甚少遊戲系列會像 Grand Theft Auto 般具有爭議性，其中一個原因是遊戲充滿暴力、粗口，讓玩家在廣大的遊戲版圖內，做盡搶劫偷車打人防火等非法勾當，不過這亦是 GTA 系列吸引和長青之處。最近 GTA 全系列手機版遊戲大減價，尚未擁有的話，是入手好時機。
舊 iPhone 6 case / 芒貼 ， 新 6s / 6s Plus 用唔用到 ? 試比你睇
全新嘅 iPhone 6s / 6s Plus，都已經同大家介紹咗唔少新功能。但可能各位 wire 民都有一個疑問：新機雖然係設計同按鍵、插槽、喇叭位都同舊機一樣，但新機比舊嘅 iPhone 6 / 6 Plus 畢竟厚咗 0.2mm，究竟舊嘅配件係新機上面仲用唔用到？而家就等 Edward 拿來幾件舊配件，同大家分享一下啦。
有光學防震差幾遠 ? 自家 iPhone 6s V.S 6s Plus 相片／影片質素對決
相信到今時今日，好多人買手機，最重視嘅其中一項功能，肯定係影相！而對於女仔來講，前置鏡頭影自拍靚唔靚，更加係最重要嘅買機考慮因素！究竟今次兩部新 iPhone：iPhone 6s 同埋 6s Plus，係影相方面又表現成點？而家就同大家講講啦。
港女科技一週：17 定 19？
如果你有留意到，近排 Facebook 狂推播片功能，有片的 Post 多左好多，尤其係個啲貓貓狗狗兔兔BB 的片，有時真係令人招架不住成日想㩒入去睇 :3 。而上個月，Facebook 亦都緊貼潮流，加推「直播」Facebook Live 功能，不過好可惜，只限有 Facebook Mentions 的藍剔人士使用，好似我呢啲毫不起眼的平民百姓就連試玩的機會都冇，雖然我的宅宅生活都冇咩好直播 share，但有時無聊總想試下玩新功能架嘛，你地話係咪先！
冇炒價有長龍 澳州 iPhone 排隊機械人代班
相比起香港，iPhone 6s、6s Plus 在澳州推出時並沒有炒風，不過依然吸引了想搶先入手的果粉排隊輪候。在悉尼 Apple Store 門外，長長人龍當中竟然出現了代班的機械人。這部由 iPad 和類似 Segway 裝置組成的機械人名叫 Lucy，排在人龍第四位。
唐言無忌：錢唔易賺
有人說「你不理政治，政治也會找上你」。我發現「你不理 iPhone，iPhone 也會找上你」，筆者並沒有幸運地獲得免費新 iPhone，只是電訊商 Sales 聯絡是否要出機「加監」，偶有親友詢問新 iPhone 行情，還有 Facebook 塞滿了 iPhone 相關的新聞，就連睇《東張西望》也見到 Lo 哥的身影。
潮流變死亡陷阱！調查發現自拍死亡人數比鯊魚咬死人更多
自從智能手機普及之後，自拍已經變成了一種潮流，而這種行為甚至更變成不少人日常生活的指定動作。不過與此同時由於很多人在自拍時往往忽略了安全，所以間中都會看到一些因自拍而死亡的新聞。至於今日有調查更發現，原來今年因自拍而死的人數，已經超越了鯊魚咬死人的數目了。 (閱讀全文…)
[TGS 2015] Minecraft 來的嗎？勇者「鬥」積木《Dragon Quest Builders》試玩
老機迷相信對日本的國民 RPG – Dragon Quest 勇者鬥惡龍都很熟悉吧，繼上次變成無雙玩法的 Dragon Quest Heroes 之後，數月前更公佈新作、變成 Minecraft 玩法的 Dragon Quest Builders，單是題材已經令人在意。在今次 TGS 展場上就提供了初步的試玩 Demo，以下就等艾露貓同大家試試：
殺入廚房！黑武士多士爐型到爆可印出《STAR WARS》字樣
《星球大戰》（Star Wars）的周邊產品可說是無孔不入，除最常見的玩具及模型外，現在更甚至殺到入廚房！皆因較早前有廠商就推出了一系列以星戰作為主題的廚具，不過說到當中最特別的產品，相信肯定是以下介紹的黑武士（Darth Vader）多士爐。 (閱讀全文…)
懷舊情意結！超任遊戲盒帶型 iPhone 保護殼可自定遊戲封面
