8/12 今日新聞精選
Hello Kitty空降昂坪！依莉詩率先試
http://unwire.hk/2015/12/08/hello-kitty-360/hottopic/
完美打字手感! 點買Keyboard好要緊！
http://unwire.hk/2015/12/07/5_tips_buy_mechanical_kb/headline/
Lightroom 終於免費！Android用家DOW咗未
http://unwire.hk/2015/12/08/lightroom-is-now-entirely-free-on-android/software/
由於工人薪金相對上較為便宜，為降低生產成本，所以過去幾十年不少廠商往往都會選擇在中國設立廠房生產產品。不過隨著中國經濟急速發展，現時當地的勞動成本正不斷攀升，再加上生產效率及其他外在因素，目前生產成本方面中國其實已經直逼日本，所以如今不少日本企業已開始陸續將生產線撤離中國。 (閱讀全文…)
目前各款流動裝置所採用的系統，基本上絕大部份都來自 Android 及 iOS，兩者加起來的佔有率就超過 9 成。雖然預計今後幾年這種情況會繼續維持下去，但最近有研究報告就指 2019 年 Android 的佔有率將會繼續增加，反觀 iOS 卻會有所收窄，似乎已對 Apple 敲響警號。 (閱讀全文…)
以超高自由度而聞名的沙盒遊戲《Minecraft》，自 2009 年推出以來就已經登陸上不同的平台，當中包括有手機、家用機、手提機及 PC 等，但唯獨卻仍未在任天堂的平台上出現。不過來到今年尾這種情況終有所改變，因為任天堂宣佈 Wii U 版將會在 12 月 17 日推出，而屆時將會同時收錄多個不同的 texture pack。 (閱讀全文…)
在手機上如果想快速及批量編輯相片，相信不少人應該都會選用 Adobe 推出的 Lightroom，但遺憾的是在 30 日免費試用期之後，就必須要付費才可繼續使用。幸好繼 10 月時 iOS 版免費開放之後，今日終於就連 Android 版都變成真正免費，無需付出分文便可使用，各位還不快點去下載！ (閱讀全文…)
作為 LG 第一部全金屬機身手機，LG Class 雖然屬於中價機但造工細緻，配備 5吋 720P 2.5D 屏幕、Snapdragon 410 處理器 2GB Ram，比 LG G4 略底一點的 1,300 萬像素感應器，拍攝效果跟 G4 相差多遠呢? 想知就要繼續閱讀以下文章。
Class 係 LG 第一部全金屬機身手機，設計當然有特別花心思，設計別樹一格，完全見唔到有過往機款嘅影子，但係籮文就覺得設計太四四方方，尤其機背相機及按鍵位置未必突岀，令機身睇落有啲懷舊感。(有啲老套)。不過老實講，機背按鍵突岀係有令我更易摸到啲制，減少按錯制情況。 美感上就見人見志，但造工實在不錯，全金屬機身感覺硬淨，揸起手有實在感，但係手感始終不及有弧型機背的 G4，而且略嫌重咗少少。
▲全金屬機身感覺硬淨，揸起手有實在感，但係手感始終不及有弧型機背的 G4，而且略嫌重咗少少。
▲ MicroUSB 及 耳機孔都設於機底
▲機頂乾淨脷落，兩粒螺絲更添硬淨感
▲但係籮文就覺得設計太四四方方，尤其機背相機及按鍵位置未必突岀，令機身睇落有啲懷舊感。
話說籮文試玩 LG CLASS，最覺得唔對路就係個五吋嘅 720p 螢幕，本身用緊 2K Mon 手機嘅籮文一開 Screen 就睇得岀分別，當然如果你用開 Full-HD MON，起格問題可能就冇咁顯眼，但對於籮文黎講，像素密度只有 294ppi 嘅 LG CLASS 不論文字又或者圖示都可以見到有明顯顆粒感。
