暑假又嚟啦！大部份既暑假活動都出得七七八八，就同大家嚟個概覽啦！首先我依莉詩就篩選出 9大暑假必去濕身地，有汗水先叫青春嘛！

1) One Piece 嘉年華

今個夏日最刺激的活動一定唔少得《One Piece Summer Carnival》。《One Piece》中的「前進號」、「烈陽號」暫時駛離「偉大航道」，停泊在香港島中環海濱區。當中更有以 4個主角形象跟配色設計的戶外障礙賽遊戲及 3條滑水梯，款款刺激，真係細膽 D 都唔敢玩。出發前記得睇咗我既攻略先啊！

依莉詩：「膽細 D 都唔敢跳！」－《One Piece 海賊王》嘉年華 7大快玩攻略

日期：2016年 7月8日至 8月6日
地點：中環海濱

2) 荔園 Super Summer 2016

今年荔園移師亞博舉行，而且唔再玩懷舊，當中大部份遊戲都係設計俾小朋友玩，可以話係一家大細的親子活動。不過室外的 XRace 高卡車就係另一番味道，想揸大膽車的朋友不妨去享受下極速的滋味。考慮出發前睇咗我對荔園的評價先啊！

依莉詩：「比上年更少嘢玩！」數盡荔園 2016 十大之最

日期：2016年 7月 15日 至 8月7日

地點：亞洲國際博覽館戶外的貨車調度區以及室內的 8 號及 10 號展館

3) 愉景灣繽紛盛夏

炎炎夏日，當然要相約三五知己奔向陽光與海灘，而今年愉景北商場就擺放搶眼奪目的七彩互動藝術裝置，化身成色彩互動樂園。另一邊廂更擺放了長 75米，闊 15米的巨型沙灘充氣迷宮。過萬尺的迷宮不設任何消費要求、免費任玩。穿梭 3種不同高度的障礙物，途中更有多個高台射水區，包你越玩越刺激！

日期：2016年 7月23日 至 8月28日 (逢星期四至日)

地點：愉景灣大白灣沙灘

4) Slide The City Hong Kong 香港站 2016

今年 Slide The City 有 3大改動，不但移師至核心地標中環海濱活動空間，更增設 10 米高台承托起城市滑水梯，更高更斜更好瀡，相信會更好玩。而門票就改以時段劃分，詳情可以睇番以下文章。

Slide The City 再次登陸！轉址中環更方便！ 活動預告+早鳥收費公開

日期： 2016年8月24日 至8月29日

地點： 中環海濱活動空間

5) 海洋公園夏水禮

今年夏水禮其實同上年差唔多，只係將 Line Friends 換成海綿寶寶，設施上由滑水梯同水韆鞦改成激光迷陣同肥皂泡工場。暑假打算約班 Friend 入海洋公園的話，都不失為一個好節目。想知實祭好無玩就睇番我的文章啦！

海洋公園夏水禮！ 依莉詩玩轉 6大遊戲濕身迎夏日

日期：2016年 7月1日 至 8月28日
地點：海洋公園

 

6) RUNNING M&M’S 主題挑戰場

唔想同陽光玩遊戲可以去商場玩下競技。逢星期一至五「RUNNING M&M’S全能挑戰」設有多個刺激好玩之項目，如競跑、平衡木、石春路及攀石牆等，自認充滿運動細胞的大家可施展渾身解數過關贏比賽。而星期六日就有「RUNNINGM&M’S全能挑戰場」，透過劍擊及射擊遊戲鍛鍊身手及眼界。玩之前記得做足熱身啊！

8) 手工編織遊樂場「Harmonic Motion」

小朋友的電力仲多過比卡超，一個彈床點滿足到佢地。呢個大型手工編織遊樂場有得崩崩跳之餘，仲係一個可以重新發掘玩樂的意義和價值，感受美麗人生，展現「Life is Beautiful」精神的藝術品。呢個充滿色彩的手工編織遊樂場相當龐大，由堀內紀子一針一線，以柔軟而富彈性的紡織物料經數以月計時間織成，心靈手巧，結合視覺和觸覺的感官享受。

日期：2016年 7月1日 至  9月12日

地點：ifc mall  (香港中環金融街8號 )

9)《80步遊世界》虛擬實境遊戲

如果呢個暑假未夠彈藥去旅行，可以去 PopCorn 試玩「天行者」及「深海潛行」VR遊戲，展開倫敦 250米高空或於澳洲大堡礁海底的冒險之旅。遊戲需要簡單，不過都係一個免費的體驗。有興趣可以先睇睇本地資深遊戲開發商淘滿慈的訪問。

由開發《叮噹大富翁》到今日 20 年 ！ 淘滿慈 ：「《Pokemon Go》 幫到我，但香港開發 VR 遊戲有難度」