人類一直以來都喜歡追求速度感，因此過往科學家及工程師都不斷致力研發速度更快的跑車，比如目前時速最快的跑車就達到 1,228 公里，但這個紀錄即將會被打破，因為今日在英國倫敦展出的 Bloodhound Supersonic Car，據稱時速會高達 1,609 公里，比音速還要快！ (閱讀全文…)
now TV ：「英超」繼續有，新裝置將升級 4K
電訊盈科宣佈通過與英超香港新播放權持有人的獨家協議，將繼續直播2016-19季度英超賽事。now TV將全數播放新播放權持有人播放的賽事。
除了直播外，英超賽事亦可透過自選影象服務及應用程式，在手機、平板電腦及其他互連裝置上觀看。
新 4K 裝置支援 IPTV DTT 及 OTT
電訊盈科媒體董事總經理李凱怡小姐表示：「now TV很高興通過與香港新播放權持有人的獨家安排，透過我們的機頂盒，為觀眾繼續帶來直播精彩英超賽事。now TV與全球超過200個領先夥伴及品牌合作，網羅最多元化的頂級內容，絕對是客戶必然之選。now TV作為一站式影視娛樂平台，不但提供內容頻道、更有自選服務及流動裝置程式可供隨身觀賞。為讓客戶在大屏幕顯示盡享最佳觀賞體驗，我們亦即將提供一個集合所有功能於一身的真正4K超高清全新裝置，支援的功能除了IPTV（網絡協定電視）以外，還包括DTT（數碼地面電視廣播）及OTT。」
now TV 頂級體育內容，包括各主要的世界級體壇盛事，當中除了英超之外，更有新增的德國甲組聯賽、及再度奪得西班牙甲組聯賽（獨家播放權至2017/18球季）、網球四大滿貫、ATP巡迴賽、NBA、高爾夫球四大滿貫、PGA巡迴賽、F1及國際欖球賽等。除體育外，now TV亦提供包括來自HBO、FOX及SCM衛視中文電影等獨家夥伴的一系列本地及國際電影及劇集、受歡迎的亞洲劇集及頂級綜藝節目、兒童節目、新聞及益智內容等。
CDN + QOS 保持流暢
now TV亦了解客戶對高畫質標準的需求。now TV一直以來使用香港電訊首屈一指的網絡基建傳送內容，更專用了香港電訊的內容分銷網絡（Content Distribution Network）及專屬服務質素（QoS）保證，確保now TV客戶可獲得無可比擬的卓越觀賞體驗。
內外一樣高貴！Vertu Signature Touch 終於肯升呢用旗艦級規格
提起奢華貴價的手機，相信不少人應該會即時想起 Vertu 這個英國手機品牌，旗下的 Signature 系列手機平則幾萬港紙一部，貴則就要十幾廿萬。雖然外表高貴，但 Vertu 的手機就一直被人批評其規格未夠奢華，幸好即將推出的新款 Signature Touch，就終於打破這個格局。 (閱讀全文…)
籮文：「影相堅係靚 仲可以拍 4K 片」Sony Xperia Z5 初步評測
Sony 今日終於喺香港推出最新旗艦手機，包括 5.2 吋熒幕嘅 Xperia Z5，同埋 4.6 吋熒幕嘅 Z5 Compact。喂咁 Z5Premium 呢！？今次就未出住，所以我哋就試住部 Z5 黎等啦！Z5 主打2,300萬像素相機，可以拍4K 片，仲有指紋辨識，想知更多請睇下以下評測啦！
磨沙機背 跣手但唔再痴手指模
同上一代 Z4+ 唔同，Z5 今次冇再用玻璃面機背，而改用磨沙面，終於告別「指模收集器」，姿整嘅用家唔使再成日要抺抺抺。除咗唔再痴指模，籮文就覺得磨沙面更加高貴大方，尤其今次試嘅依部金色，方方正正成塊金磚咁，確實幾型仔，不過可惜磨沙面非常跣手，輪盡豬嘅朋友就記得跟機買埋 Case。其實籮文一直都幾欣賞 Sony 機嘅外觀設計，就好似 Z5 一體化設計，令整個感覺更簡約，加上機背 Sony Logo 有浮起嘅立體感，左機側印上 Xperia Logo，有畫龍點睛嘅作用，細節位都一絲不苟，讚！