▲像素密度只有 294ppi 嘅 LG CLASS 不論文字又或者圖示都可以見到有明顯顆粒感。
▲但光暗對比度都滿意，惟色彩表現較淡
LG CLASS 擁有一個 1W 喇叭喺機背相機旁邊，有銀邊突顯處理，係幾靚仔嘅，但係聲又靚唔靚呢？籮文上 YouTube 睇咗 Adele 嘅 HELLO MV，喇叭係好聲嘅，較到最大音量都冇拆，但係音量就唔算特別大，最弊就係喇叭位於機背，而且得一個喇叭咁大把，如果揸機時手指蓋住咗個喇叭就會完全冇聲岀架啦。
LG CLASS 配備 1,300 萬像素鏡頭，比 G4 1,600 萬像素略底，缺少 Laser AF 雷射自動對焦同 OIS 光學防手震，整個拍照體驗差好遠。缺少 Laser AF 令 Class 對焦速度比較慢，大約要 1 秒多，籮文用黎影屋企隻貓，難度係十分，加上室內環境較暗，冇 OIS 就好易會影到鬆郁矇。但如果夠光，隻手又夠定，加上天時地利人和，其實係可以影到 G4 嘅質素…
▲夠光時色彩及細緻度都非常不俗，拍得住 G4
▲貓眼內的反光都可以睇得清楚，光暗分明，動態範圍夠大
搭配 Snapdragon 410 處理器 2GB Ram，事實上依部外表好有旗艦感嘅中價機只有入門級規格，但係籮文暫時碌咗陣 Instagram 都好順，玩咗幾鋪 Need For Speed No Limit 都冇窒過，日常使用都 OK 嘅，但係電量就得 2,050 mAh，玩一陣就淨返 50％。
一睇就知籮文係孝順仔，依部 LG Class 個名就話咗俾你聽部機係幾「Classic」，經典嘅外表、實淨嘅機身同中規中舉嘅規格，最岩買黎孝順長輩。因為全金屬機身造工好，送禮夠體面嘛，唔介意規格嘅話依部機係唔錯架。
查詢：23740618（三禾電氣）
價錢：$2,380
Google 搜尋器在顯示部份 iPhone、iPad 和 Mac 的軟件的搜尋結果時，錯誤顯示為 1 星評分，Google 日前確認問題，並表示會在本星期初作出修正。一名 Google 搜尋的社群經理 AJ 表示，他們正努力尋找解決方法，修正已經排期在本週推出。
Amazon 的 Fire Tablet 平板電腦一向以平價招徠，在歐美多國都擁有不俗的銷量。最近 Amazon 決定將 Fire Tablet 帶到中國，由於 Google 服務還未能在大陸開通，於是 Amazon 跟大陸最大的搜尋器公司百度合作，以 499 人民幣（約 604 港元）發售這廉價 Android 平板。
在醫院診所抽血化驗，少不免都要畀針拮，過程絕對不好受。對於一些長期病患，例如糖尿病的患者來說，經常都需要抽血更是苦不堪言。Google 最近申請的專利，可能會讓我們好過一點，因為 Google 發明了一項毋須用針的全新抽血技術。
遊戲發展多年來鮮有突破，VR 虛擬實境技術可算是一個突破的契機。PlayStation VR 預計明年就會正式上市，多款 VR 遊戲亦會隨之推出。日前有網站發現 Electronic Arts 旗下的遊戲引擎開發商 Frostbite，正在聘請多名 VR 相關的專才，相信是為 VR 遊戲開發作準備。
作為文字工作者，又或者對硬件有追求的電腦 Gamer，機械 Keyboard 可以說是很想使用的配備之一。不過機械 Keyboard 除了牌子之外亦有多種類別，新手想入手可能較難選擇，以下就簡單介紹一下：
