最近有網民在 Threads 分享婆婆職位摺櫈用 ATM 的照片，形容場面「好似喺機舖打緊街機咁」，帖文引發網民激烈爭論。部分網民批評拍攝者取笑長者行動不便，另一方則認為照片展現溫馨可愛畫面，雙方爭論令討論區出現罵戰。
照片中婆婆坐在摺櫈上操作櫃員機，身旁放置購物車。網民在帖文表示：「覺得呢個姐姐好 fun，ATM 撳錢撳到好似喺機舖打緊街機咁，差少少想放低 1 蚊跟機」。帖文發布後立即引來兩極反應。批評一方認為港男拍照動機不當，有網民留言「幼稚，攞埋啲傷健人士嚟講笑」、「老人家好多都膝頭老化，肌力不足，自己帶埋凳坐下又有乜好笑」。有網民更嚴厲指責「大驚小怪，人哋婆婆行動唔方便，坐住撳機有咩問題，咁都要公審人？」
支持網民的評論則認為照片並無惡意，留言「完全唔覺樓主係取笑緊婆婆，只係覺得個畫面好可愛」、「我覺得姐姐好有趣好得意喎，唔明點解有啲人咁敏感」。有網民開玩笑說「似蒲開冒險樂園」、「好似歡樂天地推銀仔，架車用嚟裝飛仔」。
網民對婆婆需要坐椅的原因表示理解，「老人家唔係個個都企得定，佢嗰個拐杖咁嘅設計，佢都係善用呢個設計幫助自己」、「好多老人家對腳唔夠力，真係邊行邊坐，你老啲就明白」。有網民感慨「我諗有啲嘢真係到你老咗或者受傷先會明，撳機嗰幾分鐘都要坐，都唔係佢想」。
討論逐漸發展出創意元素。有網民用 AI 改圖，將櫃員機位置改造成大型電玩場，婆婆彷彿在玩街機遊戲，改圖效果逼真引來網民讚歎「果然高手在民間！師兄創意一流，好嘢！」、「冇違和感，覺得個畫面輕鬆地 make his day 啦」。
▲ @royroyyyyy 製作
▲ @chinpoko 製作
來源：Threads
分享到 :
最新影片
