日本熊本縣近日的大地震除了有人命傷亡之外，對於經濟產業的影響也不少。當地有不少的電子零件生產線就需要停產整理，相信短期內對出貨量會有影響。
(閱讀全文…)
Apple 為倫敦設計博物館製作特別版 iPad Pro 籌款
Apple 平常很少推出特別版的產品，不過如果推出大多都是為了慈善籌款用途。最近他們再次推出了特別版的 iPad Pro，為倫敦設計博物館的籌款活動而設。
(閱讀全文…)
落井下石？Windows Phone 版 Instagram Beta 被下架
除了 Blackberry，Windows Phone 也經常面臨 App 選擇不足的問題，最近 Instagram 的官方 App 就從 Windows Phone Store 下架，意味着唯一的官方 App 已經消失。
(閱讀全文…)
Apple 在回收產品提取總值 4000 萬美元黃金
電子產品裏面含有的金屬有很多，其中貴重的黃金也是必備的生產素材，回收後的產品當然也可以提取這些黃金。Apple 去年透過回收的產品，總共提取了價值 4000 萬美元的黃金，回歸公司庫房。
(閱讀全文…)
期間限定！Google 美國開餐廳宣傳翻譯服務
Google 的電子業務發展不錯，間中更有些跨界別的計劃。最近他們就在美國開設了期間限定的餐廳，宣傳他們的翻譯服務，標榜菜單上難明的菜式也可以順利翻譯。
(閱讀全文…)
DJI 航拍機將支援 Facebook Live 直播
Facebook 日前在 F8 開發者大會上宣佈將會推出 Live API，讓裝置生產商可以使用，令任何裝置都可以擁有在 Facebook 進行直播的能力。大會上 Facebook CEO Mark Zuckerberg 展示了利用 DJI Phantom 航拍機進行現場直播，及後 DJI 亦在官方 Facebook 確認新功能快將推出。
高手植入 Flappy Bird 電子煙螢幕有機打
曾經在手機遊戲界紅極一時的《Flappy Bird》令人非常上癮，很多人一開始上手又欲罷不能，不捨得放手。這令人沉迷的遊戲吸引全球不少玩家，就連 Google 亦順手沾來當作 Android 的神秘彩蛋。為了在任何時候都玩得到，程式員曾經將《Flappy Bird》移植至 Apple Watch。
女生向 PS4 手掣保護套 可愛貓咪肉球全接觸
很多人對於貓咪手掌的肉球愛不釋手，女生們對肉球更是沒有抵抗能力。如果能夠常常都和肉球零距離，你話幾令人興奮呢！日本遊戲機配件生產商 Cyber Gadget 最近推出了一款貓咪肉球 PS4 手掣保護套，只要為 DualShock 4 的按鈕套上，要女友乖乖陪你打機其實唔難。
Apple 評估用家平均用 iPhone 3 年才換機
對不少香港人來說，換電話可說是平常事，不少人每年都換機甚至一年換幾部。不過其實在其他地方情況不一樣。Apple 最近的一個官方文章中，就提到 iPhone 用家通常用 3 年就換機。
(閱讀全文…)
卷軸設計 LG Rolly 2 鍵盤第二代發表
去年 9 月 LG 發表了卷軸形設計的 Rolly 藍牙鍵盤。事隔半年，日前 LG 在韓國發表了第二代 Rolly 2，外形繼續維持卷軸形設計，LG 表示第二代著重功能和實用性，最大分別是加入第五排的數字和功能按鍵，雖然比不上一般筆電鍵盤，但以便攜性和實用作考慮，已經夠用有餘。
又一大型網站被 Ban！Medium 列入中國禁網清單
中國的禁網清單水蛇春咁長，不少外國的新聞媒體都無法在中國境內瀏覽。最近頗受歡迎的 Medium 也終於被中國封鎖，無法正常從中國瀏覽。
(閱讀全文…)
64bit 版本 Windows 10 Mobile 即將登場，支援現有裝置
自從 iPhone 5S 面世以來，64bit 的手機系統就逐漸變成標準，在 Windows Phone 方面雖然最新的 Snapdragon 處理器支援 64bit 系統，但 Microsoft 一直沒有為手機系統更新。