作為 iPhone 用家的確是比較幸福，因為不少廠商經常都會推出各種保護殼，有比較多款式可選擇，而且當中亦不乏一些與遊戲相關的保護殼。比如最近有廠商就推出了一系列以超任作為主題的 iPhone 保護殼，喜歡懷舊的遊戲迷不妨考慮一下。 (閱讀全文…)
WiFi 保安新世代 Alycia 陳婉衡醒你 3 招防入侵
好多人以為 Router 一買返黎就用得，但如果保安 setting 得唔足，隨時俾黑客有機可乘，令個人私隱、公司資料完全曝露。醒目嘅 Alycia 最近就裝左隻新世代智能Router，仲話要教大家 3 招去加強 WiFi 保安，用 eBanking 或者 Online Shopping 都更安心。
即睇 Alycia 親身示範：
第 1 招：MAC Address 過濾 + SSID 隱身
咩叫做 MAC Address？係咪 MAC 機先有架？Alycia話：「唔係架，其實每個 Device 都有個獨立嘅 MAC Address，就好似身分證 number 咁，如果大家去 Router 入面 set 好 MAC Address 過濾功能，要指定 MAC Address 先至可以連接你個 WiFi network，咁其他未被加入 MAC Address 嘅裝置，就唔能夠成功連接啦！」
不過咁係未夠架，Alycia 教路，如果將隻 Router 擺近窗邊，就好容易被街外人接收，引人犯罪架！所以最好將 Router 擺去屋企中間，加上去 Setting 入面，將 WiFi set 好加密，再將 SSID 隱藏，咁就無咁容易俾人收倒訊號啦！
第 2 招：Session Based 認證夠安全
唔講你唔知，舊 Router 好多都係用舊式有保安漏洞嘅 Pop Up 形式登入，好易俾黑客入侵，所以唔少新嘅 Router 就已經改用咗 Session Based 認證，安全性高好多，但大家都要留意，要將出廠嘅 Admin 帳戶改咗佢，如果唔係，黑客一樣好易撞入去！
點解 Pop Up 形式咁危險？Alycia 話：「講多啲俾大家知啦！因為舊式 Router 為免經常性驗證造成不便，瀏覽器會經過固定運算方式，轉換成一組 Key(16bit亂碼) 暫存落 cookie，而呢組 key 仲要無時限性，黑客可以透過 XSS/CSRF 網路釣魚攻擊方式取得資料，再 decode 就可以取得 username/password，繼而進入 Router 改 setting，甚至取得個人資料。」
咁 Session Based 認證點解夠安全？Alycia 解釋：「因為佢將帳戶資料變咗 token，係由隨機亂數產生，就算黑客拎到 cookie 都好難 decode，而且仲有時效性，黑客 decode 倒舊 token 都無用，而每次驗證嘅參數內容都唔一樣添！」
原來 ASUS 仲為 Router 加咗一系列嘅保安機制，例如：超過５次 login 失敗就會鎖１分鐘、Router 同時只可有１個登入者、token 管理由 Router 負責、瀏覽器閒置１分鐘 token 自動失效、會檢查 referrer 防止釣魚網站攻擊、設定加強安全性嘅 Cookie 屬性等等，大家自然用得更放心。
第 3 招：Router 預載防毒？
乜 Router 都有咁多保安風險？咁係咪要好似 PC 咁裝隻防毒軟件？Alycia話：「梗係唔得啦！」不過 Alycia 新揀嘅 Router，就同咗市面一間防毒軟件公司合作，將防護功能植入 Router 入面，叫做 AiProtection。
AiProtection 有３重網絡防護，第１重係 Router Security Scan，佢可以自動檢查大家嘅 Router 設定係咪安全，提醒大家作出改善！第２重可以鎖住唔俾大家去一啲惡意網站，避免電腦中招！而第３重仲勁，network 內任何一部電腦中毒、有唔尋常嘅行為，Router 仲會自動 send email 俾大家，咁就可以盡快將電腦隔離，就可以馬上檢查，將影響減到最少啦！
另外，AiProtection 入面仲提供家長電腦控制程式，可以禁止瀏覽特定類別的網站、甚至使用特定類別的 App，有效避免小朋友接受不良資訊。