▲開關制比上一代大粒，因為要加入拍紋認証功能嘛！
▲繼續有免防水蓋嘅 Micro USB 位
▲左側卡槽
▲機頂耳機孔
▲5.2 吋大小岩岩好，不過兩側同機背都有啲跣手
▲左機側印上 Xperia Logo
指紋解鎖快而準 一㩒就 Unlock
今次 Z5 加入指紋感應器，指紋感應器位於開關制，換言之你隻手指㩒落開關制嘅同時指紋感應器就會感應到你的指紋進行解鎖，非常直覺化。籮文試過，解鎖速度幾乎同平時就咁開 Screen 一樣，消耗同樣時間，換取更高保安。
▲Setup 亦只需一兩分鐘左右，最多可 Set 4個指模
Z5 Premium 先有 4K Mon
Z5 Premium 先有 4K Mon 架咋，Z5 雖然解像度維持 Full-HD，其他方面都有唔錯表現，例如可視角度好大，傾斜到接近水平都仲可以閱讀到個 Mon。利用測光工具 Spyder 測試下，發現 Z5 色準非常精準，亮度亦都好足夠。假如你認為色準唔夠好，你都可以自己設定白平衡！
▲ 可視角度好大，傾斜到接近水平都仲可以閱讀到個 Mon
▲利用測光工具 Spyder 測試下，發現 Z5 色溫十分偏冷，最高亮度就跟 iPhone 6 差不多
▲假如你認為色準唔夠好，你都可以自己設定白平衡！小編建議稍稍推紅一點
▲畫面整體表現都 Good
0.03 秒超快對焦 影相從未試過咁爽
Z5 繼續有實體影相制，岩晒鍾意影相嘅朋友。今次 Z5 就唔只有 2,300萬像素畫質上嘅提升，速度上亦都有突破，配合相位偵測技術，對焦只需要 0.03秒，籮文試過，係唔係真係0.03就冇認真數過，不過點都係一秒內對焦到，幾乎Feel唔到有對焦嘅過程，影相一 Snap 就係，一個字「爽」。除咗清同埋快，Z5 影相仲可以好遠，今次加入5倍清?變焦功能，雖然唔係光學變焦，但放大五倍畫面仍然過去 。
▲影出黎顏色非常鮮
▲用貓貓啲毛測試相機線條清?度，一條一條好清楚
▲中間藍色建築物位置偏暗亦保留到細節
▲5倍清?變焦功能質素真係唔錯，畫質唔算下跌太多
發熱問題有改善
Z5 其中一個賣點就係拍到 4K 片，不過 Sony Z 系列一直有容易過熱的問題，好多人都好好奇 Z5 有冇解決到此問題？籮文話你知係有改善的，但未完全解決！今次籮文就挑戰一下 Z5 最高溫度可以去到幾多度。最好又最快嘅方法就係拍4K片！
▲錄影到8分半鐘，終於有警告
▲最高溫度籮文見過52度
▲發熱位置主要係 NFC 標志左近
▲到14分半鐘左右，部機頂唔順停左，不過我隻手就冇咁能耐啦，捱住高達五十幾度拎住14分半鐘，隻手可能已經一早 Error 咗。不過好彩暫時只係拍 4K 片先有呢個情況，平時打機睇片又唔係好熱
旗鑑規格 不過預載App 仲係好多
旗鑑級規格當然勁啦，Snapdragon 810 64 位元八核心處理器，跑 Antutu 跑到44454分，非常傑出，不過發熱問題冇改善。內置 3 GB RAM， 32 GB Flash Memory，扣除系統預載嘅野都仲有 15 GB 可用，唔夠用仲可以插高達 200 GB 嘅 microSD 卡。而 Sony 手機一向都有唔少預載 Apps，Z5 亦唔例外，冇買股票又冇 Playstation 嘅籮文就覺得好煩囉，又要逐個 App Del 晒佢。
▲Snapdragon 810 64 位元八核心處理器，跑 64bit Antutu 跑到50298分，非常傑出，不過發熱問題冇改善