先旨聲明，艾域今次為各位 Wire 民初步評測的 Audeze LCD-4 平板耳筒，定價高達 $32,200，但相信大家都會想知道，究竟這款耳筒有何能耐呢？它是 Audeze 這個美國新晉場極式平板耳筒品牌的最新旗艦產品，全人手生產之餘亦注入該品牌所有最強技術，務求滿足終極發燒友對音色的嚴格要求。
Audeze 在這款旗艦開放式耳筒中採用了全新的 Double Fluxor 技術，內部超薄之釹磁鐵以特別的「田」字型方式排列，再利用磁鐵本身各自的極性，將磁通量提升至 1.5 Tesla，為平板單元中的首次。擁有高磁通量，可進一步增強 LCD-4 的單元控制力，從而令它能夠輸出密度更高、更為真實傳真的聲音。除了高磁通量磁鐵之外，LCD-4 還用上納米級超薄 UniForce 振膜，振膜上的線路經特別設計，令振膜上的作用力更為平均。
至於外型方面，LCD-4 的耳罩外殼採用了 30 年以上的黑檀木製成，除了外觀更為紮實出眾外，亦有著更理想的抗振性，從而令聲音更為結實。另外，表面的金屬耳罩亦改用了鏡面拋光設計，與沉實的黑檀木外殼形成強烈對比。Audeze 在 LCD-4 首度採用碳纖維製成頭架部分，並與真皮頭墊獨立分離，有效令頭架位置的重量降低，並帶來更貼服舒適的佩戴感。
發布會現場擺放了 MacBook 作為訊源，並配合 Burson Audio Conductor Virtuoso 解碼連耳擴驅動 LCD-4，艾域試聽古巨基《眼睛不能沒眼淚》24bit/96kHz AIFF 檔，一開首一段結他前奏，已經盡顯 LCD–4 這款平板耳筒優點：弦線聲質感異常突出，密度高之餘亦夠通透，而人聲清晰度及聲音開揚度亦有理想的效果。
不過 LCD-4 絕對屬於難推之作，配搭 Conductor Virtuoso 下聲音仍然較為拘謹。據了解 Audeze 將會推出名為 The King 的座檯耳擴，價位與 LCD-4 相同，相信在「一套西裝」的配套下，LCD-4 會有更完美的發揮。
規格
類型：頭戴罩耳開放式
驅動單元：106mm Double Fluxor 釹磁鐵場極式平板單元
最大承受功率：15W
頻率響應範圍：5Hz – 50kHz
阻抗：100ohms
靈敏度：100dB
售價：$32,200
查詢：ECT（3188 0767）
踏入 2015 年，小米之前多年的強勢似乎已有所減弱，除手機的銷量未必能達標外，早前更有分析師批評其 450 億美元估值其實名不符實。目前距離小米 4 推出已經有 17 個月，小米當務之急理應要盡快推出最新款的小米 5，雖然暫時未知該款新手機會於何時推出，但近日官方微博上卻似乎出現了其實身。 (閱讀全文…)
之前報導過 薯蛋頭夫婦 今年聖誕到咗 MCP 新都城中心同大家影相玩遊戲，原來唔只咁簡單。佢地仲邀請咗 3大「薯」牌包括: 本土薯片代表「Jack’n Jill Chips珍珍」、米芝蓮2016年香港街頭小食入圍食店「Three Potatoes 叁薯」及「Top Pot Bakery胖達人」薯包創作達人，為大家帶來一系列「薯」不簡單薯味小食，我依莉詩今日就食飽飽啦！
冬天望見雪糕想食又怕凍？食呢個偽雪糕就唔怕啦！Three Potatoes 叁薯的焗薯早前得到米芝蓮香港街頭小食，依家更上一層樓推出聖誕期間限定的薯味 Gelato，將薯蓉放係雪糕筒內，加上各種 toppings ，睇落十足雪糕咁，賣相同口感都一流！
▲ 花心紫薯 $38
浪漫紫色的紫薯蓉放係花形窩夫脆碗上，再加棉花糖同彩色朱古力碎，淡淡的香甜，雪糕的口感，但就一 D 都唔凍，好啱我呢 D 氣管唔好，又想冬天食雪糕的人。
滋味度：★★★★★
抵食度：★★★★☆