大家用嘅 Router 又有無呢啲功能？今次 Alycia 就推介 ASUS RT-AC87U，有齊呢３大安全功能，想屋企、公司 WiFi 夠晒安全。
ASUS RT-AC87U
建議零售價： $1799
查詢：35824738(ASUS)
Make up & hair styling： Heidi Lee @ Heidi-Makeup.com
Photographer: 皓藍
iPhone 6s / 6s Plus 邊部最 like？unwire 同事 x 友好意見大搜查
今次 Apple 推出 iPhone 6s / 6s Plus，就破天荒首次引入最多顏色，除本身嘅太空灰、銀色同埋金色之外，仲首次加入玫瑰金色。究竟邊部最多人 like？我哋就召集咗 unwire 同事們同埋 unwire 之友來講民意調查，睇下係咪真係玫瑰金最多女仔 like？
向 iPhone 6s「致敬」？HTC One A9 又有玫瑰金顏色
全球最快跑車即將面世！Bloodhound Supersonic Car 最高時速達 1,609 公里
人類一直以來都喜歡追求速度感，因此過往科學家及工程師都不斷致力研發速度更快的跑車，比如目前時速最快的跑車就達到 1,228 公里，但這個紀錄即將會被打破，因為今日在英國倫敦展出的 Bloodhound Supersonic Car，據稱時速會高達 1,609 公里，比音速還要快！ (閱讀全文…)
now TV ：「英超」繼續有，新裝置將升級 4K
電訊盈科宣佈通過與英超香港新播放權持有人的獨家協議，將繼續直播2016-19季度英超賽事。now TV將全數播放新播放權持有人播放的賽事。
除了直播外，英超賽事亦可透過自選影象服務及應用程式，在手機、平板電腦及其他互連裝置上觀看。
新 4K 裝置支援 IPTV DTT 及 OTT
電訊盈科媒體董事總經理李凱怡小姐表示：「now TV很高興通過與香港新播放權持有人的獨家安排，透過我們的機頂盒，為觀眾繼續帶來直播精彩英超賽事。now TV與全球超過200個領先夥伴及品牌合作，網羅最多元化的頂級內容，絕對是客戶必然之選。now TV作為一站式影視娛樂平台，不但提供內容頻道、更有自選服務及流動裝置程式可供隨身觀賞。為讓客戶在大屏幕顯示盡享最佳觀賞體驗，我們亦即將提供一個集合所有功能於一身的真正4K超高清全新裝置，支援的功能除了IPTV（網絡協定電視）以外，還包括DTT（數碼地面電視廣播）及OTT。」
now TV 頂級體育內容，包括各主要的世界級體壇盛事，當中除了英超之外，更有新增的德國甲組聯賽、及再度奪得西班牙甲組聯賽（獨家播放權至2017/18球季）、網球四大滿貫、ATP巡迴賽、NBA、高爾夫球四大滿貫、PGA巡迴賽、F1及國際欖球賽等。除體育外，now TV亦提供包括來自HBO、FOX及SCM衛視中文電影等獨家夥伴的一系列本地及國際電影及劇集、受歡迎的亞洲劇集及頂級綜藝節目、兒童節目、新聞及益智內容等。
CDN + QOS 保持流暢
now TV亦了解客戶對高畫質標準的需求。now TV一直以來使用香港電訊首屈一指的網絡基建傳送內容，更專用了香港電訊的內容分銷網絡（Content Distribution Network）及專屬服務質素（QoS）保證，確保now TV客戶可獲得無可比擬的卓越觀賞體驗。
內外一樣高貴！Vertu Signature Touch 終於肯升呢用旗艦級規格
提起奢華貴價的手機，相信不少人應該會即時想起 Vertu 這個英國手機品牌，旗下的 Signature 系列手機平則幾萬港紙一部，貴則就要十幾廿萬。雖然外表高貴，但 Vertu 的手機就一直被人批評其規格未夠奢華，幸好即將推出的新款 Signature Touch，就終於打破這個格局。 (閱讀全文…)
籮文：「影相堅係靚 仲可以拍 4K 片」Sony Xperia Z5 初步評測
Sony 今日終於喺香港推出最新旗艦手機，包括 5.2 吋熒幕嘅 Xperia Z5，同埋 4.6 吋熒幕嘅 Z5 Compact。喂咁 Z5Premium 呢！？今次就未出住，所以我哋就試住部 Z5 黎等啦！Z5 主打2,300萬像素相機，可以拍4K 片，仲有指紋辨識，想知更多請睇下以下評測啦！
