疑似公屋單位的窗口式冷氣機「調轉裝」，出風口對向室外而非室內，照片在社交平台瘋傳後網民爆笑留言。網民調侃住戶「為世界降溫」、「益街坊」，更有人猜測冷氣機已報廢，戶主只是廢物利用封住窗口。事件在天文台發出酷熱天氣警告期間曝光，安裝方式令人匪夷所思。
樓主在 Threads 以「屋主間屋一開冷氣，就直達第 16 層火山地獄。定係一個美麗誤會」為題發帖，照片顯示疑似公屋單位外牆，窗外正晾曬被鋪，表面看似平平無奇。起初有網民未察覺異樣，留言「其實唔係好明咩事」，但仔細觀察後隨即爆笑留言「哦，調轉咗嚟裝，真係考我啲眼力」。
照片中的冷氣機竟然被倒轉安裝，出風口對向室外，換言之是將排出的熱氣吹至屋內。由於現今正值夏季，天文台甚至發出酷熱天氣警告，如此安裝冷氣機的方式十分詭異，網民紛紛留言「笑咗，咩玩法？」、「體虛，畏寒？」。
照片掀起網民熱議，留言「一機兩用」、「冬天掉轉變暖氣機」、「呢張相係冬天影嘅，到咗夏天就會掉返轉」、「似乎係 1 機 3 用，又係冷氣機，又係暖風機，又係乾衣機」。更有網民調侃住戶具大愛精神，「為世界降溫，大愛」、「益街坊」、「阿仔喺樓下公園玩好熱㗎！」。
不過有人留意到冷氣機似是已經報廢，相信戶主只是廢物利用，「睇清楚啲，部機得個殼」、「啲掣都無晒」、「我估純粹封住個口，唔使俾風入」、「可能部機壞咗唔想換，又唔想買過塊玻璃，咪用部舊冷氣塞住個窿先」。但就疑惑「冷氣機只有外殼，但下雨會否入水？」。
部分網民以理性角度理解照片，「可能洗緊冷氣機」、「洗完機，師傅仔裝錯咗」。更有網民搞笑形容住戶「好大愛」，留言「減慢地球暖化」、「四字成語：捨己為人」、「佢想減慢全球暖化啫」、「條街熱過屋企、大愛服務市民」、「怕街坊太熱，幫手吹啲冷氣俾大家」。
來源：Threads
▲👆 FB 熱烈討論中🔥| (70 則留言)▲