(閱讀全文…)
藝術週末：本土大地藝術 重新審視社區土地和環境議題
由麥詠詩策展，聯同五個不同創作單位所舉辦的《見地：尋找香港的大地藝術》即將於 4 月 16 日正式開幕。今次展覽中展出的五個項目指向香港曾經或正在面對的環境主題，包括後工業土地發展、閑置鄉村土地的想像、城市農耕的實踐、海岸線的變遷和對外地自然資源的倚賴。
電音女團？Twins 演唱會官方 tune 聲離哂譜
無論你喜不喜歡，Twins 可說是香港的經典組合，去年底她們的 #LOL 演唱會當然也有大批 Fans 撐場。最近英皇方面終於推出 DVD 和演唱會專輯，並在 YouTube 公開片段，不過一開聲就嚇死人。
(閱讀全文…)
專業認證！HTC 10 獲 DxOMark 評爲最佳手機相機
今年大廠旗艦機之中差不多最遲出現的 HTC 10 公佈之後，其全新的 UltraPixel 相機的質素，都令不少人非常好奇。最近 DxOMark 就公佈了 HTC 10 的相機評分，位列榜首，相信其影像質素不會令人失望。
(閱讀全文…)
地縛喵出沒！日本直送《妖怪手錶》精品大晒冷
就算《妖怪手錶》係香港都播咗差唔多成年，地縛喵係小朋友界依然大熱。為答謝粉絲的支持，地縛喵決定帶同過百款日本直送的《妖怪手錶》精品，親身嚟到 MOKO 新世紀廣場同粉絲見面。今日我依莉詩就去咗同佢一齊跳妖怪操！
精品小朋友用品具多
其實《妖怪手錶》限定 POP-UP STORE 上年 5月係 NAMCO 都搞過，當時未必個個都知地縛喵係乜，但已經吸引了唔少粉絲。而今次的限定店位於 L3樓層，店面面積比上次細，不過都有過百款日本直送的精品，包括多款妖怪公仔、文具精品，以及床上用品，而當中大部份都針對小朋友設計，鍾意地縛喵的少女們就未必揀得啱了。
▲ 店面面積比上次細，不過都有過百款日本直送的精品售賣。
▲ 當中不乏床單、被袋，等小朋友進入《妖怪手錶》的世界。
▲ 聽講呢個書包係最新的款式，孭番學一定好威威。
▲ 呢套文具套裝今次特價發售，只係 $98 咋。買定做開學文具吧！
▲ 碗同杯都有特價，分別只需 $69 同 $39，機會難得。
▲ 另外仲有威斯帕大毛毛公仔同多個角色的公仔賣啊！
▲ 呵呵！我用咗半個鐘終於砌好地縛喵立體砌圖，原來一 D 都唔易砌架！
妖怪手錶迷你影相區
平時商場影相位都會係中庭，不過今次個影相位就係 L4 樓層，而且非常細，只有一隻迷你的立體地縛喵，而哥瑪先生、哥瑪次郎都係紙板，吸引力不算高。唯一可取的就是粉絲見面會唔需要係商場消費，只要係 4月10日、17日、24日及 5月1日 (逢星期日) 到呢度排隊就可以同地縛喵影相。
▲ 中間的地縛喵非常細粒。
▲旁邊的哥瑪次郎都是紙板。
▲ 如果哥瑪先生係立體應該好受歡迎。
依莉詩：「蚊型 Pop-up 吸小粉絲」
復活節同暑假中間來本都唔期望有咩大型展覽，今次呢個《妖怪手錶》展覽亦可以用蚊型來形容，只有迷你 Pop-up Store 同 迷你影相位，唯一可取就係無需消費都可以同地縛喵合照，相信都可以滿足到小粉絲嘅。
MOKO-妖怪手錶 不可思議大作戰
日期：即日起至 2016年5月2日 (中午12至下午10時)
地點：L3樓層及L4樓層
男女都啱用 IKEA 發表 Unisex 無鏈條單車
提起 IKEA 讀者們可能會馬上想到組裝式傢俬，甚至是瑞典肉丸，原來這間瑞典傢具連鎖店還會推出單車。日前 IKEA 發表了一部男女都合用的 Unisex 款單車 SLADDA，這部單車的最大賣點是 12 歲以上的男女老少都可以能夠輕鬆使用，因為用上簡單易打理的無鏈條設計。
一路向北：Smombies
一位朋友在復活節長假期去了北歐自由行，跟筆者提起一個有趣的現象，她說瑞典人好像很喜歡玩電話，無論在街上還是交通工具都見到很多低頭族，感覺和香港的旺角、銅鑼灣十分相似。筆者亦非常認同，幾年前瑞典人會在巴士電車看書睇報紙，現在則玩 Facebook、SnapChat，或者上網睇新聞；難怪朋友覺得斯德哥爾摩地鐵和香港地鐵的景象相似。
