上年聖誕姆明係尖沙咀開咗間 cafe 引來一大班粉絲排隊光顧，今年聖誕姆明就同精靈好友去到旺角 MOKO 新世紀廣場同大家見面，今日依莉詩仲同佢玩捉迷藏添！
「姆明森之庭園」影相位
走入庭園，姆明爸爸同姆明媽媽正在佈置4米高巨型姆明一族造型聖誕樹，只要你走到迎聖誕樹，牽著姆明爸爸和姆明媽媽的手，聖誕樹上的燈光就會改變。
▲ 移步到「聖誕會客廳」，好客的姆明伸手邀你坐下，同歌妮一齊合照呃 like！
▲ 走到屋外，機智貪玩的亞美和史尼夫捉迷藏。
▲ 習慣獨來獨往的史力奇係橋上吹奏口琴，你可以坐在划船上同樹精們合照。
▲ 庭園上，姆明同精靈好友坐係一個個聖誕花環上準備空降。
一 take 過自拍所有裝飾？
如果想自拍但又想一次過影晒整個庭園可以點？只要你企係聖誕樹下就可以係唔洗用自拍神棍的情況下將你同整個場景攝進相中，而且相片有接近 2,200 萬像素的超高清解像度，張相可拉大、拉大再拉大 (好似係)，讓朋友要尋找你的芳蹤！
▲ 拍攝後相片會傳到你的 email。
▲ 正當我以為位置商場 3樓的鏡頭有甚麼何方神聖的時候，我看到相機上面寫住 「600D」。
同姆明秘密『油』花園
早前填色繪本“Secret Garden”一度被網民封為減壓神器，而商場 L3 樓層的戶外兒童遊樂場就設計了一幅巨型壁畫，小朋友可用商場準備的顏料盡情為姆明谷上色。另外，三五成群的巨型吹氣樹精公仔佈陣，打造成「樹精迷宮陣」，等你聖誕節來挑戰！
▲ 用筆油下油下，又真係幾壓抑啊！
姆明故事手稿
至於 L4樓層有一個小型姆明故事館，不但展出了幾幅姆明繪本手稿，電視更播放著姆明作者的訪問，忠實粉絲唔可以錯過啊！
▲姆明繪本手稿都係黑白色為主。
首賣姆明朱古力、馬卡龍
送朱古力，送馬卡龍做聖誕禮物好似太普通。姆明冬日 POP-UP STORE 會首賣「姆明濃情方塊朱古力」(12月4日至 11日) 和「脆緻姆明馬卡龍」(12月7日至 14日)，睇到都覺得「巧打意」！
▲ 每一粒馬卡龍上都印有姆明一族角色的圖案，好得意呢！
▲ 而朱古力除咗中間個粒，其他都好吸引呢！
姆明冬裝小物
除此之外，POP-UP STORE 更會售賣不少由日本空運及芬蘭運到港的獨家新品，包括暖意滿載的冬裝小物，讓姆明一族貼身伴您過窩心聖誕！
▲ 精品種類都唔少，手袋、擺設等等都有。
▲ 杯同碟都有多款選擇。
▲ 公仔都有大中細揀啊！
▲樹精通粉都好特別呢！
▲ 呢個聖誕擺設超靚啦！上面 D 掛飾仲可以自己換位。
▲ 食物托盤都好有聖誕氣氛。
▲ 毛巾令我想起交換禮物，男女都啱用。
▲ 毛毛手套應該係情侶用的吧！
依莉詩點評
姆明其實呢幾年聖誕都有出現係唔同大小的商場，所以未必會特別興奮，不過今次呢幾個影相位都幾好，特別係「聖誕會客廳」，唔會影到其他人。至於 Giga Selfie，我就覺得可玩可唔玩啦，因為多人幾時候真係搵唔番邊個係自己。而「脆緻姆明馬卡龍」好得意，做聖誕禮物好有心意，不過如果買咗「姆明濃情方塊朱古力」，我建議先換咗中間個粒先好送俾人，唔係人地以為你借花敬佛就唔好啦！
聖誕氣氛 ★★★☆☆
必影指數 ★★★☆☆
必買指數 ★★★★☆
日期：2015 年 11 月 28 日至 2016年 1 月 3日
地點：MOKO新世紀廣場
分享到 :
最新影片
