夏日炎炎，唔知大家週末時有無諗過同朋友去遊下船河玩下水？今日 UE 就在西貢舉行了發佈會，不但宣佈推出 UE Boom 2 及 Megaboom 的新色，還推出與新晉歌手及星級形象顧問馬天佑 crossover 的限量設計版，唔知馬生旗下的 KOL 們有冇機會率先試聽呢？
全新 4+1 色夏日夠搶眼
近年流動靚聲喇叭品牌之間競爭十分激烈，UE 早前其實已推出過 Boom 2 及 Megaboom 這兩款流動喇叭 <想睇回介紹可點按此>。為了迎接夏天，今次 UE 亦乘勢推出 4+1 新色的 UE Boom 2 及 Megaboom 搶灘，當中 UE Boom 2 就除早前的 6 款顏色外，加入額外 4 款顏色，當中筆者覺得藍白紅斜紋及橙 + 湖水綠配搭的兩款新色最為吸引，唔知大家又覺得點呢？
至於 UE Megaboom 亦除之前的 4 種顏色外，新增了淺藍色款式，筆者覺得比起之前的深藍色，這款顏色睇起來更搶眼更 sharp 醒，夏天用認真一流！
馬天佑加持！KOL 們又點睇？
除了以上的一般款式及優惠外，今次 UE 亦與新晉歌手及星級形象顧問馬天佑 crossover，推出限量版設計的 UE Boom 2，所有功能與一般版的 UE Boom 2 相同，只是顏色改用藍 + 綠及黃 + 白色的設計，據馬天佑表示是以夏天為主題，將海水與陽光的折射呈現在設計上。至於售價則與一般版 UE Boom 2 一樣，同樣是 $1,699。
▲從包裝盒上的 UE Boom 2 圖案及印上馬天佑的 logo 已可見到這款限量設計版喇叭的風格。
▲所有設計及功能與一般版 UE Boom 2 一模一樣，只是顏色不同了而已。
▲夏天拿出去遊船河用，都幾襯呀！
▲馬天佑本人都有親身出席發佈會，唔知馬生旗下的 KOL 們、甚至他的死黨林峰有冇得親身試用呢？（笑~~）
相關文章:
烏克蘭 YouTuber 被人用 AI 盜臉 冒充居中國俄羅斯人
分享到 :
最新影片