【unwire TV】掃一掃毛孔即現形 迷你scanner瘋狂試
紙就scan得多！魚你scan過未呢？
今次水哥就試試佢，仲搵左依莉詩額頭玩XP
PS:我地無玩食物咖，之後有煮番黎食
詳細內容﹕http://unwire.hk/2016/04/15/pocket-scan-crazy-test/life-tech/
【慎入】水哥喪玩 Pocket Scan 出賣同事！笑到反肚
早前依莉詩借咗部 PocketScan 迷你掃瞄器返嚟，趁住部機未還，我就立即用嚟玩下喇。到底呢部係咪美容產品呢？原來唔係！
呢部機其實係一部流動 Scanner 嚟嘅，使用方法好簡單，只需要以手機用藍牙連接 Scanner ，一按佢上面個掣︳佢就識得自己掃描，你可以好似髹漆咁，係你要 Scan 嘅平面上不斷髹，咁佢就會將圖像掃瞄入你手機果度，事後幫你自動校正返個位置，其實個功能都係好方便嘅，唔怪得 KickStarter 咁快就集到資啦！
▲ Pocket Scan 嘅正面同埋底部，佢底部個掃瞄器同平日所見嘅差唔多。
平面 Scan 嘢的確方便
首先，睇下佢 Scan 平面嘅功能先啦！我哋試咗幾樣功能，首先我哋試咗一啲平面嘅嘢先：
▲ 可以見到 Scan 平面嘢係比較準確，而且佢可以幫你用 OCR 處理返啲文字，變成可以係電腦/手機編輯。
▲ 咁中文又點？中文都 Scan 到嘅，不過係 OCR 無咁準確…
▲ 即使係好大本嘅畫冊，都掃瞄到，我估佢可以 Scan 到差不多 F4 Size 嘅紙張。
瘋狂出賣同事實錄
正經嘅嘢試完，我哋試第二啲。第一時間試下依莉詩個額頭先，佢話驚見到晒啲毛孔好核突：
▲ 左同右嘅對比：完全睇唔到毛孔，因為佢啲頭髮遮住晒。同埋，佢額頭太細根本就唔夠面積俾佢 Scan…
之後我哋 Scan 條魚，因為見到依莉詩就嚟煮飯，枱面擺咗條魚：
▲Scan 完出嚟，似係小小成功，睇到佢個形狀，但都係「岩岩蠶蠶」咁，因為條魚算係個面積大小小，又比較平。
Scan 完條魚，Scan 返啲正常啲嘅嘢，小編天恩話想試下 Scan 掌紋睇相，我哋就成全佢：
▲其實佢係 Scan 得幾清晰的，不過係因為唔夠大俾佢郁，所以唔能夠完整 Scan 入去。下次睇掌可以唔使面談了，直接 Scan 咗個掌紋佢俾玲玲師傅喇！
出賣完同事，最尾都逃唔過「被出賣」嘅命運：我要 Scan 自己塊面…
![UNWIRE.HK - 【Unwire點滴】出賣同事實錄 水哥瘋狂試驗迷你scanner.mp4_snapshot_29.46_[2016.04.14_18.51.56]](http://unwire.hk/wp-content/uploads/2016/04/UNWIRE.HK-【Unwire點滴】出賣同事實錄-水哥瘋狂試驗迷你scanner.mp4_snapshot_29.46_2016.04.14_18.51.56.jpg)
▲ 哇…好核突呀啲毛孔呀鬚根呀出晒嚟，正面啲睇，佢嘅解析力都唔差，負面啲睇，佢唔能夠還原返做一個立體咁上下的樣子出嚟
水哥後感：掃立體嘢就唔好喇！
雖然話，佢係一個 Portable 嘅 Scanner ，但係始終受限於佢嘅物理性質，佢始終都係做唔到立體掃瞄咁嘅效果。對商務人士嚟講，的確係方便咗，市面有好多唔同嘅手機 App，但係 OCR 功能都未必做到好多語言，呢隻都令我有少少失望，就係佢中文方面嘅 OCR 做唔到，希望佢遲啲改進到就好喇！
直播重溫
佢家下係手機又變咗做充電器！Huawei Y6 Pro 速測
今時今日不少香港人買手機都幾兩極化，一係就買較貴價的旗艦機款，一係就買一千蚊左右的平價入門機款，但有些用家就會擔心買得入門機電可能唔用得好耐，隨時唔夠一日就要差電。Huawei P9 就未有得試住，之前他們出了一部千零蚊的平價機款 Y6 Pro，內建 4,000mAh 特大電池，直頭幫其他人的手機差電都仲得，堅係勁！