▲Sony 手機一向都有唔少預載 Apps，Z5 亦唔例外，冇買股票又冇 Playstation 嘅籮文就覺得好煩囉，又要逐個 App Del 晒佢。
▲內置 3 GB RAM， 32 GB Flash Memory，扣除系統預載嘅野，影咗幾張相，拍咗條差唔多十五分鐘嘅4K片都仲有 15 GB 可用，唔夠用仲可以插高達 200 GB 嘅 microSD 卡。
籮文：「好一體化好直覺化的使用體驗」
Sony Xperia Z5 由外到內都令我覺得非常完整，外觀設計嘅一體化（冇得換電），介面設計簡約，影相對焦速度快到 Feel 唔到對焦過程，一按指紋即解鎖等等的直覺式操作，成件事好順暢好一理成章，唯一要彈就係發熱稍有改善，但未完全解決囉..
受保護的內容: 【投稿】9.25 真人放 iPhone 6s Plus 分享
【有片睇】有冇硬淨咗？全球首個 iPhone 6s 及 iPhone 6s Plus 跌落地面測試
過去幾年每當有新 iPhone 推出時，不少人都會進行各種測試，以便了解其機身是否夠堅硬。至於今日最新款的 iPhone 6s 及 iPhone 6s Plus 終於正式發售，而且更有人已搶先進行跌落地面測試，到底今次改用了 7000 系列鋁合金的新 iPhone 又能否幸免於難呢？ (閱讀全文…)
繼續打平價牌 Letv 第 3 代超級電視 10 月底香港開賣
樂視 Letv 不斷曝光了這麼多天，相信不少 Wire 民都與艾域一樣看到有點厭了吧。英超收費及播放詳情仍然未公佈，但 Letv 昨天就宣布會在 10 月底在港開售新一代 Series 3 超級電視，包括 Max65、X55、X43 3 款型號，而 X40 則暫未確定。
最重要都係賣得平囉
4 款產品最大賣點是甚麼？繼續大打平價牌囉。65 吋的 Max65 及 55 吋的 X55 均為 4K 電視，淨機價將為 $11,499 及 $5,799，至於全高清型號，43 吋的 X43 及 40 吋的 X40，淨機價則為 $2,999 及 $2,799。
$399 平賣盒子 半年內唔要仲可以退錢
另外，Letv 亦將會在 10 月 8 日推出首批限量 5,000 部香港專屬的 Le TV Box 4K 標準版電視盒子，售價為 $399，並設有半年「試用期」，用戶可於購買日起第 3 個月至 6 個月內退回盒子，將可獲退款 $389。若果試用之後決定繼續使用，則會再獲贈「樂迷 99」組合月費 6 個月。
該盒子現已在 LeMall 接受預約，成功預約者需在 10 月 8 日中午 12 時到 LeMall「搶購」。在 10 月 9 日至 11 月 19 日期間，Letv 亦將會在指定時間，於全港不同地區的合作伙伴包括 7-Eleven、蘇寧、豐澤、快圖美等發售該盒子。
TUNEWEAR 推出一系列 iPhone 6S / iPhone 6S Plus 保護套
提醒一下剛剛入手 iPhone 6S / iPhone 6S Plus 嘅你，新機到手當然要即刻預備一個好用嘅保護套保護新機啦！日本著名配件品牌 TUNEWEAR 就秉承品牌多元化、多色彩兼實用的特色，率先推出一系列iPhone 6S保護套，供大家選擇。
360全角度，睇片必備 － TUNEFOLIO 360 for iPhone 6s Plus / 6 Plus / 6s / 6 保護套
底殼可作360度轉動，無論手機橫放或是直放，均可作為座檯支架調整至適合自己的視角，方便作影視娛樂之用。打開內則備有卡片插縫，可存放八達通或卡片。側面設磁石扣讓保護套保持閉合，並於聽筒位置開孔，即使保護套閉合亦可繼續通話。新一代的 TUNEFOLIO 360 迴轉軸採用金屬打造，耐用之餘更添一份高雅感覺。
