有獎攞本應好興奮，點知 hTC 和 Samsung 竟然會因此變成小學雞，在 Twitter 吵大鑊，究竟誰是誰非，不如由讀者評評理。事緣日前英國舉行了 Mobile Awards 頒獎典禮，hTC One 當晚得到了 Hottest Phone of 2013 獎項，於是就在自己的 Twitter 帳號公布喜訊，順道寸一下 Samsung（見下圖）。
原本只是自己報喜問題不大，但 hTC 竟然寫著「哎唷！」然後 tag 了 Samsung；Samsung 也不是省油的燈，轉頭就回應指，我們當晚攞咗 3 個獎項，呢個豬肉獎留俾你啦！hTC 見到後當然不爽，擺明針對 Samsung 搵學生上網做打手，明寸 Samsung「所有學生打手寫衰對手的功夫終於有回報啦！今次你哋仲唔加人工？」
當晚頒獎禮有份參與的 LG 被逼做了塘邊鶴，為了不被網民遺忘，只好做架兩說了一句「Calm down dears, it’s only a phone」。究竟係先撩者賤還是兩家公司互扯貓尾博宣傳，讀者自行判斷。
來源：techradar
