相關影片 :
兜兜轉轉，政府終於宣布酒吧等場所停業，無得去酒吧飲野，又留在家中悶悶地嘅你，可以考慮下參加Razer係新加坡推出Cloud Clubbing解下悶。除左有出名DJ捽碟，仲會有人跳舞，抄熱個氣氛。但會唔會得我自己對住個Mon玩，其實無人同我一齊玩緊先？
雷蛇投資者關係總監羅啟琳接受Unwire.hk時表示，第一日舉行活動都幾有趣的，反應亦幾好，當晚大約有8萬個觀看，高峰期是9時至10時，看到參與人士很踴躍發送Sticker，觀眾看到DJ的音樂很岩feel，他們會透過Razer Gold PIN的課金平台打賞。羅啟琳認為，雖然疫情會影響大家心情，但長遠來說可能形成「宅經濟」，例如今次的Cloud Clubbing已經是新消費行為，她覺得可能渡過疫情之後，隨時以後Clubbing不再局限於需要有實際地點才可以參與，而未來可能有數碼元素，開始創造新創意及新商業模式。
羅啟琳認為今次疫情令更多人留在家中打機，參加cloud clubbing及觀看網上電競直播，去年Razer課金平台佔集團總收入一成，她預料未來公司發展趨頭向好。不過，對於參加者來說，Cloud Clubbing 的體驗與親身參與的氣氛又真係好唔同，但既然大家都係要留係屋企嫁啦，又會唔會想試下呢種新Clubbing模式，黎個happy Friday呢？
可對應大小尺寸手機平板 Razer Kishi Ultra 手掣配件發表