▲底殼可作360度轉動，無論手機橫放或是直放，均可作為座檯支架調整至適合自己的視角
顏色選擇：
灰色、銀色、金色、深藍、粉紅
建議零售價：
HK$259 (for iPhone 6s / 6)
HK$279 (for iPhone 6s Plus / 6 Plus)
典雅時尚，女士之選 － TUNEFOLIO TRAD for iPhone 6s Plus / 6 Plus / 6s / 6
TUNEFOLIO TRAD for iPhone 6S / iPhone 6S Plus 皮夾型保護套，可作為座檯支架，調整至不同視角，讓你舒適觀賞iPhone內的影片或相片。保護套採用堅固的聚碳酸脂 (Polycarbonate) 底殼配PU合成皮製成，能全面保護你的iPhone，防塵防刮花並提供減震功能。打開內則備有卡片插縫，可存放銀行卡、八達通、卡片及紙幣。
顏色選擇：
黑色、粉紅、淺啡、夢幻藍及淡粉紅 (for iPhone 6S / 6)
黑色、粉紅及淺啡 (for iPhone 6S Plus / 6 Plus)
建議零售價：
HK$259 (for iPhone 6s / 6)
HK$279 (for iPhone 6s Plus / 6 Plus)
碳纖紋理，低調型格 － CarbonLOOK for iPhone 6s Plus / 6 Plus / 6s / 6 保護硬殼
新一代採用 PU (Polyurethane)聚氨酯製造，耐用而堅韌，並於內層加入超細纖維，防撞防刮花。主打賽車風格的碳纖紋理，配合紅色內層，分外型格。有別於上一代的全開放設計，新 CarbonLOOK在按鍵處特別加強保護，而下方的lightning及接口、喇叭位置則沒有被遮蓋，方便充電及連接耳機使用。
▲紅色內層，分外型格
顏色選擇：
黑色
建議零售價：
HK$179 (for iPhone 6s / 6)
HK$199 (for iPhone 6s Plus / 6 Plus)
接近裸機的手感 － eggshell for iPhone 6S Plus / 6 Plus / 6s / 6 保護硬殼
經歷多年的iPhone進化，作為保護套界別的龍頭，TUNEWEAR設計團隊發現 0.8mm 的厚度，既可為電話提供合適的保護功能，同時亦能兼顧手機的纖薄性，為你提供接近裸機的手感。eggshell 採用堅硬的聚碳酸脂 (Polycarbonate) 製造，配合精準的尺寸製造，所有按鍵、輸入和輸出接口的操作無影響。
顏色選擇：
透明、淺灰、糖果粉紅、天藍及透明白 (for iPhone 6S / 6)
透明、淺灰及透明白 (Phone 6S Plus / 6 Plus)
建議零售價：
HK$159 (for iPhone 6s / 6)
HK$179(for iPhone 6s Plus / 6 Plus)
柔韌簡約，貼身保護 － SOFTSHELL for iPhone 6S Plus / 6 Plus / 6s / 6 保護軟殼
採用可回收的TPU (Thermoplastic Polyurethane) 熱塑性聚胺基甲酸脂製成，設計簡約兼透明感十足。柔韌而且有彈性，輕巧實用並提供減震功能。而在按鍵及接駁處上，SOFTSHELL都有特別設計去加強保護，當中Lightning及耳機接口更設活動防塵塞，為您的新iPhone 加強保護。
顏色選擇：
