iOS 4 尋晚釋出，都預左 unwire.hk 會全版都係相關消息，但大家掛住研究 iOS 4 好唔好用o既同時，不妨都留意番 Android o既動向，事關佢又有部勁機到左香港，就係 5 吋o既 Smartphone 加 Tablet－－Dell Streak。
Dell Streak 冇耐前先o係英國率先推出，水貨早兩日就已經流入香港。講規格，佢係幾唔錯，用o既係 Qualcomm Snapdragon 1GHz CPU，比而家好多 Android Tablet 都勁，唔怪得用落幾爽快。而且佢有齊 Wi-Fi 同 3G Modem，任人揀用邊樣上網；更難得係佢插左 SIM 卡後，唔只可以上網，仲打到電話，所以佢其實係一部 Tablet 樣o既 Smartphone 黎，香港應該仲未有同類行 Android OS o既 Gadget！而佢個 Android 版本係 2.1，亦都幾 Update，Dell 仲已經講明，遲o下可以升上 2.2，買家可以少一個顧慮。
但由於部機有 SIM Lock，所以 3.5G 上網功能暫時未o係香港用到，亦要加張卡貼去解鎖先打到電話。不過，目前先達獨家賣佢o既 G-World 話，兩星期內會收到英國網絡商提供o既解鎖 Code，到時會免費幫客解番鎖，咁就可以正常用香港 3G SIM 卡上網同打電話。
好喇，講到大家最關心o既價錢喇！現時盛惠 $6,980！似乎係貴左 D，但唔好話我唔爆俾大家聽，有 Sales 哥哥暗啞底同我講，部機應該好快落價，遲少少買又唔駛去多轉舖頭解鎖，等一等先買有著數呀！
查詢：G-World（2396 6900）
除左 Multi-Touch 篤電容芒外，仲靠右側三個熱感掣去操控佢個 Android 2.1 系統。
同筆電一樣，機背正中有一大個 Dell Logo；側邊仲有 500 萬像素鏡頭，更難得係有埋 LED 閃橙。
機身唔算厚，側到咁睇個芒都仲見到幾清楚o既畫面，可視角度夠闊，但用 Dell 自家o既 Cable 插頭，駁電腦唔夠 USB 方便。
分享到 :
最新影片