▲ 薯蓉 Gelato 單球(小)珍寶筒 $28、單球(大)珍寶筒 $35、雙球(大)珍寶筒 $43
另一款偽雪糕同樣可以自選煙肉、粟米粒或雞蛋沙律口味的薯蓉放在雪糕筒上，再配上選擇煙肉碎、果仁麥片彩色朱古力碎等 7種配料及芝士醬、千島醬或蜜糖芥末醬等醬汁，好唔好食就睇你配搭啦！小編就試咗煙肉、粟米粒薯蓉配煙肉碎、芝士醬，我就覺得係 perfect match 啦！
滋味度：★★★★★
抵食度：★★★☆☆
▲ 美式手撕豬肉焗薯 $45
叁薯既然整得間 pop-up store 係商場，又點會無最耍家的焗薯賣呢？除了最出名的重量級芝士酸忌廉原隻焗薯外，今次仲獨家推出咗新口味美式手撕豬肉焗薯。肉絲、茄汁豆同蔥鋪滿薯面，香噴噴的肉汁流入薯仔，吞吞飽滿。
滋味度：★★★★☆
過江龍「Top Pot Bakery 胖達人」係台灣大受歡迎，今次就帶咗 5款「薯」味麵包係商場賣。薯仔、蕃薯、紫薯樣樣都有，大大個睇到都覺得飽。
▲ 火腿薯蓉燒餅 $30、蕃薯核桃 $35、玉米薯蓉 $30、蘑菇薯蓉 $30、農夫紫薯乳酪 $25
火腿薯蓉燒餅味道同口感都有 D 似胡椒餅，充滿台灣風味。農夫紫薯乳酪包夾住紫薯同忌廉芝士，甜度適中，又充滿奶氣，非常特別。而我最鍾意玉米薯蓉，香口的芝士粉加埋包內粒粒粟米，口感豐富。
滋味度：★★★☆☆
抵食度：★★★☆☆
▲ 雖然 D 包用料十足而且大大個，不過成 $30個飽我會揀食熱辣辣的焗薯。
依家俾你揀卡樂 B 定珍珍薯片，你可能會揀前者，但小學的時候珍珍薯片應該係你首選。只要係商場以電子貨幣即日消費滿$300，憑最多 2張不同商戶發出之即日有效發票(每張發票最少$50)，就可以換領「Jack’n Jill Chips珍珍」薯片一盒，仲有十多種口味醬料同味粉，比你任加任配童年的味道。
日期︰12月5、6、12、13、19、20、31日 及 2016年1月1日至 3日 (1:00pm-9:00pm)
▲ 小編加咗三文魚粉、蜜糖芥末醬、蛋黃醬同大量煙肉碎，真係好好味架！(我覺得係)
滋味度：★★★★☆
▲ 10款調味粉包括蜜糖雞翼、龍蝦湯、三文魚壽司、章魚小丸子及鰻魚味粉等等，都係平日買到的薯片口味啊！
▲ 醬汁有甜有鹹，都係蛋黃醬同蜜糖芥末醬保險 D。
▲ 煙肉碎、棉花糖、、花生碎、粟米粒，好想全部加晒落去啊！
▲ 另外，12月24日至 26日期間只要以電子貨幣即日消費滿$500，憑最多2張不同商戶發出之即日有效發票(每張發票最少$50) 就可以換到「薯加薯」一盒，除了有珍珍薯片，仲有埋叁薯薯蓉，同樣可以加入不同味粉同醬料，一樣咁好玩。今次我就轉玩甜味，加咗朱古力醬、m&m 、棉花糖同花生碎，味道好似唔多夾，哈哈。
滋味度：★★☆☆☆
▲ 現場仲有部夾薯片機，不過要夾起好似有 D 難道。
聖誕限定薯味專區
日期：2015年12月5日至 2016年 1月 3日 (1:00pm-9:00pm)
地點：MCP新都城中心2期L1 (Shop No. 1017 McDonald 對出位置)
TP-LINK最新出品的 11n 300M Universal Wireless N Nano Range Extender TL-WA855RE ，特別適合用於出現接收不良/ 覆蓋範圍有限的網絡環境下使用，只要安裝於牆身插座上，一按「Range Extender」鍵，外置雙天線，將原有無線訊號接收，然後傳送至更遠範圍。