磨沙機背 跣手但唔再痴手指模
同上一代 Z4+ 唔同，Z5 今次冇再用玻璃面機背，而改用磨沙面，終於告別「指模收集器」，姿整嘅用家唔使再成日要抺抺抺。除咗唔再痴指模，籮文就覺得磨沙面更加高貴大方，尤其今次試嘅依部金色，方方正正成塊金磚咁，確實幾型仔，不過可惜磨沙面非常跣手，輪盡豬嘅朋友就記得跟機買埋 Case。其實籮文一直都幾欣賞 Sony 機嘅外觀設計，就好似 Z5 一體化設計，令整個感覺更簡約，加上機背 Sony Logo 有浮起嘅立體感，左機側印上 Xperia Logo，有畫龍點睛嘅作用，細節位都一絲不苟，讚！
▲開關制比上一代大粒，因為要加入拍紋認証功能嘛！
▲繼續有免防水蓋嘅 Micro USB 位
▲左側卡槽
▲機頂耳機孔
▲5.2 吋大小岩岩好，不過兩側同機背都有啲跣手
▲左機側印上 Xperia Logo
指紋解鎖快而準 一㩒就 Unlock
今次 Z5 加入指紋感應器，指紋感應器位於開關制，換言之你隻手指㩒落開關制嘅同時指紋感應器就會感應到你的指紋進行解鎖，非常直覺化。籮文試過，解鎖速度幾乎同平時就咁開 Screen 一樣，消耗同樣時間，換取更高保安。
▲Setup 亦只需一兩分鐘左右，最多可 Set 4個指模
Z5 Premium 先有 4K Mon
Z5 Premium 先有 4K Mon 架咋，Z5 雖然解像度維持 Full-HD，其他方面都有唔錯表現，例如可視角度好大，傾斜到接近水平都仲可以閱讀到個 Mon。利用測光工具 Spyder 測試下，發現 Z5 色準非常精準，亮度亦都好足夠。假如你認為色準唔夠好，你都可以自己設定白平衡！
▲ 可視角度好大，傾斜到接近水平都仲可以閱讀到個 Mon
▲利用測光工具 Spyder 測試下，發現 Z5 色溫十分偏冷，最高亮度就跟 iPhone 6 差不多
▲假如你認為色準唔夠好，你都可以自己設定白平衡！小編建議稍稍推紅一點
▲畫面整體表現都 Good
0.03 秒超快對焦 影相從未試過咁爽
Z5 繼續有實體影相制，岩晒鍾意影相嘅朋友。今次 Z5 就唔只有 2,300萬像素畫質上嘅提升，速度上亦都有突破，配合相位偵測技術，對焦只需要 0.03秒，籮文試過，係唔係真係0.03就冇認真數過，不過點都係一秒內對焦到，幾乎Feel唔到有對焦嘅過程，影相一 Snap 就係，一個字「爽」。除咗清同埋快，Z5 影相仲可以好遠，今次加入5倍清?變焦功能，雖然唔係光學變焦，但放大五倍畫面仍然過去 。
▲影出黎顏色非常鮮
▲用貓貓啲毛測試相機線條清?度，一條一條好清楚
▲中間藍色建築物位置偏暗亦保留到細節
▲5倍清?變焦功能質素真係唔錯，畫質唔算下跌太多
發熱問題有改善
Z5 其中一個賣點就係拍到 4K 片，不過 Sony Z 系列一直有容易過熱的問題，好多人都好好奇 Z5 有冇解決到此問題？籮文話你知係有改善的，但未完全解決！今次籮文就挑戰一下 Z5 最高溫度可以去到幾多度。最好又最快嘅方法就係拍4K片！
▲錄影到8分半鐘，終於有警告
▲最高溫度籮文見過52度
▲發熱位置主要係 NFC 標志左近
▲到14分半鐘左右，部機頂唔順停左，不過我隻手就冇咁能耐啦，捱住高達五十幾度拎住14分半鐘，隻手可能已經一早 Error 咗。不過好彩暫時只係拍 4K 片先有呢個情況，平時打機睇片又唔係好熱
旗鑑規格 不過預載App 仲係好多
旗鑑級規格當然勁啦，Snapdragon 810 64 位元八核心處理器，跑 Antutu 跑到44454分，非常傑出，不過發熱問題冇改善。內置 3 GB RAM， 32 GB Flash Memory，扣除系統預載嘅野都仲有 15 GB 可用，唔夠用仲可以插高達 200 GB 嘅 microSD 卡。而 Sony 手機一向都有唔少預載 Apps，Z5 亦唔例外，冇買股票又冇 Playstation 嘅籮文就覺得好煩囉，又要逐個 App Del 晒佢。
