隨著觀塘愈來愈多小店同手作市集，已經漸漸變成文青集中地。繼之前介紹過的古道具公園，今日我依莉詩就帶大家睇下呢間美式工業風格的特色小店 —「The Garden」，等大家可以係 vintage 文化氛圍下食一個 All Day Breakfast。
一萬呎後花園有齊衣食住行
The Garden 佔地一萬呎，面積非常大，入到去仿如坐咗時光機到達 70、80年代的一樣，不但放置了復古的電單車，仲有唔少美式的懷舊玩具、古董家俬，充滿工業味。整體上看似係一間小店，但事實上結集了數個風格近似的品牌，當中有 Oldish 餐廳、CCL 皮革工作坊 、GrowthRing 古董家俬 及 皮革、時裝、鞋等等的品牌。係一個地方就能夠滿足「衣、食、住、行」的需要。
▲ 雖然店內有很多不同的品牌共存於同一空間，不過沒有一點違和感。
▲ 門口的復古電單車點出了整間店的情懷。
▲ 店內唔少的佈置都由 GrowthRing 包辦，當中有唔少係二戰後的產物，只要是有掛上價錢牌的，客人都可以隨意買回家。
▲ 店內仲有唔少vintage 椅子，滲透着濃濃的工業味。
▲ 除了大型傢俱，店內擺滿了唔少的工業鞋，都是由另一個品牌 Alternative Country 負責。
▲ 工業鞋大多由牛皮或馬皮製，有按 40年代設計而做的工業鞋，亦有鋼頭軍鞋，還有可愛的童裝鞋款。
▲ 仲有幾個比較細的品牌遍佈店內，有齊衫、褲、鞋、襪，隨時可以換晒個 look 再出門口都得。
皮革工作坊學習真正的手作
係購物的同時，唔難發現中間有張工作枱。原來這裡亦是倫仔的工作室 CCL ，售買手作皮革製品外，仲會開班教授。製作皮革製品有 8年的倫仔一身工業風，佢表示自己特別鍾意電單車同印第安風格的物件，所以會圍繞去這些去設計。但開 workshop 就是「眼見方間唔少人覺得手作就會粗獷，無機器做咁好，但其實全世界最頂級的工藝製品，例如錶、手袋等，都係人手造，所以我想開班，等人更加認識手作。」
▲ 倫仔的皮大多來自意大利、日本、美國。
▲ 一圈圈的皮疊起好有工廠的感覺。
▲ 而倫仔最愛的就是這部 50年代用來做牛仔輩鎖鏈腳的衣車。
▲ 隨手提起一個銀包，細看之下，都感受到倫仔對皮革的熱情。
復古與創新間平衡
至於店的右手邊是 Oldish 餐廳，相信唔少文青都應該去過上環總店，而觀塘店以工業風為主調，店內的傢俱都 GrowthRing 一手包辦。除了古董凳 同 復古的凳，餐枱更是由一些來自日本木門的木板，重新加工而成。主理人阿 Paul 希望藉此鼓勵人將用到的舊物盡量重用，而且坐的凳，如果客人喜歡都可以買走。
▲ 餐廳提供午市同晚市，午市每星期會轉一次 menu ，由廚師自己設計，而且無局限係咩國家的菜，「我地呢度大部份都係年輕人，想佢地自由發揮，發掘創意。」
▲ 開放式廚房設計為了廚師可以同客人互動溝通，從而想到更多啱客人口味的新菜式。
▲ 餐廳內設有沙律 bar，原來係因為主理人阿 Paul 芍小時候去 pizza hut 的一份少少情意結，「好似一大班朋友堆砌自己想食的」，所以想將懷舊色彩放於這個年代同客人分享。
▲枱面上放置了美式的懷舊玩具，貫徹全店風格。
▲ 餐枱都係由一些來自日本木門的木板，重新加工而成，獨一無二。
▲ 店內一枱一凳都有佢地的故事，有興趣可以搵阿 Paul 傾下計。
▲ 只要掛了價錢的凳都可以買回家。
OLDISH
地址：觀塘巧明街99號巧明工業大廈5樓AB座
電話：2345 5008
