前晚 Steve Jobs「認錯」果陣話整唔切咁多 Bumper，所以送每個 iPhone 4 用家一個膠套補鑊就算數。堂堂咁大間 Apple，趕批 Bumper 都趕唔到？都唔知係咪孤寒唔想送o者！既然自己整唔切，雜廠抄你出就唔怪得人勒，近排先達就開始賣緊 D 抄款 Bumper。
呢批雜嘜 Bumper，抄足真貨果 6 隻色，但側邊就冇真貨咁細緻整埋大細聲掣個位，大約賣 $90 至百幾一個。你話貴咩？冇計喎！而家美國 Apple Store 封左盤冇真 Bumper 賣，你想用美金 $29 買真貨都買唔到呀！冇耐前先達班大佬終於入到晒 6 色真貨番黎賣，炒到成港幣 $480 一個（黑色平少少，都要 $380）！但都係手快有手慢冇，炒到咁喪又咁搶手，即係迫人買山寨貨o者！
Bumper 可以改善 iPhone 4 o既接收問題，但又少貨又俾人炒到貴晒！