▲Snapdragon 810 64 位元八核心處理器，跑 64bit Antutu 跑到50298分，非常傑出，不過發熱問題冇改善
▲Sony 手機一向都有唔少預載 Apps，Z5 亦唔例外，冇買股票又冇 Playstation 嘅籮文就覺得好煩囉，又要逐個 App Del 晒佢。
▲內置 3 GB RAM， 32 GB Flash Memory，扣除系統預載嘅野，影咗幾張相，拍咗條差唔多十五分鐘嘅4K片都仲有 15 GB 可用，唔夠用仲可以插高達 200 GB 嘅 microSD 卡。
籮文：「好一體化好直覺化的使用體驗」
Sony Xperia Z5 由外到內都令我覺得非常完整，外觀設計嘅一體化（冇得換電），介面設計簡約，影相對焦速度快到 Feel 唔到對焦過程，一按指紋即解鎖等等的直覺式操作，成件事好順暢好一理成章，唯一要彈就係發熱稍有改善，但未完全解決囉..
受保護的內容: 【投稿】9.25 真人放 iPhone 6s Plus 分享
【有片睇】有冇硬淨咗？全球首個 iPhone 6s 及 iPhone 6s Plus 跌落地面測試
過去幾年每當有新 iPhone 推出時，不少人都會進行各種測試，以便了解其機身是否夠堅硬。至於今日最新款的 iPhone 6s 及 iPhone 6s Plus 終於正式發售，而且更有人已搶先進行跌落地面測試，到底今次改用了 7000 系列鋁合金的新 iPhone 又能否幸免於難呢？ (閱讀全文…)
繼續打平價牌 Letv 第 3 代超級電視 10 月底香港開賣
樂視 Letv 不斷曝光了這麼多天，相信不少 Wire 民都與艾域一樣看到有點厭了吧。英超收費及播放詳情仍然未公佈，但 Letv 昨天就宣布會在 10 月底在港開售新一代 Series 3 超級電視，包括 Max65、X55、X43 3 款型號，而 X40 則暫未確定。
最重要都係賣得平囉
4 款產品最大賣點是甚麼？繼續大打平價牌囉。65 吋的 Max65 及 55 吋的 X55 均為 4K 電視，淨機價將為 $11,499 及 $5,799，至於全高清型號，43 吋的 X43 及 40 吋的 X40，淨機價則為 $2,999 及 $2,799。
$399 平賣盒子 半年內唔要仲可以退錢
另外，Letv 亦將會在 10 月 8 日推出首批限量 5,000 部香港專屬的 Le TV Box 4K 標準版電視盒子，售價為 $399，並設有半年「試用期」，用戶可於購買日起第 3 個月至 6 個月內退回盒子，將可獲退款 $389。若果試用之後決定繼續使用，則會再獲贈「樂迷 99」組合月費 6 個月。
該盒子現已在 LeMall 接受預約，成功預約者需在 10 月 8 日中午 12 時到 LeMall「搶購」。在 10 月 9 日至 11 月 19 日期間，Letv 亦將會在指定時間，於全港不同地區的合作伙伴包括 7-Eleven、蘇寧、豐澤、快圖美等發售該盒子。
TUNEWEAR 推出一系列 iPhone 6S / iPhone 6S Plus 保護套
提醒一下剛剛入手 iPhone 6S / iPhone 6S Plus 嘅你，新機到手當然要即刻預備一個好用嘅保護套保護新機啦！日本著名配件品牌 TUNEWEAR 就秉承品牌多元化、多色彩兼實用的特色，率先推出一系列iPhone 6S保護套，供大家選擇。
360全角度，睇片必備 － TUNEFOLIO 360 for iPhone 6s Plus / 6 Plus / 6s / 6 保護套
底殼可作360度轉動，無論手機橫放或是直放，均可作為座檯支架調整至適合自己的視角，方便作影視娛樂之用。打開內則備有卡片插縫，可存放八達通或卡片。側面設磁石扣讓保護套保持閉合，並於聽筒位置開孔，即使保護套閉合亦可繼續通話。新一代的 TUNEFOLIO 360 迴轉軸採用金屬打造，耐用之餘更添一份高雅感覺。
▲底殼可作360度轉動，無論手機橫放或是直放，均可作為座檯支架調整至適合自己的視角
顏色選擇：
灰色、銀色、金色、深藍、粉紅
建議零售價：
HK$259 (for iPhone 6s / 6)