TL-WA855RE 配備電源插座，為用家提供電源接口，接上其他設備作供電用途，並不佔用原有的插座位置。TL-WA855RE 在裝置前端備有3色智能訊號強度狀態顯示燈，用家可即時知道無線訊號強度及其運作情況。而且設計有別他品牌，Nano Size 的外型、配合純白鋼琴拋光，非常融入家居環境。這次更加入Power On/Off schedule、LED On/Off 燈及 AP 模式，令 TL-WA855RE 更容易融入你的家居！
TL-WA855RE 操作非常簡單，而且更適用於加密或無加密的訊號。用戶只需將TL-WA855RE 放於路由器旁，按下「Range Extender」鍵， 便會複製原有無線網絡的名稱及密碼等資料，並立刻增強訊號擴大覆蓋範圍，節省抄寫設定資料的時間，讓用家秒速享受穩定無線訊號。
另外，TL-WA855RE 使用外置式雙天線設計，接收訊號更靈活高效，因此可將原有無線網絡伸延至更遠距離。用戶亦可因應環境而設定為「Max」、「Mid」或 「Min」。加強無線頻率輸出功率，可使訊號變強、覆蓋範圍更廣；減少無線頻率輸出功率，系統間干擾減小，從而達到更好的網路性能。
TL-WA855RE支援最新11n 制式，提供300Mbps 高速無線傳輸。支援WMM(Wi-Fi Multimedia)，能同時進行多項任務包括音樂及視頻串流、資料傳輸及網上遊戲等。而TL-WA855RE 更會特別針對音樂及視頻串流、網上遊戲等資料得到優先處理，以確保提供流暢表現。而 TL-WA855RE 底部備有一個 10/100M LAN 埠，供接駁其他網絡裝置，如Smart TV/ IP Cam / NAS等。
此外，TL-WA855RE 採用標準 IEEE 802.11b/g/n制式，即使使用不同牌子及不同型號的 AP 或路由器，仍能兼容。
TL-WA855RE 支援AP模式，可以透過接入有線網絡轉化成 WI-FI，簡單且低成本打造快速而範圍廣的11n無線超大網路！
TL-WA855RE 今次除了使用 Nano Size 外，還有一系列的貼心設計，包括 Power On/Off schedule 及 LED On/Off 功能，用戶可透過連接 TL-WA855RE 及登入 tplinkrepeater.net，管理 TL-WA855RE 的開關時間，令擔心過量無線輻射的用戶，亦能無痛管理 Range Extender 的運作時間。此外，TL-WA855RE 的LED燈亦可獨立設定On/Off及 Time schedule，令 TL-WA855RE 更易融入家居。
TL-WA855RE 更支援 TP-LINK Tether App，令用家更方便控制及管理 TL-WA855RE 的運作及安全，以及管理路由器用家的使用狀況，更可封鎖不明的WI-FI使用者，上網自然更安心。
TL-WA855RE 支援 AP Isolation，輕易分隔無線用戶，有效防止用戶資料外洩，也支援多種安全防護及連線加密，包括 64/128/152-bit WEP、WPA/WPA2 及 WPA-PSK / WPA2-PSK等加密技術；並能自行設定開關 SSID 廣播，MAC address 過濾，令用戶在使用高速無線網絡時，不用為保安問題而憂心。
TL-WA855RE 設計嶄新，罕有地用上機械人造型，配搭純白琴拋光面，側面兩邊加大散熱氣孔，即使長時間不停工作都不會影響穩定性。
TL-WA855RE
300M 11n Universal Wireless N Nano Range Extender w/LAN Port
零售價: $248 (連 18 個月保養)
產品查詢：2541 2982 (EverBest)