透明、淺灰、水藍、花粉紅及薰衣紫
建議零售價：
HK$159 (for iPhone 6s / 6)
HK$179(for iPhone 6s Plus / 6 Plus)
番外篇：強化音樂體驗 － 新一代 TUNEWEAR 座檯勾 (Ring Strap Stand, RSS)
eggshell for iPhone 6S Plus / 6 Plus / 6s / 6 及 SOFTSHELL for iPhone 6S Plus / 6 Plus / 6s / 6 附設新一代的 TUNEWEAR RSS，除了一如以往的座檯功能，除了方便收看影片和作為拍照腳架外，在上一代特別設計的 “Sound-FUNnel” 被移植到RSS。將RSS安裝在iPhone的喇叭位置，即可巧妙地將聲音收集再放大，增強聲效。
查詢：2553 1151 (TOWERVISION)
【有片睇】發售日落實！馬沙揸住專用 Toyota Auris II 同紅渣古鬥快
相信聽到以下消息各位車迷及 Gundam 迷肯定會相當興奮，因為 Toyota 正式宣佈最新一代「馬沙專用 Auris II」將會於 10 月 1 日於日本推出。雖然該部新車仍未見街，不過今日官方就公開了一段動畫宣傳片，可以見到馬沙揸住呢部跑車與紅渣古鬥快，咁到底最後邊個會贏呢？ (閱讀全文…)
Uber 大陸首推 Carpooling 服務 稍後擴展至全球
在香港不斷受到打壓的 Uber，在大陸卻有新發展。日前 Uber 在成都推出了全新服務 UberCommute，讓需要駕駛往遙遠地方的司機接載前往相同目的地乘客，通過拼車（Carpooling）分擔成本。
由零開始款式百變！Infento 讓小朋友自己動手砌出一部單車
相信不少家長平日都會購買各種玩具給自己的小朋友玩，但若然只是購買一整件現成的玩具回來，小朋友未有付出過努力，那就似乎欠缺一點意思了。不過最近有廠商設計的 Infento 單車，卻是一件很有趣的玩意，因為買回來之後小朋友需要由零開始砌起，砌起後肯定會更有滿足感。 (閱讀全文…)
奢華環保兼備 勞斯萊斯考慮生產電動車
市場上豪華汽車選擇不少，不過多數採用燃油或混能引擎，電動車選擇寥寥可數。勞斯萊斯似乎有意踏前一步，早前其執行總裁 Torsten Müller-Ötvös 在接受訪問時透露，他們願意推出純電動的勞斯萊斯，前提是發明了一款續航力令消費者滿意的電池科技。
內置掃描器 Mouse 有 OCR 支援 Google 翻譯
去年筆者介紹過在 Indiegogo 集資的 Zcan Wireless 無線滑鼠項目，這個由香港團隊開發的 Zcan Wireless 是全球首個滑鼠、掃描器二合一的無線滑鼠。經過集資、研發和生產後，Zcan Wireless 早前終於正式推出。
NASA 研發平板軟件 縮短商業飛行時間
相信沒有幾多乘客喜歡乘搭長途機，就算是坐在頭等艙，被困在機艙內都絕不好受。如果能夠縮短飛行時間，盡快到達目的地，除了讓旅程更舒適，還可以節省寶貴時間。美國太空總署 NASA 早前宣佈成功研發軟件 TAP（Traffic Aware Planner），有望縮短飛行時間。
3D Touch 好難用？好難學？Edward 分享 iPhone 6s Plus 體驗
今次 Apple 推出 iPhone 6s 及 6s Plus，其中一個重點新功能就係熒幕加入壓感嘅 3D Touch 功能。有人覺得多咗個操控模式方便咗，但都有人覺得多個操控要學好麻煩，而且唔係咁易學得識。究竟 3D Touch 用落係咪真係咁難？係咪真係咁無謂？Edward 而家就試俾大家睇。