HK$279 (for iPhone 6s Plus / 6 Plus)
典雅時尚，女士之選 － TUNEFOLIO TRAD for iPhone 6s Plus / 6 Plus / 6s / 6
TUNEFOLIO TRAD for iPhone 6S / iPhone 6S Plus 皮夾型保護套，可作為座檯支架，調整至不同視角，讓你舒適觀賞iPhone內的影片或相片。保護套採用堅固的聚碳酸脂 (Polycarbonate) 底殼配PU合成皮製成，能全面保護你的iPhone，防塵防刮花並提供減震功能。打開內則備有卡片插縫，可存放銀行卡、八達通、卡片及紙幣。
顏色選擇：
黑色、粉紅、淺啡、夢幻藍及淡粉紅 (for iPhone 6S / 6)
黑色、粉紅及淺啡 (for iPhone 6S Plus / 6 Plus)
建議零售價：
HK$259 (for iPhone 6s / 6)
HK$279 (for iPhone 6s Plus / 6 Plus)
碳纖紋理，低調型格 － CarbonLOOK for iPhone 6s Plus / 6 Plus / 6s / 6 保護硬殼
新一代採用 PU (Polyurethane)聚氨酯製造，耐用而堅韌，並於內層加入超細纖維，防撞防刮花。主打賽車風格的碳纖紋理，配合紅色內層，分外型格。有別於上一代的全開放設計，新 CarbonLOOK在按鍵處特別加強保護，而下方的lightning及接口、喇叭位置則沒有被遮蓋，方便充電及連接耳機使用。
▲紅色內層，分外型格
顏色選擇：
黑色
建議零售價：
HK$179 (for iPhone 6s / 6)
HK$199 (for iPhone 6s Plus / 6 Plus)
接近裸機的手感 － eggshell for iPhone 6S Plus / 6 Plus / 6s / 6 保護硬殼
經歷多年的iPhone進化，作為保護套界別的龍頭，TUNEWEAR設計團隊發現 0.8mm 的厚度，既可為電話提供合適的保護功能，同時亦能兼顧手機的纖薄性，為你提供接近裸機的手感。eggshell 採用堅硬的聚碳酸脂 (Polycarbonate) 製造，配合精準的尺寸製造，所有按鍵、輸入和輸出接口的操作無影響。
顏色選擇：
透明、淺灰、糖果粉紅、天藍及透明白 (for iPhone 6S / 6)
透明、淺灰及透明白 (Phone 6S Plus / 6 Plus)
建議零售價：
HK$159 (for iPhone 6s / 6)
HK$179(for iPhone 6s Plus / 6 Plus)
柔韌簡約，貼身保護 － SOFTSHELL for iPhone 6S Plus / 6 Plus / 6s / 6 保護軟殼
採用可回收的TPU (Thermoplastic Polyurethane) 熱塑性聚胺基甲酸脂製成，設計簡約兼透明感十足。柔韌而且有彈性，輕巧實用並提供減震功能。而在按鍵及接駁處上，SOFTSHELL都有特別設計去加強保護，當中Lightning及耳機接口更設活動防塵塞，為您的新iPhone 加強保護。
顏色選擇：
透明、淺灰、水藍、花粉紅及薰衣紫
建議零售價：
HK$159 (for iPhone 6s / 6)
HK$179(for iPhone 6s Plus / 6 Plus)
番外篇：強化音樂體驗 － 新一代 TUNEWEAR 座檯勾 (Ring Strap Stand, RSS)
eggshell for iPhone 6S Plus / 6 Plus / 6s / 6 及 SOFTSHELL for iPhone 6S Plus / 6 Plus / 6s / 6 附設新一代的 TUNEWEAR RSS，除了一如以往的座檯功能，除了方便收看影片和作為拍照腳架外，在上一代特別設計的 “Sound-FUNnel” 被移植到RSS。將RSS安裝在iPhone的喇叭位置，即可巧妙地將聲音收集再放大，增強聲效。
查詢：2553 1151 (TOWERVISION)
