《三國志 13 威力加強版》今日正式推出，今次亦同時推出特典版 box set，而且售價不菲，達到 $880！究竟入面有咩令到此版本比一般在 Steam 的版本貴一倍？而家就等 Edward 同大家開箱睇睇啦！
▲盒面寫住《三國志 13 威力加強版》Treasure Box，即是特典版，終於到手了！感動！
▲盒背全日文？大家不用擔心，遊戲內與本傳一樣是有正體中文介面的。
▲一開盒就見到左邊有一盒嘢，右邊就一堆碟。而家逐樣同大家睇啦。
▲左邊個小盒子正是特典版的其中一個精髓：玻璃紙鎮，透光出去見到印著三國志 13 包裝盒的封面，十分漂亮呢，fans 必買！
▲而右邊的一疊碟，逐隻同大家睇啦！首先放面的 Blu-ray 碟，就是三國志系列 30 週年的管弦樂團演奏會，正！
▲再下面見到有兩隻雙 CD，上圖左邊的就是三國志 13 的遊戲 soundtrack，而右邊就是 30 週年的管弦樂團演奏會的 CD。
▲再來的就是遊戲本身的 CD 了，不過如果大家安裝在沒有 CD 機的電腦，只需要輸入說明書內的 Steam Code 就可以了。
▲再次展示一次特典版內的東西，大家可見還有 3 個額外劇情的 Steam 換領 Code，以及 KOEI 在推出三國志系列前推出的第一隻戰略遊戲：川中島合戰的換領 code，超懷舊哦！
以上就是《三國志 13 威力加強版》特典版包裝盒內的所有東西了，至於遊戲好唔好玩？大家不如等筆者玩一陣先，聽朝同大家分享一下初步試玩的感受啦，各位三國志支持者的 wire 民就請期待啦。
售價：$880