唐言無忌：超級血月
今年中秋節正好在星期日，星期一為中秋節翌日補假，不知道讀者們有沒有攞多幾日假出門旅行呢？假若你的旅行目的地是歐洲、美洲、非洲，不要忘記在 9 月 27、28 日舉頭賞月，因為這不但是難得一見的超級月亮，部分地區還會見到月全食，月亮會又大又圓同時呈現紅色。
0 廢話！點睇？月費幾錢？「4K 英超」艾域全攻略
「我想睇 4K 英超，請問幾錢？點先睇到？」呢一個看似簡單的問題，不少香港球迷包括艾域在內已經問咗幾日。奪得英超 2016 至 19 年度 3 季英超轉播權的Letv 樂視，雖然已經 3 日內開了兩次大型發布會，但至今仍然無一個簡單的答案，一時又叫你買盒，一時又話係按金，兼夾 sell 埋新電視，又話 $0 月費，又故意931 引人討論，總之廢話多多，就等艾域針對式為你解畫，簡單幫各位 unwire 讀者整理一下，下季究竟要點先睇到英超。
問題一：究竟要幾錢？($99 任睇英超是流料)
無答案，因為今日發布會講的月費，只適用於收看 Letv 現時提供的影視娛樂內容，同英超全無關係。不過在記者問答環節中，Letv 的亞太區執行總裁莫翠天表示，樂視下季播放英超的收費方案會較現時的收費電視更有競爭力，但實質價錢仍待日後公佈。
問題二：用 Letv 產品點睇 4K 英超？
今日 Letv 就發佈了專為香港市場而設的 Le TV Box 4K 標準版 Android TV Box，定價 $399，並會於 25/9 早上 10 時至 8/10 早上 10 時，於 LeMall.com 開始接受預約，成功預約者可在 8/10 中午 12 時搶購，首批限量 5,000 部。Letv 之後又會在指定時間內，在全港多區的合作伙伴 7-Eleven、Aeon、快圖美、豐澤等銷售該盒子，閣下只需在 11 月 18 日前購入，並且未有申請退回及退款手續，將會獲贈英超球季首月月費，有關詳情仍有待 Letv 公布。
至於今日發布的 6 款電視機，4K 型號 Max65、X55，與及全高清型號 X43 和 X40，亦預定在 10 月底開售，淨機定價為 $11,499、$5,799、$2,999 及 $2,799，若果同時申請使用 Letv 的月費服務，則可以合約價 $9,999、$4,999、$2,499 及 $1,999 購入各款電視機。
問題三：唔用 Letv 電視或盒子睇得唔得？
答案係得嘅，因為 Letv 將會在今年內推出香港版 Letv App，安裝之後再訂購下季的 Letv 英超服務，就可在任何智能手機或平板電腦（估計該 App 亦會支援其他 Android TV Box）上觀看英超賽事。
但若果要睇 4K 英超的話，由於現時應未有智能裝置可透過 MHL 或 Slimport 規格之 USB 介面輸出 4K 解像度畫面，因此若想在非 Letv 電視機上收看 4K 英超，就必須 Letv App 支援 Android TV Box，而該盒子又支援輸出 4K 解像度才能成事。
問題四：nowTV 有得睇？香港寬頻係唔係又有？
呢兩日 nowTV 又話有得繼續播英超，香港寬頻又話同 Letv 簽署諒解備忘錄，究竟到時有幾多個台睇到英超呢？莫氏解釋，就下季英超轉播權合作上，暫時只是與 nowTV 達成原則性協議，而香港寬頻則是就其寬頻服務與 Letv 相關硬件作捆綁式銷售推廣，與英超轉播暫未有任何關係。
問題五：使用其他寬頻服務供應商（ISP）又睇唔睇到？
