我依莉詩今日就率先去玩啦！
正義聯盟成員現身香港地標
由蝙蝠俠帶領嘅 6位正義聯盟成員包括超人、神奇女俠、閃電俠、綠燈俠及水行俠，以豆腐人嘅造型抵達新港城中心。佈置以美式 Pop Art 風格打造成充滿香港地道特色的英雄基地，更有過百正義聯盟高方形燈箱堆砌 16呎嘅炫目閃亮聖誕樹，為聖誕帶來五光十色嘅氣氛。
▲ 蝙蝠俠駕駛佢嘅型格戰車飛馳彌敦道，車內仲有賽車遊戲可以玩添！
▲ 水行俠就駕駛著渡海小輪同大家齊齊出動維持維港秩序，小輪仲有體感遊戲玩架！
▲ 擁有神奇力量嘅閃電俠現身青嶼幹線維持交通治安，架迷你的士超可愛啊！
▲ 主宰光影燈效嘅綠燈俠就係潮流蒲點 — 蘭桂坊擔當交通警一職，讓大家暢飲慶祝聖誕！
▲ 而聯盟中唯一女將 — 神奇女俠現身皇后大道，仲唔快啲唱返句「天荒地老 流連在摩天輪」。
▲ 過百正義聯盟高方形燈箱堆砌 16呎炫目閃亮聖誕樹，過一個另類聖誕。
5大遊戲區鬥智鬥力
要吸引人消費，商場又點止得佈置。英雄基地仲有5大主題互動遊戲，同各位英雄一齊拯救香港。只要係場內消費滿 $600或於商場 Facebook 專頁參加遊戲，就可以換領「玩轉『超萌』聖誕」超級通行證。戴上 VR 眼罩就會化身成超人，係尖沙咀擊退外星人。揮揮手就可以好似水行俠咁幫小輪填補漏水位，避免沈船危機。更可以坐上蝙蝠車飛馳，同壞人鬥快鬥力。只要成功完成其中三個攤位遊戲，仲有機會得到別注版「玩轉『超萌』聖誕」主題禮品一份，包括至「正」超「萌」旅行證件套、「超」級無敵行李牌以及「超」多用途小袋，實行普天同慶聖誕佳節！另外，場內亦設計了 AR 尋寶遊戲 “Invisible Hero”，大家可以隨時與各大英雄見面及贏取限量版禮品，齊齊歡度聖誕！
▲ 只要戴上 VR 眼鏡就可以變身超人，係尖沙咀與一眾破壞者一決高下。決鬥同時，可俯瞰著名景點如尖沙咀鐘樓、文化中心、大空館等建築物，欣賞香港迷人夜景。
▲ 揮揮手就可以好似水行俠咁幫小輪填補漏水位，避免沈船危機。
▲ 鍾情速度快感嘅你就要跳上蝙蝠車，於香港繁華嘅街道上風馳電掣，體驗英雄眼中不一樣嘅香港。
聯乘系列精品獨家買
豆腐人同正義聯盟都咁受歡迎，依家 crossover 一齊，粉絲梗係要買啦！今次期間限定店嘅聯乘系列精品都係獨家發售。雖然我依莉詩今日去到就未開，不過相信會係好吸引嘅。
▲ 豆腐人 x 正義聯盟嘅襪夠晒得意，女仔都會鍾意啦！
▲ 行李牌萌得嚟又有型，帶住去旅行就充滿力量啦！
依莉詩點評
今次豆腐人 x 正義聯盟萌得嚟又有型，不論男女都會受落。除咗影相位仲有遊戲玩係不嘅體驗，不過就少咗啲聖誕氣氛。而限定店聯乘系列精品都係獨家發售。雖然我依莉詩今日去到就未開不過相信會係好吸引。但因為新港城裝修緊，天幕廣場四圍都圍晒板，所以都會經多人經過影相位，而且空氣質素亦不太好，所以去之前要諗諗啊！
聖誕氣氛 ★★☆☆☆
必影指數 ★★☆☆☆
必買指數 ★★★★☆
Justice League x To-Fu Oyako 玩轉「超萌」聖誕
日期：2016年 11月 9日 至 2017年 1月 2日 (10:00am-10:00pm)
地點：馬鞍山新港城中心 L2 天幕廣場 (港鐵馬鞍山站)
相關影片:
分享到 :
最新影片