香港有不少創業者都係默默耕耘，自己埋首打江山，先不說像 9GAG、Lifehack 或 Remix 這些「成功人士」，有好一些 「Made in Hong Kong」 的 Startups 其實也早已衝出國際，為了獲得曝光率，他們選擇了另一途徑－參加 IT 比賽，除了可以贏得掌聲，更可藉此吸引人留意自己的產品。其實每年 Awards 眾多，只要知道當中一些注意事項，命中機會其實相當高。
今次【創業109】，Unwire Space 夥拍香港無線科技商會，請來製作手機應用程式 iSafe、話題遊戲：神抄之塔、進擊之路姆西、Yellow Umbrella 等，Awesapp 的創辦人馮錦強，以及製作包含本土元素電話月曆 We Stick Calendar，Mobilesoft 創辦人之一劉婉雯（Emily）前來為大家分享一下他們創業及參加 IT 比賽的心得。
如何將本土的小製作發揚光大，跳出香港？如何「備戰」參加 IT 比賽，吸引人注意？當日還有多次舉辦 IT 比賽的無線科技商會，前來講解參加比賽的詳情。
這次聚會將於 12 月 16 日晚舉行，名額有限，有興趣的朋友就快啲報名！
Unwire Space 聚會詳情：
日期：2015 年 12 月 16 日（星期三）
時間：19:30 – 22:00pm
地址：觀塘
名額：先報名先得，額滿即止
費用：＄50
Unwire Space 聚會內容：
[jotform id=”53342790053452″]
Awesapp Limited 創辦人馮錦強畢業於中文大學計算機科學與工程學系，為實現創業夢想，中七暑假開始從事路邊寬頻推銷員，由兼職到全職長達八年，儲下創業資本。他更利用工餘時間，編寫手機保密應用程式 iSafe。 iSafe 由 2012 年初推出至今，已在全球逾 100 個國家的用戶合共超過 1200 萬人次下載。iSafe 更為他奠下基礎，於 2013 年成立 Awesapp Limited，繼續創業之路。其後 Awesapp Limited 憑 iSafe 於 2014 年獲得香港資訊及通訊科技奬：最佳流動應用程式大奬 「流動企業應用方案」銀獎 以及 特別嘉許（新晉公司）獎項。
劉婉雯（Emily）是 Mobilesoft 創辦人之一，旗下的手機應用程式 「We Stick 香港人的行事曆」於 2015 年獲得香港資訊及通訊科技奬：最佳流動應用程式大奬 「消費及時尚生活方案」 金獎。Emily 擁有多年參與手機程式開發的經驗， 主要負責手機程式的用戶體驗及業務開發。
在較早前舉行的 PlayStation Experience 2015 上，官方終於正式公開了首段《Final Fantasy VII》重製版遊戲片段，除畫面大執外戰鬥系統亦耳目一新，雖然令人超期待，但同時亦令人擔心到底何時才能推出。最新收到的好消息時該遊戲或會比想像中更快登場，但壞消息則是一開始未必能玩齊所有內容。 (閱讀全文…)
法國汽車生產商 Bugatti 最大名鼎鼎的當然是旗下各款超級跑車，而且每一部更是售價不菲。就在其最新款的 Chiron 超級跑車仍未面世之際，Bugatti 最近卻反而將精力投放到其他產品上，因為據知他們原來竟然已開發了一款遊艇，而且價格之高相信應該只有超級富豪才買得落手。 (閱讀全文…)
自從 Apple 於 2010 年推出 iPad 之後，多年來該系列的平板在市場上就一直處於領先地位。雖然時至今日 iPad 的佔有率依然主導市場，但最近其銷情卻似乎有所改變，因為據資料顯示今年 10 月 Microsoft Surface 平板的網上銷售額已大幅拋離 iPad，看來 iPad 已開始面對一定危機。 (閱讀全文…)