莫氏指將與 3 家居寬頻有積極討論及銷售合作，而有線寬頻方面則未有進一步消息。可以預計即使有線寬頻與 Letv 達成合作協議，也只會是產品銷售推廣層面，而不是英超轉播權層面。據莫氏表示，Letv 將會在不同的 ISP 中加大 CDN 部署，確保用戶無論使用任何一個 ISP，都可以有穩定網速收看到 4K 直播，聽住先啦。
總結：要睇下季英超 幫襯 Letv 或 nowTV 走唔甩
最後，艾域以點列方式總結一下我理解到下季英超的播放及收費情況吧。
・由於 Letv 是 OTT（Over-the-Top）平台，理論上只要上到網，你都可以付費睇到 Letv 的影視內容，當中自然包括英超，不論你用的是甚麼寬頻公司以至流動通訊服務供應商。
・實際費用未知，據 Letv 表示會較現時收費電視更有競爭力。
・唔想用 Letv 的硬件包括電視機或電視盒子，就要在其他牌子的智能手機或平板電腦安裝她的播放軟件 App，估計該 App 亦會支援 Android 電視盒，其實都係用 Letv 產品。
・nowTV 會有得播英超，但實際播放詳情未有。
・香港寬頻現時只是就寬頻服務與 Letv 產品作捆綁式銷售合作，與英超轉播權無關。
新機熒幕有冇靚到？iPhone 6s / 6s Plus vs iPhone 6 Plus 初步評測
每部 smartphone，相信大家每日用得最多，接觸得最多嘅，肯定係個熒幕。究竟全新嘅 iPhone 6s 同 6s Plus 係熒幕質素上又邊部好啲？如果同已經用咗一年嘅上代 iPhone 6 Plus 比較又有冇進步？而家就等 Edward 同大家試真啲啦！
10月帶小朋友感受 Oppa 文化 + 學習保護動物知識
明明就到中秋，但唔知點解天氣仲熱辣辣，想行下山，去下野餐都驚中暑，唯有行下商場啦！襯最近無乜自由行，我依莉詩今日就去咗海港城睇下有咩搞作。
「韓國潮語」立體字型花燈
雖然我都喺港女 (香港女仔)，但去海港城都唔一定喺 shopping 既，去睇下「韓國潮語」花燈盛會，感受韓國的文化氣息一樣得。由今日到 10月11日，喺海運大廈露天廣場會有近百個韓文立體字型花燈展出，期間仲會有韓國人氣搖滾音樂劇 Fanta–stick 表演。小朋友仲可以學用毛筆寫韓文同參加跆拳武術班添！
▲ 逢星期六、日同公眾假期都有舉辦韓語或跆拳道速成班。只要報名之後即場捐款HK$100 或者即日消費滿 HK$400 就可以參加。
韓國民俗遊藝園
講到韓國遊戲，相信大家都喺由 Running Man 度認識。咁大家又知唔知投壺、踢毽子、尤茨同甩板喺咩呢？呢度就有 4個韓國傳統遊戲攤位俾大家玩下贏取韓國嘅小禮物一份。
▲ 唔好以為佢喺飛行棋，其實呢個叫尤茨，喺韓國春節期間家人一起玩嘅傳統遊戲。
▲ 投壺喺源于古時中國嘅投擲遊戲，以前得上流社會同地方的鄉校書院先有得玩架。
香港行貨 iPhone 6s / 6s Plus 開箱直擊
聽日就係 Apple 嘅 iPhone 6s / 6s Plus 正式開賣嘅大日子，為了讓大家係出機前諗清楚邊部啱自己用，Edward 今日拿到機之後，就即刻為大家通宵炮制 iPhone 6s / 6s Plus 嘅評測文章。首先，先為大家帶來呢兩部機嘅開箱文，以及機身設計及手感速測先啦！
邊食飯邊自拍！美國食品廠推出「自拍匙羹」免費任您拎
近年自拍已經成為不少人日常生活中的指定動作，當然有些人間中會自拍低自己進食得一刻，但若然要一手拎住餐具進食，而另一邊又拎住自拍神棍，那麼又如何去按遙控器拍攝呢？為了解決這個難題，最近麥片品牌 Cinnamon Toast Crunch 就設計出一款「自拍匙羹」，方便大家拍下自己享受食物的一刻。 (閱讀全文…)
